Krevati i perandorit
| Krevati i perandorit Arkivi i filmit | |
|---|---|
 | |
| Titulli shqip | Krevati i perandorit |
| Vendi i prodhimit | Tiranë Shqipëri |
| Viti i prodhimit | 1973 |
| Koha (Zëri) - (PAL/DVD) | 27:20 |
| Ekipi realizues | |
| Regjia | Endri Keko |
| Skenari | Dritëro Agolli Endri Keko |
| Muzika e filmit | Çesk Zadeja. |
| Kameramani | Petraq Lubonja |
| Drejtori artistik | Haxhi Dersha |
| Prodhuesi i filmit: | Shqipëria e Re |
| Aktorë kryesorë | |
| Pandi Raidhi | |
Filmi "Krevati i Perandorit" prodhim i vitit 1973 me metrazh të shkurtër.
Regjisor: Endri Keko, Skenari: Dritëro Agolli, Endri Keko, Producent: Shqipëria e Re, Muzika: Çesk Zadeja.
Aktorët në role:
Redakto- Pandi Raidhi........ partizani Meke
Në episode
Redakto- V. Take
- S. Baze
- A. Sinani
- A. Toroveci
- S. Myftari
- V. Ristani
Përmbajtja
RedaktoFilmi bazohet në poemën me fabul të Dritëro Agollit mbi hyrjen e partizanit Meke ditën e parë të çlirimit në pallatin ku më parë ka jetuar mbreti i ikur dhe më pas njerëzit e regjencave pushtuese.
« Personazhi Meke është një bari pa punë, i privuar nga popullata e tij i deleve si dhe nga populizmi shtazor i ushtruar mbi to. Larg natyrës dhe habitatit familjar, është i shtrënguar të ndryshojë zanat, t’i përshtatet kushteve të reja njerëzore. Statusi i tij i ri është ende para-modern sepse në administratën e re totalitare ai do të reduktohet në modelin e bariut kooperativist, ku natyra, toka, kafshët dhe mjetet e punës i përkasin Shtetit-bari.»
« Oborri tashmë është në duart e bariut. Oborr që duhet ri-bërë, duhet tjetërsuar si qendër e fuqisë së një shoqërie tjetër oborri, e një absolutizmi të ri që po lind aty e gjetiu. I tronditur dhe i habitur, personazhi i Mekes zhytet përherë e më tepër në turbullirën e botës së zbuluar. Sytë nuk mund të besojnë se ku ndodhet i shkreti njeri që sodit absurdin përmes tyre, lëmshin më të madh të jetës së tij. Ky vend çoroditës, prodhon iluzione e shfuqizon vizione në mendjen e Mekes dhe të kujtdo tjetër që për ndonjë shaka të hidhur pa kripë, fati do i jepte mundësinë e njohjes të së ndaluarës, pallatin çudibërës apo bllokun e hekurt të zbuluar më vonë nga shqiptari që shëtiste sy-shqyer pas rënies së diktaturës.»
Marrë nga:
Julian Bejko, Shoqëria e Kinemasë, I, Regjimi i Vjetër dhe Lufta e Popullit, Edlora, 2012, Tiranë.
Lidhje të Jashtme
Redaktohttps://www.youtube.com/watch?v=4RjiJrlYfxE