Hysni Myzyri

Hysni Myzyri (1935 - 2007) ishte profesor, pedagog dhe historian i arsimit shqiptar.

Biografia

Hysni Myzyri u lind nė shkurt të vitit 1935, nė Elbasan. Prof. Hysniu është bashkautor i botimeve të Akademisë së Shkencave “Historia e Shqipërisë” vëll.II (1984), “Fjalori Enciklopedik Shqiptar” (1985) “Historia e Popullit Shqiptar” vëll.II (2002); bashkautor i botimeve të Ministrisë se Arsimit “Historia e Arsimit Shqiptar” (1990) dhe “Historia e Arsimit dhe e mendimit Pedagogjik Shqiptar” (2003); bashkautor dhe redaktor përgjegjës i botimit “Historia e Shqipërisë dhe e Shqiptarëve” (2001) dhe i gjashtë teksteve të historisë për shkollat tetëvjeçare e të mesme të botuara në Shqipëri dhe në Kosovë.

Prof. Hysni Myzyri ka mbrojtur dy dizertacione dhe ka marre gradat e titujt shkencore : “Kandidat i shkencave” (1979), “Docent” (1982), “Doktor i Shkencave” (1990), dhe “Profesor” (1994). Ka qenë anëtar i “Research Board of Advisors” të Institutit Amerikan te Biografive.

Duke vlerësuar veprimtarinë e tij pedagogjike dhe shkencore, Prof. Hysni Myzyrit iu ngarkuan detyrat e shefit të Departamentit të Historisë në fakultetin e Histori Filologjise të Universitetit të Tiranës dhe detyra e Nëndrejtorit të Institutit të Historisë së Akademisë së Shkencave të Shqipërisë në periudhën 1994-1997. U nda nga jeta mė 4 shkurt 2007 në Tiranë.

Vepra

Profesor Hysni Myzyri është autor i shtatë monografive :

• “Shkollat e para kombëtare shqipe” (1973),
• “Shoqëria e të Shtypurit Shkronja Shqip” (1979),
• “Nuci Naci” (1986),
• “Arsimi Kombëtar Shqiptar” (1996),
• “Pandeli J.Evangjeli” (2004),
• “Shkolla Normale e Elbasanit” (2004), etj

Bashkautor në një sërë veprash:

• Historia e Shqipërisë, vëll. II, Akademia e Shkencave të Shqipërisë, 1984.
• Fjalori Enciklopedik Shqiptar, Akademia e Shkencave të Shqipërisë, 1985.
• Historia e Popullit Shqiptar, vëll. II, Akademia e Shkencave të Shqipërisë, 2002.
• National Education During Albanian Renaissance, AIITC, 2007.
• Historia e Arsimit Shqiptar, MASH, 1990.
• Historia e Arsimit dhe e Mendimit Pedagogjik Shqiptar, MASH, 2003.
• Historia e Shqipërisë dhe e Shqiptarëve, AIITC, 2001.

Autor i artikujve shkencorë në revistat

• “Studime Historike”,
• “Studime Filozofike”,
• “Revista Pedagogjike”,
• “Historia e Arsimit”,
• “Univers” etj.

Shih edhe

• Elbasani
• Isuf Myzyri
• Normalja e Elbasanit