Rrethi i Kosovës

Distrikti ose Rrethi i Kosovës (serbisht: Косовски округ Kosovski okrug shqiptohet [kôsoʋskiː ôkruːɡ]) ishte një rreth i Kosovës dhe Metohisë ndërmjet viteve 1990 dhe 1999; në kohën kur, Kosova ishte pjesë e Konfederatës Serbia dhe Mali i Zi. Distrikti de jure ende ekziston, përkundër faktit se qeveria serbe pranoi administrimin civil të OKB-së mbi Kosovën.

Distrikti i Kosovës

Distrikti ndodhej në pjesën qëndrore të Kosovës dhe kishte një popullsi prej 672,292 banorësh. Kryeqyteti i saj ishte Prishtina.

Bashkitë

Rrethi përfshinte bashkitë e:

• Podujevë
• Prishtinë
• Ferizaj
• Kastriot
• Drenas
• Lipjan
• Fushë Kosovë
• Shtime
• Shtërpce
• Kaçanik

Kultura dhe historia

Në qendër të Prishtinës qëndron xhamia e Çarshisë, e ndërtuar pas Betejës së Kosovës. Në afërsi të Prishtinës gjendet një lokalitet arkeologjik nga periudha neolitike, si dhe vendbanimi romak i Vicianumit. Gjithashtu afër Prishtinës ndodhet Manastiri i Graçanicës, e ndërtuar në vitin 1315. Arkitektura dhe piktura afreske e tij e bëjnë atë një nga monumentet më të rëndësishme mesjetare në të gjithë Evropën. Sot është një manastir aktiv për gratë dhe i hapur për vizitorët.

Shih edhe

• Republika e Parë e Kosovës
• Rajoni i Prishtinës
• Krahina Socialiste Autonome e Kosovës