Parku Kombëtar Malet e Sharrit
Parku Kombëtar Malet e Sharrit është një park kombëtar i cili shtrihet në pjesën jugore të kosovës, në një pjesë të Rajonit të Ferizajit dhe të Rajonit të Prizrenit. Parku mbulon një sipërfaqe prej 53,272 hektarë dhe gjendet në pjesën veriore të maleve të Sharrit, një vargmal i cili shtrihet në Shqipërinë verilindore, Kosovën juglindore dhe Maqedoninë veriperëndimore. Parku përfshin terrene të ndryshme mes të cilave dallohen liqenet akullnajore dhe peizazhet alpine dhe akullnajore.[1]
| Parku Kombëtar "Malet e Sharrit" | |
|---|---|
IUCN kategoria II (park kombëtar) | |
 | |
.svg) Parku Kombëtar Malet e Sharrit (Earth) | |
| Koordinatat | 42°10′28″N 20°57′41″E / 42.17444°N 20.96139°E |
| Shteti |  Kosova |
| Rajoni | Prizreni - Ferizaji |
| Qyteti i afërt | Prizreni, Ferizaji |
| Sipërfaqja | 53.272 km² (5,327,200 ha) |
| Krijimi | 15 dhjetor 2012 [1] |
| Administrimi | Ministria e Mjedisit dhe Planifikimit Hapësinor |
Përmbledhje
RedaktoParku Kombëtar i Maleve të Sharrit ka ndikime alpine dhe kontinentale. [2] Temperatura mesatare mujore shkon midis -1.3°C (29.7°F) në Janar dhe 20°C (68°F) në Korrik. Mesatarja e reshjeve vjetore sillet midis 600 milimetra (24 inq) dhe 1200 milimetra (47 inq) varësisht nga lartësia. [2]
Flora e parkut përfaqësohet nga 1558 specie të bimëve vaskulare. Fauna përfshin 32 lloje të gjitarëve, 200 lloje të zogjve,13 lloje të zvarranikëve, 10 lloje të amfibeve,7 lloje të peshqëve dhe 147 lloje të fluturave. [2]
Disa nga llojet bimore dhe shtazore që ndodhen në këtë park dhe në periferi të tij, pra në pjesë të tjera të Malit Sharr, janë të pranishme vetëm aty dhe në Alpet Shqiptare, disa prej tyre janë të njohura vetëm në rajon dhe shumë nga to janë në listën e specieve të rrezikuara. Të shikuara në tersi këto specie janë të një interesi të veçantë, pashmangshëm edhe me konotacion turistik. Ky park është i pasur me florë dhe faunë. Në këtë park përveç pasurisë bimore të llojeve të ndryshme, mund të hasen edhe rrëqebulli86, dhia e egër, ariu i murrmë, shqiponja e malit, qeni i Sharrit i cili është unikal me pamjen dhe shtrirjen e tij, etj. Këto kafshë janë shumë të rralla dhe nuk takohen gjithkund, prandaj janë shumë atraktive dhe me interes turistik. Të shohësh një specie të rrallë bimore, aq më shumë shtazore për shumë turistë është njëri ndër qëllimet kryesore të tij, jo vetëm të një sezoni por ndonjëherë edhe të karrierës së tij si turist dhe dashamirës i natyrës.[3]
Shih edhe
RedaktoReferime
Redakto- ^ a b "Ligji për Parkun Kombëtar "Sharri"" (PDF). ammk-rks.net. Arkivuar nga origjinali (PDF) më 18 tetor 2020. Marrë më 25 prill 2020.
- ^ a b c "Parku Kombëtar Sharri (Plani i Menaxhimit)" (PDF). Arkivuar nga origjinali (PDF) më 17 gusht 2016. Marrë më 10 shkurt 2018.
- ^ Fitim HUMOLLI; ZHVILLIMI PERSPEKTIV TURISTIK I KOSOVË DHE REFLEKTIMI RAJONAL I TIJ-Disertacion[lidhje e vdekur]
Lidhje të jashtme
Redakto