Operacioni në Gajre

Operacioni në Gajre ndodhi kur luftëtarët shqiptarë të Ushtrisë Çlirimtare Kombëtare i vranë 5 ushtarë të Ushtrisë Maqedonase më 5 Qershor 2001 afër Gajres, një fshat në Malet e Sharrit, rajoni i Tetovës, në Maqedoni. Përveç 5 të vrarëve, mbetën të plagosur edhe 6 ushtarë të tjerë. Ky operacion përfaqëson numrin më të madh të vdekjeve për forcat qeveritare maqedonase në një incident të vetëm gjatë luftës në Republikën e Maqedonisë. 

Operacioni në Gajre
Pjesë e Lufta e vitit 2001 në Maqedoni
Data 5 Qershor 2001 Vendodhja Rruga Gajre–Shipkovicë, Komuna e Tetovës, Republika e Maqedonisë, (sot Maqedonia e Veriut) Pasoja Fitorja e UÇK-së
Palët pjesëmarrëse
Ushtria Çlirimtare Kombëtare	Republika e Maqedonisë
Komandantët dhe udhëheqësit
Ali Ahmeti	Boris Trajkovski Bllagojçe Silljanov † Isak Rufati †
Njesitë e përfshira
Brigada 112 "Mujdin Aliu"	Ushtria e Republikës së Maqedonisë
Fuqia ushtarake
25 luftëtarë	11 ushtarë
Viktimat dhe humbjet
Asnjë humbje	5 ushtarë të vrarë 6 të plagosur

Në mesin e 5 ushtarëve të vrarë maqedonas, mbeti i vrarë edhe një ushtar shqiptar i njohur me emrin Isak Rufati, i cili kishte shërbyer në Ushtrinë e Republikës së Maqedonisë për vite me radhë, dhe ishte emëruar rreshter i lartë i klasit të parë të Ushtrisë Maqedonase. UÇK-ja nuk e dinte për këtë, për shkak se ai ishte i veshur me uniformën e Ushtrisë Maqedonase në ditën e sulmit.