Stjar

Stjar është një fshat në Bashkia e Delvinës në rrethin e Delvinës të Shqipërisë.

Gjeografia

Nga veriu fshati Stjar kufizohet me fshatin Bajkaj dhe Vanën, nga juglindja me Kostarin, nga lindja me Bamatatin, nga perëndimi me Mavropullin.

Toponimet të fshatit Stjar:

• Arat e Limonit - arë që dikur ka qenë baçë me limona, në J.
• Baltrat e Kuqe - fushë ku dheu është i kuq.
• Bregu i Bonit - breg, në L.
• Burim i Sadatit - burim, në L.
• Grop’ e Fasules - vend gropë ku mbillej me fasule, në J.
• Hajanet - ara, në P.
• Kodër e Stjarit - kodra ku është vendosur fshati.
• Kroi i Muratashit - krua i vjetër i cili shërben edhe sot, në J.
• Lum i Kalasës - lumi që vjen nga Kalasa, në V.
• Matomara - fushë me një kodër, në L.
• Muratash/i - kodër, në J.
• Përroi i Sarahanit - përrua i cili shter gjatë verës, në L.
• Pyll i Mavropullit - pyll, në P.
• Sullo (Muratash) - në J.
• Ura e Vanës - ka qenë urë e vjetër me një hark mbi lumin e Kalasës, sot gërmadhë, në V. Në vend të kësaj aty është ngritur një pasarel.

Demografia

Familjet në fshatin Stjar:

Balili (nga Kuçi i Vlorës), Bardhaj (nga Progonati),Çiçaj (nga Zhapokika e Tepelenes) , Manaj (nga Karbunarë e Paramithisë),Muçi ( nga Kalasa , Vergo ) Naçi (nga Mavropulli), Partelaj (nga Kalcati), Veliu (nga Fushëbardha), etj.