Shtëpia e Diturisë

Shtëpia e Diturisë (arabisht: دار العلم - Dār al-ʿilm; anglisht: House of Knowledge) ishte një universitet i vjetër në Kajro të Egjiptit, i themeluar në vitin 1004 nga kalifi Al-Hakim bin-Amr në kohën e periudhës fatimide. Fillimisht kishte qenë një lloj biblioteke ndërsa me kalimin e kohës u transformua në një qendër të rëndësishme shkencore dhe arsimore në një rang të universitit shtetëror. Në këtë institucion u mblodhën dhe zhvilluan veprimtarinë e tyre shumë shkencëtarë, matematicienë, mjekë, dijetarë, etj. ^[1].

Koleksioni i bibliotekës ishte aq i gjerë sa numri i librave dhe dorëshkrimeve ishte mbi një milion. Për këtë arsye, historiani, Ibn Ebi Tayyi 'e përshkroi atë si një "Mrekulli të botës". ^[2] Historiani Ahmed Bin Ali Maqrizi thotë se "Shtëpia e Diturisë në Kajro hapi dyert e saj për publikun, vetëm pas mobilimit, dekorimit dhe zbukurimit të të gjitha dyerve dhe korridoreve, dhe ku u emëruan shumë shërbëtorë. Objekti numronte dyzet kabinete, ku secili prej tyre mund të strehonte rreth tetëmbëdhjetë mijë libra. Raftet ishin të hapura, ndërsa librat ishin të arritshëm për të gjithë. Kushdo që dëshironte një libër, ai mund të gjendej lehtësisht nga lexuesi pasi që librat ishin të sistemuara mirë. Nëse një libër nuk mund të gjendej atëherë mund të kërkoje ndihmën e personelit të punësuar aty."

Në përputhje me traditën islame të diturisë, fatimidët mblidhnin libra në një larmi temash dhe bibliotekat e tyre tërhoqën vëmendjen e studiuesve nga e gjithë bota. Imami dhe kalifi Al-Hakim ishte një mbrojtës i shkëlqyeshëm i mësimit, nxënësve dhe studentëve duke siguruar edhe letër, stilolapsa, ngjyra dhe mjete tjera mësimore pa pagesë për të gjithë ata që dëshironin të studionin aty. ^[2]

Shih edhe

Bibliografia

Farhad Daftary:Intellectual Traditions in Islam. 2000. Google Book
Ulrich Haarmann, Heinz Halm (Hrsg.):. Beck, München 2001 Geschichte der Arabischen Welt. Beck, München, 2001. Google Book
Heinz Halm:The Fatimids and Their Traditions of Learning. 2001. Google Book.
Heinz Halm: Die Kalifen von Kairo : die Fatimiden in Ägypten 973 - 1074. Beck, München 2003, ISBN 978-3-406-48654-8, fq. 206–209, 412 f.

Lidhje të jashtme

The Dar al-Ilm (House of Knowledge)

Referime

^ Mazzoli-Guintard, Christine. Gouverner en terre d'Islam X-XVème s., PUR, fq.126
^ ^a ^b Virani, Shafique N. (2007). The Ismailis in the Middle Ages: A History of Survival, A Search for Salvation. New York: Oxford University Press. fq. 92. {{cite book}}: Mungon ose është bosh parametri |language= (Ndihmë!)

[1] Mazzoli-Guintard, Christine. Gouverner en terre d'Islam X-XVème s., PUR, fq.126

[virani-2] Virani, Shafique N. (2007). The Ismailis in the Middle Ages: A History of Survival, A Search for Salvation. New York: Oxford University Press. fq. 92. {{cite book}}: Mungon ose është bosh parametri |language= (Ndihmë!)

[1]

[2]