Shërbimi Informativ i Kosovës (ShIK)
Shërbimi Informativ i Kosovës (SHIK) ishte një organizatë e fshehtë e inteligjencës e cilësuar për vrasjet e figurave politike të pasluftës në Kosovë. SHIK-u e raportoi shpërbërjen e tij zyrtare në vitin 2008. Figura kyçe në SHIK ishin ish-kryetari i Kuvendit të Republikës së Kosovës, Kadri Veseli dhe deputetët Elmi Reçica, Fadil Demaku, Bekim Haxhiu dhe ish-deputetët Fatmir Xhelili dhe Latif Gashi, CEO i atëhershëm i Trepçës, Ferat Shala. dhe Ilmi Ramadani.[1]
SHIK-u doli nga radhët e Ushtrisë Çlirimtare të Kosovës (UÇK), pas përfundimit të luftës me Serbinë në vitin 1999, dhe më pas u bë krahu i inteligjencës i Partisë Demokratike të Kosovës (PDK).
Pas publikimit të një video-rrëfimi të një vrasësi politik të vetëshpallur, Nazim Bllaca, në nëntor 2009, Misioni i Bashkimit Evropian për Sundimin e Ligjit në Kosovë (EULEX) kreu 4 arrestime gjatë vitit me dyshimin për më shumë se 20 vrasje të motivuara politikisht gjatë periudhës 1999-2003. Bllaca dhe 3 të arrestuarit e tjerë në këtë raste dyshohen për vrasje dhe tentim vrasje të figurave politike me urdhër të Shërbimit Informativ të Kosovës, i cili i ka shërbyer Ushtrisë Çlirimtare të Kosovës (UÇK) deri në fund të konfliktit në Kosovë. Hetimi për rastin ka vazhduar në fund të vitit. Më 13 korrik, policia e EULEX-it arrestoi Fahredin Gashin në lidhje me hetimin. Gashi u akuzua për krime lufte të kryera në vitin 1999 në komunën e Lipjanit. Shërbimi sekret besohet gjerësisht se ka eliminuar rivalët politikë të PDK-së gjatë viteve 2000 dhe 2001, edhepse kjo nuk është vërtetuar kurrë në gjykatë.[2]
Një raport i publikuar nga EULEX-i sugjeron se dhjetëra figura të larta politike dhe aktivistë nga Lidhja Demokratike e Kosovës (LDK) janë vrarë pas përfundimit të konfliktit në Kosovë për arsye politike. Raporti gjithashtu pretendon se Partia Demokratike e Kosovës, e cila sundoi Kosovën deri në vitin 2021, ndoqi një strategji për të vrarë kundërshtarët e saj politikë pas përfundimit të luftës në Kosovë në fund të viteve të '90-ta dhe fillim të viteve 2000.[3]
Kryetari i LDK-së, Isa Mustafa, ka kërkuar nga EULEX-i që partisë t'i sigurojë raportin e plotë dhe të zbardhë atentatet politike të pasluftës. LDK-ja në të kaluarën e ka akuzuar SHIK-un se qëndron pas atentateve ndaj anëtarëve të saj, por këto pretendime janë hedhur poshtë nga ish-shefi i SHIK-ut, Kadri Veseli.[4]
Deputetët e Kosovës tentuan të kryejnë një hetim parlamentar për SHIK-un në vitin 2012, por nuk mundën të mblidhnin votat e nevojshme.[5]
Sipas organogramit të depozituar në gjykatë nga Kadri Veseli për rastin "Bllaca", ai ka qenë kryetar i SHIK-ut, i pasuar nga Elmi Reçica në postin e zëvendëskryetarit. Latif Gashi ishte drejtor ekzekutiv, Fatmir Xhelili drejtonte Drejtorinë e Krimit të Organizuar, Fadil Demaku drejtonte Drejtorinë Kundër Terrorizmit dhe Ferat Shala drejtonte Drejtorinë e Inteligjencës, ndërsa Ilmi Ramadani drejtonte Drejtorinë për Informim dhe Analizë. Sipas Veselit, SHIK-u në kohën e themelimit kishte 32 anëtarë dhe në vitin 2008 kishte 92 anëtarë.[6]
Shiko edhe
RedaktoReferime
Redakto- ^ "Kadri Veseli: Ja kush ishte pjesë e SHIK-ut". Bota sot. Marrë më 1 mars 2016.
{{cite news}}: Mungon ose është bosh parametri|language=(Ndihmë!) - ^ "Country Human Rights Report - Kosovo" (PDF). US Department of State. US Department of State. Marrë më 1 mars 2016.
{{cite news}}: Mungon ose është bosh parametri|language=(Ndihmë!) - ^ Aliu, Fatmir (6 gusht 2012). "Krasniqi: Kosovo MPs are Scared of SHIK". Balkan Insight.
{{cite news}}: Mungon ose është bosh parametri|language=(Ndihmë!) - ^ Aliu, Fatmir (6 gusht 2012). "Krasniqi: Kosovo MPs are Scared of SHIK". Balkan Insight. BIRN. Marrë më 1 mars 2016.
{{cite news}}: Mungon ose është bosh parametri|language=(Ndihmë!) - ^ Aliu, Fatmir (6 gusht 2012). "Krasniqi: Kosovo MPs are Scared of SHIK". Balkan Insight. BIRN. Marrë më 1 mars 2016.
{{cite news}}: Mungon ose është bosh parametri|language=(Ndihmë!) - ^ Artan Mustafa and Parim Olluri (20 qershor 2012). "Fakte në Lidhje me Kadri Veselin dhe SHIK-un". Kallxo.com. Marrë më 1 mars 2016.
{{cite news}}: Mungon ose është bosh parametri|language=(Ndihmë!)