Njësia administrative Gostimë

Komuna Gostimë është një komunë në Rrethin e Elbasanit në Shqipëri.^[1]

Gjeografia

Komuna Gostimë kufizohet nga veriu me Bashkinë Cërrik dhe Komunën Gjergjan, nga lindja me Komunën Tregan, nga jugu me lumin Devoll e Komunën Grekan, nga perëndimi me Bashkinë Belsh dhe Komunën Shalës.

Historia

Gërmimet arkeologjike të kryera në fushën e Pozhokut, ku janë gjendur një sasi e madhe materialesh, vërtetojnë se zona ku shtrihet komuna e Gostimës ka qenë e banuar qysh në lashtësi.

Ekonomia

Banorët e komunës merren kryesisht me kultivimin e bimëve bujqësore si drithëra buke, perime e bime foragjere, pemëtari. Me të zhvilluara janë vreshtaria dhe ullishtat. Në fushën e blegtorisë mbarështrohen kryesisht gjedhe. Komuna ka rreth 3150 krerë lopë. Në të imta vendin kryesor e zë delja me 6300 krerë.

Ne territorin e Komunës operojnë 100 biznese te vegjël. Fermerët i dërgojnë produktet për treg ne mënyre individuale me mjete transporti të vetat ose përmes firmave.

Arësimi

Në komunë ka 6 shkolla 9-vjeçare dhe një shkollë të Mesme të Përgjithshme në fshatin Gostimë nga ku, në vitet e fundit, 40 % e maturantëve vazhdojnë studimet e larta.

Shëndetësia

Në territorin e komunës Gostimë ndodhen një qendër Shëndetësore ne fshatin Gostimë dhe secili fshat ka ambulancën e tij. Personeli shëndetësor përbehet nga 6 mjekë dhe 18 infermierë.

Sporti

Në fshatin Shtërmen funksionon Klubi Sportiv i Peshëngritjes. Në përbërje të tij ka sportistë e të talentuar që kanë dalë nënkampion në kampionatin shqiptar dhe pjesëmarrës edhe me përfaqësuesen e peshëngritjes së Shqipërisë në garat ndërkombëtare.

Ndarja Administrative

Komuna Gostimë ka shtatë fshatra që janë

Çartallozi me 400 banorë
Gostima me 2180 banorë
Gjyrala me 2500 banorë
Malaseji me 550 banorë
Shtepanje me 2750 banorë
Shtërmeni me 3400 banorë
Shushica me 400 banore

Komuna Gostimë

Referime

^ "Shoqata e komunave". Arkivuar nga origjinali më 22 mars 2012. Marrë më 8 nëntor 2011. {{cite web}}: Mungon ose është bosh parametri |language= (Ndihmë!)

Shih dhe këtë

Ky artikull me tematikë në lidhje me gjeografinë e Shqipërisë është një faqe cung. Ju mund të ndihmoni Wikipedia-n duke e përmirësuar atë.

[1] "Shoqata e komunave". Arkivuar nga origjinali më 22 mars 2012. Marrë më 8 nëntor 2011. {{cite web}}: Mungon ose është bosh parametri |language= (Ndihmë!)

[1]