Academy Award

Academy Award
Academy Award
	Statujë e çmimit Oscar
Përshkrimi	Përsosmëri në arritjet e kinematografisë
Shteti	Shtetet e Bashkuara
Prezantuar nga	Academy of Motion Picture Arts and Sciences
Çmimi i parë	16 maj 1929
Uebfaqja	Oscars.org

Academy Award ose Oscar (origj. Academy Award of Merit) është një çmim nga organizata e filmografisë amerikane Academy of Motion Picture Arts and Sciences (AMPAS)^[1] për përsosmërinë profesionale në industinë e filmit, duke përfshirë këtu regjisorët, aktorët dhe skenaristët. Ceremonia zyrtare në të cilën bëhet ndarja e çmimeve është një nga ceremonitë e ndarjes së çmimeve më të shquara në botë, dhe transmetohet drejtpërdrejt në televizion në më shumë se 200 vende çdo vit. Ajo është gjithashtu ceremonia më e vjetër e ndarjes së çmimeve në media, ekuivalentet e saj, Grammy Awards (për muzikë), Emmy Awards (për televizion), dhe Tony Awards (për teatër) janë modeluar pas Academy Award.

AMPAS fillimisht u konceptua nga studio Metro-Goldwyn-Mayer, me udhëheqës Louis B. Mayer, si një organizatë profesionale nderi për të ndihmuar në përmirësimin e imazhit në industrinë e filmit. Oscari u nis më vonë nga Akademia si një çmim i "meritës për arritje të veçantë" në industrinë e filmit.^[2]

Ceremonia e parë e Academy Award u mbajt në 16 maj, 1929, në Hotel Roosevelt në Hollywood, për filmat e shfaqur gjatë viteve 1927/1928.

Historia

Ritualin e ndarjes së çmimeve në vitin 1929, për një orë, e ka dhënë transmetimi në radio. Kurse, transmetimet televizive të kësaj ngjarje të madhe kanë filluar në vitin 1953. Ndahen edhe çmime për kategori të tjera si, realizimi më i mirë teknik; kinematografi më e mirë; për grimin, disenjin e kostumeve, zërin, efektet pamore; çmime nderi të karrierës etj.

Filmat më të suksesshëm

Një kohë të gjatë ishte filmi Ben Hur (1960) për nga numri i kategorive të fituara filmi më i sukseshëm në historinë e The Oscars. Ai fitoi në 11 kategori. Deri sa në vitin 1998 filmi Titanic gjithashtu fitoi në 11 Kategori. Vetëm 6 vjet më vonë filmi The Lord of the Rings: The Return of the King fitoi gjithashtu 11 çmime Oscar. Ky film është edhe filmi i vetëm i cili i ka fituar të gjitha kategoritë për të cilat është emëruar.

Kategoritë Filmi më i mirë, Regjia më e mirë, Aktori më i mirë, Aktorja më e mirë, si dhe Skenari më i mirë vlejnë si kategoritë më të rëndësishme.

Pamja, madhësia, pesha

Sa i përket statujës “Oscar”, e cila në fakt është shpërblimi i marrë, ende nuk dihet se nga i ka ardhur ky emër. Megjithatë, figura në formën e njeriut është shumë e vlefshme: përbëhet nga ari dhe bronzi; është e gjatë 34.3 centimetra dhe peshon 3.9 kilogramë. Është krijuar nga skulptori amerikan Xhorxh Stenlli.

Vendi i shpërblimit

Gjatë viteve spektakli i The Oscars u mbajt në disa vende të ndryshme:

The Blossom Room në Hollywood Roosevelt Hotel (1929)
The Cocoanut Grove në Ambassador Hotel (1930, 1940, 1943)
The Fiesta Room në Ambassador Hotel (1930, 1932, 1934)
The Sala D’Oro në Biltmore Hotel (1931)
The Biltmore Bowl në Biltmore Hotel (1935–1939, 1941, 1942)
Grauman’s Chinese Theatre (1944–1946)
The Shrine Civic Auditorium (1947, 1948, 1988, 1989, 1991, 1995, 1997, 1998, 2000, 2001)
The Academy Award Theater (1949)
The RKO Pantages Theatre (1950–1952, 1958–1960)
The Santa Monica Civic Auditorium (1961–1968)
The Dorothy Chandler Pavilion (1969–1987, 1990, 1992–1994, 1996, 1999)
The Kodak Theatre (prej vitit 2002)

Prej vitit 1953 deri në vitin 1957 ceremonia u mbajt në New York e jo në Los Angeles:

NBC International Theatre (1953)
NBC Center Theatre (1954)
NBC Century Theatre (1956, 1957)

Kategoritë

Shpërblimet

Academy Awards (Oscars) jepën çdo vit në kategoritë e mëposhtme:

Kategoria	Emërtimi origjinal	Nga viti
Flimi më i mirë	Motion Picture of the Year	1929
Aktori kryesor	Actor in a Leading Role	1929
Aktorja kryesore	Actress in a Leading Role	1929
Regjia	Directing	1929
Drejtori artistik	Art Direction	1929
Kinematografia	Cinematography	1929
Skenari i adaptuar	Writing, Screenplay Based on Material Previously Published	1929
Skenari origjinal	Writing, Screenplay Written Directly for the Screen	1929
Miksimi i zërit	Sound Mixing	1930
Filmi i shkurtër - Animacion	Short Film - Animated	1932
Filmi i shkurtër - Artistik	Short Film - Live Action	1932
Montazhi	Film Editing	1935
Muzikë - Kënga origjinale	Music - Original Song	1935
Muzikë - Instrumentalet origjinale	Music - Original Score	1935
Muzikë - Muzikali origjinal	Music - Original Musical	????
Aktori dytësor	Actor in a Supporting Role	1937
Aktorja dytësore	Actress in a Supporting Role	1937
Efektet vizuale	Visual Effects	1940
Filmi dokumentar, metrazh i gjatë	Documentary, Feature	1942
Filmi dokumentar, metrazh i shkurtër	Documentary, Short Subject	1944
Filmi i huaj	Foreign Language Film of the Year	1947
Kostumografia	Costume Design	1949
Montazhi i zërit	Sound Editing	1964
Makijazhi	Makeup	1982
Filmi i animuar	Animated Feature Film of the Year	2002

Referime

^ "About the Academy Awards" (në anglisht). Academy of Motion Picture Arts and Sciences. Arkivuar nga origjinali më 7 prill 2007. Marrë më 13 prill 2007.
^ Essex, Andrew (14 maj 1999). "The Birth of Oscar" (në anglisht). Entertainment Weekly. Arkivuar nga origjinali më 11 nëntor 2013. Marrë më 2 mars 2011.

Shiko edhe

Lidhje të jashtme

[1] "About the Academy Awards" (në anglisht). Academy of Motion Picture Arts and Sciences. Arkivuar nga origjinali më 7 prill 2007. Marrë më 13 prill 2007.

[2] Essex, Andrew (14 maj 1999). "The Birth of Oscar" (në anglisht). Entertainment Weekly. Arkivuar nga origjinali më 11 nëntor 2013. Marrë më 2 mars 2011.

[1]

[2]