Sokol Olldashi
Sokol Olldashi (Durrës, 17 dhjetor 1972 - 20 nëntor 2013) ka qenë deputet i Partisë Demokratike në Kuvendin e Shqipërisë dhe Ministër i Punëve Publike dhe Transportit në qeverinë shqiptare nga viti 2009 deri në vitin 2013.
Sokol Olldashi | |
|---|---|
 | |
| Deputet i Kuvendit të Shqipërisë | |
| Në detyrë 2001–2013 | |
| Ministër i Brendshëm i Shqipërisë | |
| Në detyrë 10 shtator, 2005 – 18 janar 2007 | |
| Paraprirë nga | Igli Toska |
| Pasuar nga | Bujar Nishani |
| Ministër i Punëve Publike, Transportit dhe Telekomunikacionit, pas prillit 2010 Ministër i Punëve Publike dhe Transportit | |
| Në detyrë 30 prill, 2007 – 2013 | |
| Paraprirë nga | Lulzim Basha |
| Pasuar nga | Edmond Haxhinasto |
| Të dhëna vetjake | |
| U lind më | 17 dhjetor 1972 Durrës |
| Vdiq më | 20 nëntor 2013 Krrabë |
| Nënshtetësia | Shqiptar |
| Partia politike | PD |
| Bashkëshortja/et | Enkeleda Olldashi |
| Fëmijët | dy fëmijë |
| Punësimi | Politikan |
Biografia
RedaktoShkollimin e mesëm e kreu në vendlindje, Durrës, ndërsa studimet e larta për drejtësi i kreu më 1995 dhe në vitin 2004 Kolegjin e Mbrojtjes, pranë Komandës së Doktrinave. Që nga koha e studimeve fillon të punojë si gazetar në Albania, Rilindja Demokratike, Agjencinë Telegrafike Shqiptare dhe bëhet kryeredaktor i televizionit ATN, pastaj zgjidhet në krye të Forumit Rinor të Partisë Demokratike dhe, në vitin 2001, zgjidhet deputet në Parlament.[1]
Në vitin 2005 i ngarkohet detyra e Ministrit të Rendit, të cilën e dorëzoi për t'u kandiduar në postin e kryetarit të Bashkisë Tiranë më 2007. Pas "humbjes" së këtij kandidimi, nga viti 2007, mbajti postin e Ministrit të Punëve Publike, Transportit dhe Telekomunikacionit në qeverinë e Shqipërisë.
Në korrik të vitit 2013, pas humbjes së zgjedhjeve elektorale nga Partia Demokratike dhe dorëheqjes së Sali Berishës nga posti i kryetarit të partisë, ai kandidon për kryetar partie, përballë Lulzim Bashës, në zgjedhje të debatuara për moskorrektesë, dhe nuk fiton.
Ka qenë njohës i gjuhës angleze dhe italiane.
Vdekja
RedaktoMë 20 nëntor 2013, Olldashi vdiq pas një aksidenti të rëndë automobilistik në Krrabë[2]. Aksidenti ndodhi në mbrëmje, shkak i aksidentit ka qënë lagështia dhe shpejtësia e lartë me të cilën Olldashi ka udhëtuar, makina e tij për shkak të shpejtësisë së madhe dhe kthesës së pjerrët humbi kontrollin, duke u rrëzuar 20 metra poshtë në humnerë, duke gjetur vdekjen e menjëherëshme [3][4].
Referime
Redakto- ^ "Këshilli i Ministrave". Arkivuar nga origjinali më 23 korrik 2013. Marrë më 5 maj 2013.
- ^ "Humb jetën në aksident deputeti Sokoll Olldashi, u aksidentua me makinë në Krrabë". Arkivuar nga origjinali më 23 nëntor 2013. Marrë më 20 nëntor 2013.
{{cite web}}: Mungon ose është bosh parametri|language=(Ndihmë!) - ^ "Aksidenti fatal. Makina del nga rruga, humb jetën Sokol Olldashi". Arkivuar nga origjinali më 23 nëntor 2013. Marrë më 21 nëntor 2013.
{{cite web}}: Mungon ose është bosh parametri|language=(Ndihmë!) - ^ Humb jetën Sokol Olldashi[lidhje e vdekur]