Buzhala (Therandë)

Nuk ka versione të shqyrtuara të kësaj faqe, ndaj mund të mos jetë kontrolluar përputhja e saj me standardet.

Buzhala është një vendbanim në komunën e Therandës, Kosovë

Gjeografia

Buzhala

Është vendbanim kodrinoro-malor dhe i takon tipit të vendbanimeve të shpërndara. Gjendet rreth 14 km në lindje të Therandës, rrëzë bjeshkëve të Jezercit, që u ngjitën vargmaleve të Sharrit. Buzhala shtrihet në një lartësi mbidetare prej 600 m.

Historia

Dikur ka ekzistuar fshati i lashtë me emrin Buzhalë. Banorët e Buzhalës kanë qenë të besimit katolik. Ata janë shpërngulur për shkak të luftërave në vende të ndryshme të Kosovës. Këtu gjenden edhe themelet e shtëpive të vendbanimit të tyre. Varrezat e tyre fshatarët e mëvonshëm i kanë quajtur si varreza të krushqve.

Banorët e sotëm janë të lagjes së Palushëve të Budakovës të cilët janë vendosur ne Buzhalë dhe e kanë rithemeluar këtë vendbanim duke e marrë mbiemrin Buzhalë, sipas emrit të dikurshëm të këtij vendbanimi.

Buzhala deri vonë ka qenë lagje e Budakovës. Lagjet e Budakovës përbëhen prej tre vëllazërve: Pala, Kola dhe Ziba. Nga Pala (rrjedhin lagjet Palush dhe Buzhalë), Kola (rrjedhin lagjet: Kololl dhe Kokollar) dhe Ziba (rrjedhin lagjet: Sallauk, Bajraktar dhe Hoxhë).

Demografia

Sipas shënimeve statistikore në vitin 1953, si lagje e Budakovës, kishte 14 shtëpi me 136 banorë. Ndërsa, në vitin 2001 Buzhala ka rreth 60 shtëpive me rreth 400 banorë.

Lidhje të jashtme

Komuna e Therandës

Qyteti: Theranda dhe fshatrat: