[[Skeda:St Peter's Square, Vatican City - April 2007.jpg|thumb|left|Një pamje e sheshit St Peter]]
'''Qyteti i Vatikanit''' - zyrtarisht, Shteti i Qytetit të Vatikanit apo Qytetshteti i Vatikanit ([[italishtja]]: Stato della Città del Vaticano, [[latinishtja]]: Status Civitatis Vaticanae) është vend enklave sovran që gjendët në veri-perendim të [[Roma|Romës]], [[Itali]]. Vatikani është [[Vatikani (institucion)|selia e Kishës Katolike]] të ritit romak dhe atij lindor.
Vatikani zë një hapësirë prej 0,44 km<sup>2</sup> dhe ka diku 850 banorë. Kryetar i shtetit është Papa, i cili ushtron fuqinë e ligjvënies, zbatimit të ligjit dhe fuqinë gjyqësore. Gjuhë zyrtare është [[Italishtja]]. Jashtë Vatikanit gjendet ndërtesa e qendrës arsimore Universiteti i Papatit ndërsa në brendi Akademia e Papatit për Shkencë, Biblioteka dhe ndër të tjera në brendi përfshihet edhe Kisha e Petritit dhe Kopshti i Papatit me Sheshin e Petritit. Nga [[UNESCO]] është deklaruar si trashëgimi kulturore botërore. Po ashtu selia e shenjtë si pasuri të lirë ka disa Kisha dhe hapësira brenda Romës si e drejte e territoreve jashtë shtetit. Po ashtu në bazë të kësaj të drejte ka edhe disa ndërtesa dhe pallatin verorë të Papatit në Kështjellën Gandolfo. Vatikani ka stacionin vetjakë të trenave si dhe shtëpinë e transmetimeve radio-televizive, monedhat dhe postën e vetë. Me marrëveshjen Laterale, Italia nga 1929-ta e njehë pavarësinë e plotë të Vatikanit.
