Kapella e Shtjefën Gjeçovit

Kapella e At Shtjefën Gjeqovit
Kapella e At Shtjefën Gjeqovit
Lloji	Arkitekturore
Vendndodhja	Karashëngjergj, Prizren, Kosovë
Ndërtuar	Shek. XX
Monument Kulture në Kosovë
	Emri zyrtar: Monument /Ansambël
Lloji	Nën mbrojtje
Përcaktuar	1537/69
Nr. i referencës	1387

Kapella e At Shtjefën Gjeqovit është një monument i trashëgimisë kulturore në Karashëngjergj, Prizren, Kosovë.^[1] Ky monument është i kategorisë "Arkitekturor", i miratuar me numër 1537/69.

Përmbledhje

At Shtjefën Gjeqovi u lind më 1874 në Janjevë. Shkollën françeskane kreu në Shkodër dhe pastaj vazhdoi në Dërven, Fojnicë dhe Banja Llukë. Në shumë vende ka shërbyer si kishtar françeskan. Është marrë me letërsi, etnologji, histori etj. Më 1929 është vrarë në Zym të Prizrenit dhe është varrosur në varrezat e fshatit Karashëngjergj. Pas vdekjes së tij, në vitin 1935 në Shkodër është botuar libri i At Shtjefën Gjeqovit “Kanuni i Lekë Dukagjinit”. Me iniciativën e Entit për Mbrojtjen e Monumenteve të Kosovës dhe organeve kompetente të fshatit Zym, në vitet 1960’ta është ndërtuar Kapella e At Shtjefën Gjeqovit në varrezat e fshatit. Kapela ka planimetri drejtkëndëshe me dimensione të vogla. Në pjesën veriore gjendet absida me bazë gjysmë rrethore. Hyrja në kapellë realizohet nëpërmjet derës nga druri, i punuar me hapje gjysmë rrethore, kah ana jugore. Objekti është e ndërtuar me gurë dhe llaç gëlqeror si material lidhës. Fasada nuk është e suvatuar, me ç’rast shihet struktura e mureve, kurse enterieri është i suvatuar. Në fasadën jugore gjendet guri i gdhendur në formë të kryqit latin, dhe mbishkrimi i punuar në metal, ku shkruan viti i lindjes dhe i vdekjes së At Shtjefën Gjeqovit. Kulmi është dy-ujor respektivisht tre-ujor nëse marrim parasysh edhe pjesën e absidës, dhe është i mbuluar me rrasa guri.^[2]

Shih edhe

Referime

^ LISTA E TRASHËGIMISË KULTURORE PËR MBROJTJE TË PËRKOHSHME (PDF). Republika e Kosovës, Ministria e Kulturës, Rinisë dhe Sportit. Marrë më 17 gusht 2016.
^ "Kapella e At Shtjefën Gjeqovit (Prizren)". Databaza e Trashëgimisë Kulturore (në anglisht dhe shqip). Ministria e Kulturës, Rinisë dhe Sporteve. Arkivuar nga origjinali më 29 tetor 2019. Marrë më 13 nëntor 2016.

Lidhje të jashtme

Databaza e trashëgimisë kulturore të Kosovës Arkivuar 26 mars 2016 tek Wayback Machine

[mei-ks-1] LISTA E TRASHËGIMISË KULTURORE PËR MBROJTJE TË PËRKOHSHME (PDF). Republika e Kosovës, Ministria e Kulturës, Rinisë dhe Sportit. Marrë më 17 gusht 2016.

[2] "Kapella e At Shtjefën Gjeqovit (Prizren)". Databaza e Trashëgimisë Kulturore (në anglisht dhe shqip). Ministria e Kulturës, Rinisë dhe Sporteve. Arkivuar nga origjinali më 29 tetor 2019. Marrë më 13 nëntor 2016.

[1]

[2]