Tempulli Baradeshvari Kali
Tempulli Baradeshvari Kali ose Kalimata është një tempull hindu i Kalit i vendosur në zonën Basabo të Dhakës, kryeqytetit të Bangladeshit. Ai gjendet në brigjet e Gangasagar Dighit[1], ku ndodhet edhe një krematorium për djegien e trupave të të vdekurve.[2]
| Tempulli Baradeshvari Kali | |
|---|---|
| শ্রী শ্রী বরদেশ্বরী কালীমাতা মন্দির, রাজারবাগ | |
 Pamje ballore e tempullit | |
| Informacion i përgjithshëm | |
| Statusi | Funksional |
| Tipi | Tempull hindu |
| Stili arkitektural | Arkitektura e tempujve bengalezë, Arkitektura Mogule |
| Vendndodhja | Raxharbaghu perëndimor, Basabo, Dhaka, Bangladesh |
| Koordinatat | 23°44′19″N 90°26′39″E / 23.738679°N 90.44427°E |
| Përfundimi | Shekulli XVI |
Vendndodhja
RedaktoTempulli Baradeshvari Kalimata gjendet në zonën Raxharbagh , në lindje të zonës Basabo të Sabuxhbagh thanës së qytetit të Dhakës, kryeqytetit të Bangladeshit.
Historia
Redakto
Thuhet se në fund të shekullit të XVI, perandori mogul Akbar në Delhi dërgoi gjeneralin e tij Raxha Man Singh për të pushtuar Bengalin duke nënshtruar Isa Khanin. Pastaj, ndërsa mbërriti në Dhaka Raxha Man Singhu e vendosi shatorren aty, para se të shkonte në luftë kundër Isa Khanit të kryeqytetit të atëhershëm Sena afër Demras. Në skajin lindor të këtij vendi ndodhej Subarnagrami ose Sonargaoni. Uji i pijshëm ishte shumë i pakët në këtë zonë. Pastaj Man Singhu gërmoi një depozitë duke përdorur ushtarët e tij dhe zgjidhur problemin e ujit të banorëve të zonës dhe e pastroi ujin e kësajë depozite me ujin e Bar Tirthas. Më vonë ai u bë i njohur si Gangasagar Dighi. F.B. Bradley-Burt e përmend në mënyrë të qartë këtë në librin e tij The Romance of an Eastern Capital, të publikuar në vitin 1906.[3] Më vonë ky libër u përkthye në bengalisht nga Rahimudin Afxhe. Përveç kësaj, Man Singhu ndërtoi një tempull të Kalit përkrahë depozitës duke u lutur për dashamirësinë e hyjeshës për të mundur Isa Khanin. Prandaj ky tempull është emërtuar Tempulli Baradeshvari Kali. Ai është i njohur edhe si Mandiri Raxharbagh Kali për banorët vendas.[4][5]
Tashmë, në anën perëndimore të Gangasagar Dighit organizohen panaire të mëdha me rastin e puxhave të ndryshme. Ka edhe një proverb që ditën e Durgashtamit, nëse dikush bënë banjë në lumin Brahmaputra dhe lahet në Gangasagar në atë ditë, ai fiton merita të dyfishta. Mijëra adhurues dhe vizitorë e vizitojnë tempullin çdo vit. Mes zotëruesve të këtyre tokave, Haladhar Sarkari në vitin 1904 dhe zamindari Kripamoji Devi dhuruan tokën e tyre në vitin 1906 bashkë me idhullin e Sri Baradeshvari Kalimatas. Më vonë, në vitin 1907, Madhusudan Bepari dhuroi disa prona të tjera bashkë me idhullin e Kalimatas. Që atëherë, në këtë tempull zhvillohen puxha të ndryshme publike.
Përveç kësaj, në kompleks ndodhet Tempulli i Shivës, Pithasthani i Mahadevit, Tempulli Pançnag Mata, Ashrami Bura-Buri dhe Gangasagar Dighi, në veri-perëndim të Tempullit Mahasashman dhe Shamshan Kali, në anën perëndimore ndodhen gjithashtu Tempulli Sri Vishvakarma, Tempulli Shitala, Ashrami Baba Loknath Brahmaçari. Nga vendasit Tempulli Baradeshvari Kali është i njohur si Mandiri Raxharbagh Kali.[6]
Arkitektura
RedaktoKy tempull është një shembull historik i Arkitekturës Mogule. Idhulli i hyjneshës Kali në këtë tempull është bërë prej guri.
Krematori Baradeshvari
RedaktoNë anën veri-perëndimore të këtij tempulli ndodhet nj kremator, që është i hapur për të gjithë njerëzit. Ky kremator bënë një organizim të mirë të kremimit. Për zhvillimin e tempullit, krematori merr 100 rupi për të zhvilluar edhe ritet e fundit. Dinjitarë si major Çita Ranxhan Duta janë kremuar në këtë kremator.[7]
Rezidenca e Tempullit të Kalit
RedaktoGangasagar Dighi zë një sipërfaqe prej 11 acres (4.5 ha). Kur nuk ka ujë në zonat përreth të Dakshingaonit, Nandiparas, Basabos, Madartekut, Goranit, banorët e këtyre zonave kryejnë të gjitha punët, që nga gatimi në shtëpi me ujin e Gangut. Në anën e djathtë të hyrjes së tempullit ndodhet zyra, ndërsa në të majtë Tempulli i Shivës, në të cilin është vendosur shivalinga. Përballë tij, ndodhet Gangasagar Dighi në perëndim të tempullit kryesor. Në hijen e freskët të pemës hixhaltala, ndodhen tre faltore të Mahadevit në këndet lindore dhe veriore të dighit. Për volinë e publikut, në lindje dhe perëndim të dighit ndodhen 3 ghate të shtruara. Në anën perëndimore ndodhet Tempulli Shitala dhe Ashrami Baba Loknath Brahmaçari.
Më herët, zaptuesit e terrenit vendor shkëpusnin parcela nga ujëmbledhësi historik. Për ta ndaluar këtë, si kufij të tij u ndërtuan 161 dyqane dhe një tërësi prej 70 shtëpish në anët lindore dhe jugore. Kështu që askush nga jashtë nuk mund ta shfrytëzoi mjedisin e ujëmbledhësit.
Bordi i tanishëm i Drejtorave
RedaktoQë nga viti 1935, ky tempull është menaxhuar nga komitete të ndryshme ekzekutive. Tashmë, presidenti komitetit menaxhues të këtij tempulli është Lion Çitaranxhan Dasi, që është edhe këshilltar i njësisë numër 5.
Shiko gjithashtu
Redakto- Tempulli Dhakeshvari
- Tempulli i Xhoj Kalit
- Mandiri Ramna Kali
- Mandiri Shri Sidheshvari Kali
- Mandiri Lakshmi Narajan në Dhaka
- Tempulli i Misionit Ramakrishna në Dhaka
- Tempulli Svami Bagh në Dhaka
- Xhaganath Ratha e Dhamrait
- Tempulli Dhanuka Manasa
- Tempulli i Çandravatit në Kaçaripara
- Mathurapur Deula
- Tempulli Lakshmi Narajan i Raxha Babusë
- Ashrami Svamibagh ISKCON
- Tempulli Radhakrishna, Sutrapur
- Lista e tempujve hindu në Bangladesh
- Hinduizmi në Bangladesh
- Historia e Dhakës
- Arkitektura e Dhakës
- Arkitektura e Bengalit
Referime
Redakto- ^ "ঢাকার একমাত্র দিঘি গঙ্গাসাগর". amradhaka.com (në bengalisht). Marrë më 23 gusht 2015.
- ^ "ওরাই এখনখবর". samakal.net (në bengalisht). Marrë më 23 gusht 2015.
{{cite web}}: Mirëmbajtja CS1: Gjendja e adresës (lidhja) - ^ Francis B. Bradley-Birt (1906). The Romance of an Eastern Capital (në anglisht). Smith, Elder & Company.
- ^ Mustafa Matohir (11 tetor 2020). "রাজধানীতে এক টুকরো গঙ্গাসাগর দিঘি". www.bd-pratidin.com (në bengalisht).
- ^ "ঢাকা জেলা". dhaka.gov.bd (në bengalisht). Marrë më 25 shkurt 2021.
{{cite web}}: Shiko vlerën e|url=(Ndihmë!)Mirëmbajtja CS1: Gjendja e adresës (lidhja) - ^ "বরদেশ্বরী কালীমাতা মন্দির - মন্দির দর্শন". mandirdarshanbd.com (në bengalisht). 6 nëntor 2020. Arkivuar nga origjinali më 2 mars 2021. Marrë më 25 shkurt 2021.
- ^ "সি আর দত্তের মরদেহ আসছে কাল, শেষকৃত্যানুষ্ঠান মঙ্গলবার". Prothom Alo (në bengalisht). 30 gusht 2020. Marrë më 25 shkurt 2021.
Bibliografia
Redakto- Francis Bradley Bradley-Burt (1906). The Romance of an Eastern Capital (në anglisht). Smith, Elder & Company.
Lidhje të jashtme
Redakto