Festivali i 7-të i Këngës në RTSH

Festivali i 7-të i Këngës në RTSH
Edicioni	7-të
Qyteti	Tirana
Vendi	Shqipëri
Viti	1968
Datat	26, 27, 28 Dhjetor
Prezantues	Drita Bardhi dhe Roland Trebicka
Artisti Fitues	Vaçe Zela dhe Ramiz Kovaçi
Kënga Fituese	“"Mësuesit Hero" Muzika Limos Dizdari Teksti Dritero Agolli”
1967	1969

Parathënie

Përmbledhjet, këngët pjesëmarrëse të secilës natë, fituesit, deri në festivalin e 30-të, këtu e kudo që t'i lexoni, janë hedhur nga Jozef Zamputti që i ka të regjistruara direkt nga festivalet. Njëlloj janë rregjistruar nga Jozef Zamputti koncertet "Kur vjen pranvera".

Përmbledhje

Ky festival u zhvillua në tri netë 26 - 28.12.1968. U prezantua nga aktorët: Drita Bardhi (më pas Haxhiraj) dhe Roland Trebicka.

Në këtë festival u kënduan 25 këngë: 12 këngë natën e parë dhe 13 këngë natën e dytë. Në finale dolën 17 këngë.

Këngët u shoqëruan nga Orkestra Sinfonike drejtuar nga Rifat Teqja dhe Ferdinand Deda; nga Kompleksi instrumental drejtuar nga Robert Radoja dhe nga Orkestra me vegla popullore drejtuar nga Pirro Miso.

Në këtë festival këngët fituese u nderuan me medalje. Ky është festivali ku marrin pjesë për herë të parë kompozitorët Limos Dizdari (që fiton festivalin), Agron Xhunga dhe Flamur Shehu, këngëtaret Ema Qazimi, Zeliha Sina e Vera Dervishi.

Mira Maletaj, e cila ka kompozuar këngën "Parakalojnë brigadat" në këtë festival, është e para kompozitore femër që merr pjesë në festivale. Merr pjesë për herë të parë autorja e njohur e teksteve Zhuliana Jorganxhi.

Rast i rrallë - Tish Daija ka marre dy çmime të dyta (Medalja e argjendtë) me dy këngët e paraqitura: "Komisari i kuq" dhe "Motiv i ri".

Tematika e këngëve vazhdon të jetë si e dy festivaleve të mëparshme: punë, aksione, përgatitje ushtarake etj. Ka ndonjë këngë me tematikë dashurie si: "Motiv i ri", "Këngë për shokun tim", por gjithnjë lidhur me punën, aksionin, zboret etj. Mbas dy festivaleve që nuk mori pjesë, në këtë festival fillon përsëri të marrë pjesë kompozitori i dashur për rininë Agim Krajka, madje me dy këngë: "Ylli partizan" dhe "Jam një vajzë". Mund të thuhet se kënga "Ylli partizan" është e para këngë jo ritmike e Krajkës në festivale. Mori Medaljen e Argjentë (çmim të dytë). Përsëri fiton një këngë (Medaljen e Artë) për heronjtë e rinj të "revolucionarizimit", "Mësuesit hero", kushtuar mësuesit Ismet Sali Bruçaj, kënduar nga Vaçe Zela dhe Ramiz Kovaçi. Ky është festivali i tretë qe fiton Vaçe Zela, ndersa i dyti per R.Kovaçin.

Nata e parë - 26.12.1968

Radha e prezantimit	Titulli i këngës	Muzika	Teksti	Interpretuesi i parë	Interpretuesi i dytë
1	Nëntori	Gaqo Avrazi	Zhuliana Jorganxhi	Ramiz Kovaçi	Muharrem Dino
2	Parakalojnë brigadat	Mira Maleta		Rustem Serica	Kompleksi i Kombinatit të Tekstileve "Stalin"
3	U njohëm në digë	Kristo Kote		Valentina Miçi	Nikolin Gjergji
4	Kur të kalosh mbi trase	Ferdinand Deda	Zhuliana Jorganxhi	Marika Deçi	Kleopatra Skarço
5	I bukur agimi	Agron Xhunga	Kosta Dhamo	Rustem Serica	Engjëllushe Daja
6	Kënga më e zjarrtë	Flamur Shehu	Minella Kriqi	Nevruz Yzeiri	Zeliha Sina
7	Na thërret aksioni	Tasim Hoshafi		Vera Dervishi	Kuarteti i Portit Detar Durrës
8	Kudo bashkë	Rudak Ismaili		Bajram Bedo	Zeliha Sina
9	Bjen borë	Pjetër Gaci		Violeta Simoni	Muharrem Dino
10	Miqësi e re	Osman Dylgjeri	Sulejman Mato	Hysen Koçia	Roza Dhami
11	Ylli partizan	Agim Krajka	Haxhi Rama	Vaçe Zela	Ema Qazimi
12	Atdhe i lashtë, atdhe i ri	Agim Prodani	Minella Kriqi	Mentor Xhemali	Niko Progri

.

Nata e dytë - 27.12.1968

Radha e prezantimit	Titulli i këngës	Muzika	Teksti	Interpretuesi i parë	Interpretuesi i dytë
1	Bisedë me pushkën	Pjetër Gaci	Ruzhdi Pulaha	Kompleksi i Kombinatit të Tekstileve "Stalin"	Kuarteti i Portit Detar Durrës
2	Violinisti	Llazar Morcka		Roza Dhami	Liliana Kondakçi
3	Si një trup i vetëm	Kristo Kote	Kosta Dhamo	Fiqrete Kapo	Engjëllushe Daja
4	Komisari i kuq	Tish Daija	Aleksandër Banushi	Qemal Kërtusha	Gaqo Çako
5	Dasëm e re	Tasim Hoshafi		Marika Deçi	Agim Hoxha
6	Motiv i ri	Tish Daija	Llazar Siliqi	Nikolin Gjergji	Justina Aliaj
7	Sporti na kalit	Bepin Pici		Nevruz Yzeiri	Kuarteti i Portit Detar Durrës
8	Këngë për shokun tim	Tonin Harapi		Vera Dervishi	Fiqrete Kapo
9	Jam një vajzë	Agim Krajka	Haxhi Rama	Drita Mata	Justina Aliaj
10	Miq në Labëri	Nexhmedin Doko	Shaban Murati	Polikseni Moçka	Kleopatra Skarço
11	Gëzon Shqipëria	Agim Prodani		Violeta Simoni	Qemal Kërtusha
12	Letër nënës	Avni Mula		Hysen Koçia	Ema Qazimi
13	Mësuesit hero	Limos Dizdari	Dritero Agolli	Ramiz Kovaçi	Vaçe Zela

.

Nata finale - 28.12.1968

Në finale dolën 17 këngë sipas kësaj radhe:

1. Nentori
2. Këngë për shokun tim
3. U njohëm në digë
4. Kënga më e zjarrtë
5. Bjen borë
6. Miqësi e re
7. Komisari i kuq
8. Ylli partizan
9. Atdhe i lashtë, atdhe i ri
10. Bisedë me pushkën
11. Motiv i ri
12. Gëzon Shqipëria
13. Parakalojnë brigadat
14. I bukur agimi
15. Na thërret aksioni
16. Jam një vajzë
17. Mësuesit hero

.

Çmimet

Në këtë festival këngët fituese u nderuan me medalje.

Medalja e artë

• Mësuesit hero - muzika Limos Dizdari, teksti Dritëro Agolli

Medalja e argjendtë

• Komisari i kuq - muzika Tish Daija, teksti Aleksandër Banushi
• Motiv i ri - muzika Tish Daija, teksti Llazar Siliqi
• Ylli partizan - muzika Agim Krajka, teksti Haxhi Rama

Medalja e bronztë

• Këngë për shokun tim - muzika Tonin Harapi, teksti
• Nëndori - muzika Gaqo Avrazi, teksti Zhuliana Jorganxhi
• Bisedë me pushkën - muzika Pjetër Gaci, teksti Ruzhdi Pulaha

.