Konrad Peutinger

Conrad Peutinger (14 tetor 1465 – 28 dhjetor 1547) ishte një humanist, jurist, diplomat, politikan dhe ekonomist gjerman. Një zyrtar i lartë në qeverinë komunale të Qytetit Perandorak të Augsburgut, ai shërbeu si këshilltar i perandorit Maximilian I dhe pasardhësit të tij Charles V. Peutingar ishte i njohur gjithashtu si një antikuar i pasionuar, ai mblodhi, me ndihmën e gruas së tij Margareta Welser (1481–1552), një nga bibliotekat më të mëdha private në veri të Alpeve.^[1]

Vepra

Peutinger korrespondonte me studiues të shquar humanistë bashkëkohorë si Erasmi i Roterdamit, Jacob Sturm von Sturmeck dhe Willibald Pirckheimer. Gjatë përhapjes globale të shtypshkronjës ai studioi vepra të shumta klasike filologjike dhe juridike nga Italia. Në vitin 1520 ai ishte një nga të parët që botoi mbishkrimet romake (Inscriptiones Romanæ), një vepër që është cituar si më e shquara e shkrimeve të tij mbi antikitetet klasike.

Emri i Peutingerit lidhet kryesisht me të famshmen Tabula Peutingeriana, një kopje mesjetare e një harte të botës antike të vonë të rrugëve romake duke filluar nga Ishujt Britanikë e deri në Indi dhe Azinë Qendrore . Ajo u zbulua nga studiuesi vjenez Conrad Celtes, i cili në vitin 1507 ia dorëzoi Peutingerit për botim. Pjesë të hartës nuk u botuan deri në vitin 1591 nga shtëpia botuese e Jan Moretus me bazë në Antwerp dhe në vitin 1598 nga i afërmi i Peutingerit, Marcus Welser dhe Abraham Ortelius. E rizbuluar në vitin 1714, ajo u arkivua në Bibliotekën Perandorake të Vjenës dhe u botua për herë të parë në tërësi nga Franz Christoph von Scheyb në vitin 1753.

Peutinger gjithashtu shtypi fillimisht Getica e Jordanes ^[2] dhe Historia Langobardorum e Paulus Diaconus .

Shih edhe

Referimet

^ Gilman, D. C.; Peck, H. T.; Colby, F. M., eds. (1905). "Peutinger, Konrad" . New International Encyclopedia (1st ed.). New York: Dodd, Mead.
^ Smith, William (editor); Dictionary of Greek and Roman Biography and Mythology 1849, "Jornandes"

Lidhje të jashtme

https://www.livius.org/pen-pg/peutinger/map.html Arkivuar 25 mars 2016 tek Wayback Machine
Tre formula të panjohura të humanistit Konrad Peutinger në www.ncbi.nlm.nih.gov
Galeritë në internet, Koleksionet e Historisë së Shkencës, Bibliotekat e Universitetit të Oklahomas^{[lidhje e vdekur]} Imazhe me rezolucion të lartë të veprave dhe/ose portretet e Konrad Peutinger në formatin .jpg dhe .tiff.

[1] Gilman, D. C.; Peck, H. T.; Colby, F. M., eds. (1905). "Peutinger, Konrad" . New International Encyclopedia (1st ed.). New York: Dodd, Mead.

[2] Smith, William (editor); Dictionary of Greek and Roman Biography and Mythology 1849, "Jornandes"

[1]

[2]