Qemal Këllëçdaroglu

politikan turk

Qemal Këllëçdaroglu (turqisht: Kemal Kılıçdaroğlu; lindur më 17 dhjetor 1948 në Ballëxha/Nazëmije, Provinca Tunxheli, Turqi) është një ekonomist, nëpunës civil në pension dhe politikan socialdemokrat turk. Ai është lider i CHP-së ("Partia Republikane Popullore") dhe ka qenë udhëheqës i opozitës kryesore në Turqi që nga viti 2010. Ai shërbeu si deputet për zonën e dytë zgjedhoreStambollit nga viti 2002 deri më 2015 dhe si deputet për zonën e dytë zgjedhoreIzmirit që nga 7 qershor 2015.

Qemal Këllëçdaroglu
Kemal Kılıçdaroğlu statement after November 2015 general election cropped.jpg
Këllëçdaroglu duke mbajtur fjalim pas zgjedhjeve të nëntorit 2015
Kryetari i Partisë Republikane Popullore
Në detyrë
Assumed office
22 maj 2010
PasardhësiDeniz Baykal
Zv.Presidenti i Ndërkombëtares Socialiste
Në zyrë
21 gusht 2012 – 13 dhjetor 2014
ShtetiFlag of Turkey.svg Turqia
PasardhësiDeniz Baykal
Pasuar ngaUmut Oran
Të dhënat vetjake
Lindur më
Kemal Karabulut

17 dhjetor 1948
Ballëxha, Nazëmije, Tunxheli, Turqia
Partia politikePartia Republikane Popullore (pas vitit 1999)
Lidhjet e tjera
politike
Partia e Majtë Demokratike (deri në vitin 1999)
Bashkëshortja/etSelvi Këllëçdaroglu
Fëmijët3
ResidenceAnkara
Alma materAkademia e Shkencave Ekonomike dhe Tregtare e Ankarasë (Universiteti Gazi)
ProfesioniBurokrat
Signature

Përpara se të hynte në politikë, Këllëçdaroglu ishte nëpunës civil dhe shërbeu si President i Institucionit të Sigurimeve Shoqërore (SSK) nga viti 1992 deri në 1996 dhe përsëri nga 1997 në 1999. Ai u zgjodh deputet në zgjedhjet e përgjithshme të 2002 dhe u bë kreu i grupit parlamentar të CHP-së. Në zgjedhjet lokale të vitit 2009, ai u propozua si kandidat i CHP-së për Kryetar Bashkie të Stambollit dhe humbi nga AKP ("Partia për Drejtësi dhe Zhvillim") me 37% të votave, ku kandidati nga AKP mori 44.71% të votave. Ai u zgjodh nënkryetar i Ndërkombëtares Socialiste më 31 gusht 2012.

Pasi Deniz Baykal dha dorëheqjen si udhëheqës i partisë në vitin 2010, Këllëçdaroglu shpalli kandidaturën e tij dhe u zgjodh unanimisht pa kundërshtarë si udhëheqës i CHP-së. Ai shihej se do t'i jepte jetë të re CHP-së. Edhe pse CHP pa një rritje të mëvonshme në pjesën e saj të votave, ajo nuk ishte në gjendje të rrëzonte AKP-në në pushtet që nga viti 2021.

Jeta e hershmeRedakto

Kemal Karabulut lindi më 17 dhjetor 1948 në fshatin Ballëxha të rrethit NazëmijeProvincën Tunxheli, Turqia lindore[1] nga Kamer, një nëpunës regjistrimi i veprave dhe gruaja e tij Jemush. Ai ishte i katërti nga shtatë fëmijët.[2] Babai i tij ishte në mesin e mijëra alevive të mërguar pas rebelimit të dështuar të Dersimit.[3]

Sipas İdris Gürsoy, familja e tij i përkiste klanit Cebeligiller të fisit Kureyşan dhe me prejaedhje zaza ose kurde,[4] por Këllëçdaroglu shmangu përmendjen e ndonjë etnie specifike. Gjatë viteve 1950, babai i tij ndryshoi mbiemrin e tyre nga Karabulut në Këllëçdaroglu, pasi të gjithë njerëzit në fshatin ku ata jetonin kishin të njëjtin emër.[2]

Kemali vazhdoi arsimin fillor dhe të mesëm në vende të ndryshme si Erciş, Tunceli, Genç dhe Elazig. Ai u shkollua për ekonomi në Akademinë e Shkencave Ekonomike dhe Tregtare të Ankarasë (sot Universiteti Gazi), nga e cila u diplomua në vitin 1971. Gjatë ditëve të rinisë, ai e fitonte jetesën duke shitur mallra.[2]

Karriera profesionaleRedakto

Pas universitetit, Qemal Këllëçdaroglu hyri në Ministrinë e Financave si specialist i ri i llogarisë në vitin 1971. Më vonë u gradua kontabilist dhe u dërgua në Francë për trajnime shtesë profesionale. Në vitin 1983 emërohet zëvendësdrejtor i përgjithshëm i Departamentit të të Ardhurave në të njëjtën ministri. Në atë kohë ai bashkëpunoi ngushtë me kryeministrin Turgut Ozal. Në vitin 1991, Kılıçdaroğlu u bë drejtor i përgjithshëm i Organizatës së Sigurimeve Shoqërore për Artizanët dhe të Vetëpunësuarit (Bağ-Kur). Një vit më pas ai u emërua drejtor i përgjithshëm i Institucionit të Sigurimeve Shoqërore (turqisht: Sosyal Sigortalar Kurumu, shkurtuar SSK).

Në vitin 1994, Kılıçdaroğlu u shpall "Nëpunës Civil i Vitit" nga e përjavshmja Ekonomik Trend.

Kemal Kılıçdaroğlu doli në pension nga Institucioni i Sigurimeve Shoqërore në janar 1999. Kılıçdaroğlu dha mësim në Universitetin Hacettepe dhe kryesoi Komisionin e Specializuar për Ekonominë Informale në kuadër të përgatitjes së Planit të Tetë Pesëvjeçar të Zhvillimit. Ai gjithashtu ka vepruar si anëtar i Bordit Ekzekutiv të İş Bank.[5]

Lidhjet e jashtmeRedakto

  Commons: Qemal Këllëçdaroglu – Album me fotografi dhe/apo video dhe materiale multimediale

ReferimeRedakto

  1. ^ Yalçın, Soner (23 maj 2010). "Kılıçdaroğlu hakkında bilinmeyen tek gerçek". Hürriyet (në turqisht). Marrë më 26 maj 2010.
  2. ^ a b c "Nazımiyeli ailenin okuyan tek çocuğu". Radikal (në turqisht). 23 maj 2010. Marrë më 23 maj 2010.
  3. ^ "The Turkish opposition: Gandhi's rise". The Economist (në anglisht). 28 prill 2011.
  4. ^ Kemal Kılıçdaroğlu, Kürt değil, Zaza kökenli. (Kemal Kılıçdaroğlu, nuk është kurd, por me prejardhje zaza.), İdris Gürsoy, Aleviler Kılıçdaroğlu’nu nereye taşıyacak? Arkivuar 2013-10-12 tek Wayback Machine, Aksyon, 13 shtator 2010.
  5. ^ Party Leader Biography Arkivuar 2011-01-04 tek Wayback Machine, chp.org.tr Retrieved 2 February 2012.