Universiteti i Elbasanit “Aleksandër Xhuvani” është institucion publik i arsimit të lartë.

Universiteti i Elbasanit është vazhdues i Institutit të Lartë Pedagogjik “Aleksandër Xhuvani” (ILP) themeluar më 1971, i cili u përvijua si vazhdues i drejtpërdrejtë i Shkollës Normale të Elbasanit (i pari institucion kombëtar i përgatitjes së mësuesve në Shqipëri, themeluar më 1909).

Normalja dhe universiteti

Normalja e Elbasanit, e hapur në vitin 1909 dhe Universiteti i Elbasanit “Aleksandër Xhuvani”, parakuptojnë një bashkëmarrëdhënie të ngushtë, e cila nuk mund të konceptohet e vlerësohet pa konsideruar në mënyrë të ndërsjellë dy institucionet e sipërpërmendura.

Këto dy institucione të rëndësishme, që ndonëse ndryshojnë nga njëri-tjetri në aspektin kohor, strukturor e statusor, kanë një lidhje të brendshme organike të dukshme ndërmjet tyre, pasi kanë ruajtur historikisht të njëjtat funksione e kanë zbatuar detyra të njëjta.

Me çeljen e kësaj shkolle, Elbasani do të bëhej jo vetëm djepi i Normales, por, sipas përcaktimit të Luigj Gurakuqit, drejtorit të parë të Normales, edhe “djepi i mësimit dhe i diturisë kombëtare”. Përmbushja e kësaj dëshire është qëllimi që i kemi vënë vetes në këtë institucion, thirrja që do të jetë gjithnjë në qendër të veprimtarisë së sotme mësimore e kërkimore, por edhe vizioni i së ardhmes të universitetit tonë.

Kjo traditë, këto vlera shumëdimensionale, ky terren tradicionalisht i përgatitur dhe i formësuar, do të çojnë natyrshëm në krijimin e një shtrati të sigurt, mbi të cilin do të fillojë jetën e do të hedhë shtat në vitin 1971 Instituti i Lartë Pedagogjik dhe pas afro dy dekadash Universiteti “Aleksandër Xhuvani” i Elbasanit.

UE është institucion i ngritur në statusin universitar mbi Institutin e Lartë Pedagogjik “Aleksandër Xhuvani” (ILP) të Elbasanit.

ILP-ja, ky institucion i lartë arsimor, që ka përgatitur mësues për shkollën 8-vjeçare dhe të mesme, u ngrit më 1971 dhe ka funksionuar deri më 1991. ILP. u themelua duke u mbështetur në traditën e përgatitjes së mësuesve në shkollën Normale të Elbasanit, si dhe në përvojën e grumbulluar në dy filialet pararendëse të tij, një i Universitetit të Tiranës dhe tjetri i Institutit të Lartë Pedagogjik të Shkodrës, si dhe të trashëgimisë së veprimtarisë së gjerë shkencore e arsimore të mjaft studiuesve e mësuesve elbasanas.

Fillimisht ILP-ja ka kryer veprimtarinë e vet mësimore në katër degë të mësuesisë: gjuhë-letërsi, matematikë-fizikë, histori-gjeografi, biologji-kimi, në sistemin me dhe pa shkëputje nga puna, me kohëzgjatje trevjeçare; në degët inxhinieri ndërtimi, inxhinieri mekanike, ekonomi kontabël, ekonomi plan, si filiale të UT-së. Ky institucion zhvilloi veprimtari në filialet e tij të ngritura në qytetet Korçë, Fier dhe Berat.

Në vitin 1981 u hap dega e përgatitjes së mësuesve për katër klasat e para të shkollës 8-vjeçare, me kohëzgjatje studimi 3 vjet. Afati i studimeve në ILP më 1982 u shtri nga tre në katër vjet. Pranë tij kanë funksionuar pesë katedra:

Katedra e gjuhës shqipe dhe letërsisë
Katedra e histori-gjeografisë.
Katedra e matematikë-fizikës
Katedra e biologji-kimisë
Katedra e lëndëve psiko-didaktike dhe e djathtësive

Drejtorë të ILP-së kanë qenë: dr. Vasil Kamami nga viti 1971 deri më 1984; dr. Hysen Shabanaj nga viti 1984 deri më 1990; prof.dr. Agron Tato nga viti 1990 deri më 1992.

Në vitin 1991, ILP “Aleksandër Xhuvani” fiton statusin e institucionit universitar, duke u emërtuar Universiteti i Elbasanit “Aleksandër Xhuvani”.

Historiku i Universitetit

Universiteti i Elbasanit “Aleksandër Xhuvani”, i themeluar në vitin 1991, është institucion i rëndësishëm arsimor e shkencor në Republikën e Shqipërisë për përgatitjen e mësuesve, të specialistëve dhe studiuesve të rinj në fusha të ndryshme studimi. Universiteti është ngritur mbi një traditë të pasur në këtë drejtim lidhur ngushtë me Shkollën Normale, të hapur në 1909, e cila luajti për shumë kohë rolin e një universiteti të vërtetë.

Sot, Universiteti i Elbasanit, vazhdon traditën arsimore në fushën e mësuesisë por edhe në fusha të reja e dinamike të dijes e kërkimit shkencor. Veprimtaria e Universitetit bazohet në nenin 57, pika 7, të Kushtetutës, në Ligjin nr.80/2015 datë 22.07.2015 "Për arsimin e lartë dhe kërkimin shkencor në institucionet e arsimit të lartë Republikën e Shqipërisë", në Statutin e UE-së si dhe në rregulloret që miratohen në zbatim të tij.

Në mënyrë të detajuar në UE funksionojnë:

I. Fakulteti i Shkencave Humane, me programe studimi Bachelor, Master profesional, Master i shkencave dhe Doktoratë në fushat e kërkimit të tij: gjuhë shqipe dhe të huaj (anglisht, frëngjisht, italisht, gjermanisht), histori, gjeografi, gazetari, albanologji, programe profesionale 2-vjeçare në sekretar i specializuar dhe operator turistik në gjuhën gjermane.

II. Fakulteti i Shkencave të Natyrës, me programe studimi Bachelor, Master profesional dhe Master i shkencave në fushat e kërkimit të tij: biologji, kimi, botanikë, zoologji, mbrojtje mjedisi, matematikë, fizikë, teknologji e informacionit, informatikë, gjeometri, fizikë teorike e eksperimentale si dhe programe profesionale 2-vjeçare në teknik laboratori, teknik mjedisi, mekatronikë, logjistikë .

III. Fakulteti i Shkencave të Edukimit, me programe studimi Bachelor, Master profesional në fushat e kërkimit të tij: mësuesi për ciklin fillor (klasës I-IV të shkollës 9-vjeçare), edukatorë për arsimin parashkollor, psikologji, filozofi, sociologji, edukim fizik dhe artistik si dhe program profesional 2-vjeçar në edukator për moshat 0-3 vjeç.

IV. Fakulteti Ekonomik, me programe studimi Bachelor, Master profesional dhe Master i shkencave në fushat e kërkimit të tij: administrim, biznes, financë, kontabilitet, ekonomia dhe e drejta, shkenca juridike në biznes, shkenca juridike në sektorin publik, ekonomi turizëm, administrim biznes dhe inxhinieri dhe informatikë ekonomike.

V. Fakulteti i Shkencave Mjekësore Teknike, programe studimi Bachelor, Master profesional, Master i shkencave dhe Doktoraturë në fushat e kërkimit të tij: infermieri, infermieri mami, teknik laboratori, imazheri, manaxhim infermieror, fizioterapi dhe logopedi

Që nga themelimi i UE-së (1991) e në vijimësi punohet për krijimin e strukturave dhe institucioneve ndihmëse për procesin mësimor dhe veprimtarinë kërkimore-shkencore. Si kërkesa të natyrshme të ristrukturimit të UE-së dhe si ndihmëse në procesin e mësimdhënies, janë ngritur e janë vënë në dispozicion laboratorë teknikë pranë secilës njësi kryesore.

Bashkërendimi i orëve teorike në të gjitha programet e studimit me orët e praktikës në laboratorë apo pranë institucioneve bashkëpunëtore të UE-së, ka krijuar një ridimensionim të hapësirës së studentit. Politikat institucionale me në qendër studentin, kanë krijuar hapësira të pafundme për ndërkombëtarizimin e UE-së, duke u ofruar studentëve mundësi të barabarta të pjesëmarrjes në programet e mobilitetit jashtë vendit. Gjithashtu kjo politikë është integruar me partneritete brenda dhe jashtë vendit, për të realizuar trajnime e kualifikime të ndryshme.

Politika e ndërkombëtarizimit ka patur një shtrirje të gjerë mes personelit të UE-së. Kjo ka mundësuar shkëmbime të personelit me universitetet partnere si dhe ka nxitur e kontribuar në rritjen e kapaciteteve, në kuadër të projekteve për ngritjen e kapaciteteve të Bashkimit Evropian. Kjo ka sjellë si pasojë një sërë aktivitetesh ndërkombëtare në UE.

Fakultetet në UE dhe programet e studimit

Fakulteti i Shkencave Humane

Departamenti i Gjuhësisë

Programi i studimit	Cikli i studimit
Gjuhë shqipe dhe Letërsi	Bachelor
Gjuhë shqipe dhe Frënge	Bachelor
Gjuhe shqipe dhe rome	Bachelor
Sekretar i specializuar dhe administrati	Diplome me karakter profesional
Gjuhësi	Master i shkencave
Albanologji profili Gjuhësi	Doktoraturë

Departamenti i Histori-Gjeografisë

Programi i studimit	Cikli i studimit
Histori dhe Gjeografi	Bachelor
Histori dhe gjuhë gjermane	Bachelor
Gjeografi dhe gjuhë italiane	Bachelor
Studime historike	Master i shkencave
Studime gjeografike	Master i shkencave
Albanologji profili Histori	Doktoraturë
Trashëgimi kulturore	Master i shkencave

Departamenti i Gjuhëve të Huaja

Programi i studimit	Cikli i studimit
Gjuhë angleze	Bachelor
Gjuhë gjermane	Bachelor
Gjuhë frënge	Bachelor
Gjuhë italiane	Bachelor
Operator turistik ne Gjuhën gjermane	Diplome me karakter profesional

Departamenti i Letërsisë dhe Gazetarisë

Programi i studimit	Cikli i studimit
Gazetari	Bachelor
Gazetari dhe gjuhë angleze	Bachelor
Redaktim	Master profesional
Gazetar reporter	Master profesional
Gazetari sportive	Master profesional
Studime letrare	Master i shkencave

Fakulteti i Shkencave të Natyrës

Departamenti i Biologjisë

Programi i studimit	Cikli i studimit
Biologji-Kimi	Bachelor
Studime Mjedisore	Bachelor
Teknik Mjedisi	Diplome me karakter profesional
Mbrojtje mjedisi	Master i shkencave

Departamenti i Matematikës

Matematikë-Fizikë	Bachelor
Matematikë Informatike	Bachelor
Logjistikë	Diplome me karakter profesional
Analizë të dhënash	Master profesional
Matematike e zbatuar	Master i shkencave

Departamenti i Fizikës

Programi i studimit	Cikli i studimit
Fizikë kompjuterike	Bachelor
Mekatronikë	Diplome me karakter profesional

Departamenti i Kimisë

Programi i studimit	Cikli i studimit
Teknologji laboratori	Diplome me karakter profesional
Analist prodhimi	Master profesional

Departamenti i Informatikës

Programi i studimit	Cikli i studimit
Teknologjitë e informacionit	Bachelor
Teknologjite e informacionit	Master profesional

Fakulteti i Shkencave të Edukimit

Departamenti i Shkencave Sociale dhe Edukimit Qytetar

Programi i studimit	Cikli i studimit
Edukim qytetar	Bachelor
Filozofi-Sociologji	Bachelor
Punonjës social	Bachelor
Punonjës social me fëmijët dhe familjen	Master profesional
Sherbime sociale	Master i shkencave
Sherbimi i proves	Master profesional

Departamenti i Psikologjisë

Programi i studimit	Cikli i studimit
Psikologji	Bachelor
Psikolog në institucione	Master profesional
Psikologji edukimi	Master i shkencave

Departamenti i Edukimit Fizik dhe Sporteve

Programi i studimit	Cikli i studimit
Edukim Fizik dhe Sporte	Bachelor
Mësuesi në Edukim fizik dhe sporte me profil minor në Edukim shëndetësor	Master profesiona

Departamenti i Metodologjisë së Mësimdhënies

Programi i studimit	Cikli i studimit
Mesuesi per Arsimin Fillor Kl.I-VI	Bachelor
Mesuesi per Arsimi Parashkollor	Bachelor
Edukator 0-3 vjeç	Diplome me karakter profesional
Mësuesi në Arsimin e Mesem te Ulet për Matematikë-Fizikë me profil minor ne Informatikë	Master profesional
Mësuesi në Arsimin e Mesem te Ulet për Matematikë-Informatikë me profil minor ne Fizikë	Master profesional
Mësuesi në Arsimin e Mesem te Ulet për Biologji-Kimi me profil minor në Edukim Shëndetsor dhe Mjedisor	Master profesional
Mësuesi në Arsimin e Mesem te Ulet për Gjuhë të Huaj Anglisht me profil minor ne Gjuhë Shqipe	Master profesional
Mësuesi në Arsimin e Mesem te Ulet për Gjuhë të Huaj Frengjisht me profil minor në Gjuhë Shqipe	Master profesional
Mësuesi në Arsimin e Mesem te Ulet për Gjuhë të Huaj Italisht me profil minor në Gjuhë Shqipe	Master profesional
Mësuesi në Arsimin e Mesem te Ulet për Gjuhë të Huaj Gjermanisht me profil minor në Gjuhë Shqipe	Master profesional
Mësuesi në Arsimin e Mesem te Ulet për Histori-Gjeografi me profil minor në Edukatë Qytetare	Master profesional
Mësuesi në Arsimin e Mesem te Ulet për Edukatë Qytetare-Histori me profil minor në Gjeografi	Master profesional
Mësuesi në Arsimin e Mesem te Ulet për Edukatë Qytetare-Gjeografi me profil minor në Histori	Master profesional
Mësuesi në Arsimin e Mesem te Ulet për Gjuhë Shqipe dhe Letërsi	Master profesional
Drejtim dhe administrim arsimi	Master profesional
Mesuesi per Arsimin Fillor	Master I shkencave

Qendra për Kërkim dhe Zhvillim në Edukim

Fakulteti Ekonomik

Departamenti i Administrim Biznesit

Programi i studimit	Cikli i studimit
Administrim-Biznes	Bachelor
Administrim-Biznes	Master profesional
Menaxhim	Master i shkencave

Departamenti i Financë Kontabilitetit

Programi i studimit	Cikli i studimit
Financë-Kontabilitet	Bachelor
Financë	Master profesional
Drejtim bankar	Master i shkencave
Kontabilitet	Master profesional
Kontabilitet dhe Auditim	Master i shkencave

Departamenti i të Drejtës

Programi i studimit	Cikli i studimit
Ekonomia dhe e drejta	Bachelor
Ekonomia dhe e drejta ne sektorin publik	Master profesional
Ekonomia dhe e drejta në tregjet ndërkombëtare	Master i shkencave
Drejtësi	Diplomë e Integruar Master i shkencave

Departamenti Ekonomiksit

Programi i studimit	Cikli i studimit
Informatike ekonomike	Bachelor
Informatike ekonomike	Master profesional

Departamenti i Marketingut dhe Inxhinierisë

Programi i studimit	Cikli i studimit
Ekonomi turizmi	Bachelor
Administrim biznesi dhe Inxhinieri	Bachelor
Marketing	Master profesional
Marketing	Master i shkencave

Fakulteti i Shkencave Mjekësore Teknike

Departamenti i Infermieristikës

Programi i studimit	Cikli i studimit
Infermieri e përgjithshme	Bachelor
Infermieri Mami	Bachelor

Departamenti i Lëndëve Paraklinike

Programi i studimit	Cikli i studimit
Fizioterapi	Bachelor
Logopedi	Bachelor
Fizioterapi	Master profesional
Logopedi	Master profesional

Departamenti i Lëndëve Klinike

Programi i studimit	Cikli i studimit
Imazheri	Bachelor
Teknik laboratori	Bachelor
Teknik Imazherie	Master profesional
Teknik laboratori	Master profesional

Departamenti Specialiteteve Tekniko-Mjekësore

Programi i studimit	Cikli i studimit
Menaxhim infermieror	Master profesional
Infermieri kirurgjikale	Master profesional
Infermieri	Master i shkencave
Mami	Master i shkencave

Rektorët ndër vite në UE

Rektori është autoriteti më i lartë akademik në UE si dhe përfaqësuesi ligjor i tij për çështjet akademike dhe protokollare. Rektori zgjidhet nga anëtarët e asambleve të personelit akademik të njësive kryesore dhe studentët.Funksioni i tij është i papajtueshëm me funksionet e përgjegjësve të strukturave të UE-së, të kryetarit të komisionit të diplomës dhe të provimit të formimit. Mandati i rektorit zgjat 4 (katër) vjet. Ai shërben në detyrë për një mandat, me të drejtë rizgjedhjeje vetëm një herë. Pas përfundimit të mandatit, ai vazhdon të jetë anëtar i personelit të njësisë bazë ku kryen veprimtarinë e tij akademike. Rektori është njëkohësisht Kryetar i Senatit Akademik dhe i ushtron detyrat e tij në përputhje aktet ligjore e nënligjore në fuqi, aktet e brendshme të institucionit.

Rektorët ndër vite në UE janë:

Vasil Kamami

Hysen Shabanaj

Agron Tato

Mehmet Çeliku

Teuta Dilo

Jani Dode

Liman Varoshi

Skënder Topi

Elvira Fetahu

Struktura

Universiteti Elbasanit është një institucion kombëtar për mësimdhënie dhe shkencë dhe varet nga Ministria e Arsimit dhe Kërkimeve Shkencore.

Senati i Universitetit të Elbasanit është një organ i zgjedhur që merr vendime për problemet më të rëndësishme në fushën e mësimdhënies, kërkimit shkencor si dhe administrim- financës.

Rektori përgjigjet për drejtimin shkencor, pedagogjik e financiar. Ai është kryetar i Senatit.

Fakultetet e Universitetit të Elbasanit janë ndarje shkencore dhe mësimdhënëse që mbulojnë punën shkencore dhe arsimore.

Këshilli Shkencor i Fakultetit është organ i zgjedhur që merr vendime për problemet më të rëndësishme të Fakultettit në fushën e mësimdhënies dhe kërkimit shkencor.

Dekani i Fakultetit drejton dhe kontrollon punën mësimore dhe shkencore të Fakultetit.

Departamenti është njësia bazë mësimore dhe shkencore në të cilin marrin pjesë lektorët dhe asistent-lektorët.

Stafi akademik

Stafi akademik i Universitetit përbëhet nga 245 pedagogë dhe asistentë pedagogë efektivë, nga të cilët 8 janë profesorë, 12 asistentë profesorë; 20 doktorë; 20 mastera; 70 pedagogë; 17 asistentë pedagogë. Universiteti ka edhe 44 lektorë të jashtëm, nga të cilët 2 janë profesorë; 3 asistentë profesorë; 3 doktorë; 20 pedagogë; 16 asistentë pedagogë.

Kërkimi Shkencor

Kërkimet shkencore në Universitetin e Elbasanit zhvillohen në departamente të ndryshme, që përbëjnë njësitë shkencore. Në çdo departament ka dy seksione: një seksion në të cilin pedagogët i kanë shtrirë kërkimet e tyre në procesin e mësimdhënies, fizikë, matematikë, kimi, biologji, gjuhë shqipe dhe e huaj, letërsi, histori dhe gjeografi. Një seksion tjetër i departamentit përbëhet nga një grup pedagogësh që janë realisht kërkues shkencorë si p.sh. në shkencat eksperimentale: kimi, biologji, studimet në gjuhën shqipe, gjeografi, histori, etj.

Qendra e Kërkimeve Albanologjike dhe Ballkanike

Realizon studime në fushën e albanologjisë dhe ballkanistikës.

Laboratori i Kërkimeve Shkencore

Ky laborator kryen kërkime shkencore në fushën e shkencave të aplikuara dhe në fushën e analizave të materialeve për të tretë. Ky laborator është i liçensuar nga Drejtoria e Përgjithshme e Standardizimeve pranë Këshillit të Ministrave.

Fushat shkencore në Fakultetin e Shkencave të Natyrës

1. Etimologji, Ekologji.

2. Sporpjalmi i pemëve të sotme.

3. Peshku dhe roli i popullatës në shpërndarjen e tij në lumin Shkumbin.

4. Probleme të mësimdhënies të biologjisë dhe ekologjia- etologjia në shkollë.

5. Probleme në fiziologjinë e bimëve (në fotosintezë).

6. Probleme të ndotjes në liqenin e Pogradecit.

7. Influenca e disa elementëve në materialet refraktare.

8. Metoda fizike për përcaktimin e veçorive fizike, kimike dhe mekanike tek çeliku, ferrokromi me karbon të lartë, skorjet dhe materialet refraktare.

9. Metodat në studimet fizike të materialeve laboratorike dhe kompozitat për prodhimin laboratorik e industrial.

10. Zhvillimi dhe investigimi i materialeve të forta magnetike.

Lidhje të jashtme

Faqja zyrtare e Universitetit "Aleksandër Xhuvani"

Përdoruesi:Etnolinguistike/sandbox