Martirët e Shqipërisë

Martirët e Lumnuar të Shqipërisë janë një grup prej 38 shenjtorësh të vrarë përgjatë diktaturës komuniste në Shqipëri nga 1945 deri më 1974, ku përpos pesë prej tyre, shumica u vranë 1945 deri më 1950. Të gjithë kishin lindur në periudha të ndryshme nga 1874 deri më 1935; grupi përfshin shqiptarë e italianë dhe një gjerman. Secili prej tyre, përveç katër vetëve, ishin pjesë e jetës fetare si priftërij ose si të devotshëm dhe shërbyen si misionarë ose edukatorë me një mbrujtje shkollore nga qytetet italiane e austriake.

Hapja e procesit dioqezan sipas Radio Vatikanit, për lumnimin e këtyre martirëve u shpall më 10 nëntor të viti 2002, nga prefekti i asokohshëm i Kongregatës për Ungjillëzimin e Popujve, kardinali Kreshencio Sepe, gjatë kremtimit të Eukaristisë, në Katedralen e Shkodrës. U lumnuan dhe shpallën shenjtorë të kishës katolike më 5 nëntor 2016, në sheshin para katedrales në Shkodër.^[1]

Lista martirëve

1945

Lazër Shantoja (1892-1945), prift i Arqipeshkvisë Shkodër-Pult
Ndre Zadeja (1891-1945), prift i Arqipeshkvisë Shkodër-Pult.

1946

Giovanni Fausti (1899-1946), prift i Shoqërisë së Jezuit.
Gjon Shllaku (1907-1946), frat i Urdhërit Françeskan.
Daniel Dajani (1906-1946), prift i Shoqërisë së Jezuit.
Qerim Sadiku (1919-1946), laik i Arqipeshkvisë Shkodër-Pult.
Mark Çuni (1920-1946), seminarist i Arqipeshkvisë Shkodër-Pult.
Gjelosh Lulashi (1925-1946), laik i Arqipeshkvisë Shkodër-Pult.
Alfons Tracki (1896-1946), prift i Arqipeshkvisë Shkodër-Pult.
Fran Mirakaj (1916-1946), laik i Arqipeshkvisë Shkodër-Pult.
Josef Marxen (1906-1946), prift i Argjipeshkvisë Tiranë-Durrës.
Bernardin Palaj (1894-1946), frat i Urdhërit Françeskan.

1947

Luigj Prendushi (1896-1947), prift i ipeshkvisë së Sapës.
Dedë Maçaj (1920-1947), prift i Arqipeshkvisë Shkodër-Pult.
Mark Gjani (1914-1947), prift i Arqipeshkvisë Shkodër-Pult.
Serafin Koda (1893-1947), frat i Urdhërit Françeskan.
Gjon Pantalia (1887-1947), prift i Shoqërisë së Jezuit.

1948

Anton Zogaj (1908-1948), prift i Argjipeshkvisë Tiranë-Durrës.
Frano Gjini (1886-1948), ipeshkëv i dioqezës së Rrëshenit.
Mati Prendushi (1881-1948), frat i Urdhërit Françeskan.
Çiprian Nika (1900-1948), frat i Urdhërit Françeskan.
Dedë Plani (1891-1948), prift i Arqipeshkvisë Shkodër-Pult.
Ejëll Deda (1917-1948), prift i Arqipeshkvisë Shkodër-Pult.
Anton Muzaj (1921-1948), prift i Arqipeshkvisë Shkodër-Pult.
Pjetër Çuni (1892-1945), prift i Arqipeshkvisë Shkodër-Pult.
Lekë Sirdani (1892-1948), prift i Arqipeshkvisë Shkodër-Pult.
Josif Mihali (1912-1948), prift i Kishës bizantine shqiptare.

1949

Jak Bushati (1890-1949), prift i Arqipeshkvisë Shkodër-Pult.
Vinçens Prenushi (1885-1949), frat françeskan, ipeshkëv i Durrësit dhe primat i Shqipërisë.

Vitet '50

Gaspër Suma (1897-1950), frat françeskan.
Marie Tuçi (1928-1950), laike.
Jul Bonati (1874-1951), prift i Argjipeshkvisë Tiranë-Durrës.
Karl Serreqi (1911-1954), frat françeskan.
Ndoc Suma (1887-1958), prift i Arqipeshkvisë Shkodër-Pult.
Dedë Malaj (1917-1959), prift i Arqipeshkvisë Shkodër-Pult.

Vitet '60

Marin Shkurti (1933-1969), prift i Arqipeshkvisë Shkodër-Pult.

Vitet '70

Shtjefën Kurti (1898-1971), prift i Arqipeshkvisë Shkodër-Pult.
Mikel Beltoja (1935-1974), prift i Arqipeshkvisë Shkodër-Pult.

Referime

^ Flocchini, Emilia. "Beati Martiri Albanesi (Vincenzo Prennushi e 37 compagni)". Santiebeati. Marrë më 6 tetor 2017. {{cite news}}: Mungon ose është bosh parametri |language= (Ndihmë!)

[Flocchini-1] Flocchini, Emilia. "Beati Martiri Albanesi (Vincenzo Prennushi e 37 compagni)". Santiebeati. Marrë më 6 tetor 2017. {{cite news}}: Mungon ose është bosh parametri |language= (Ndihmë!)

[1]