Dervish Hima

politikan shqiptar

Dervish Hima (Strugë, 1868 - Tiranë, 13 prill 1928) ishte veprimtar atdhetar dhe publicist i Rilindjes Kombëtare.

Dervish Hima
Dervish Hima.jpg
Dervish Hima
Lindi më 1868
Vendlindja Strugë, Perandoria Osmane
Vdiq më 13 prill, 1928
Vendvdekja Tiranë, Republika Shqiptare
Kombësia Shqiptar
Profesioni Botuesi, Politikan

Përmbajtja

BiografiaRedakto

Lindi me emrin Ibrahim Mehmet Naxhi në Strugë në një familje pronare tokash më 1868. Shkollën fillore e krey në Ohër. Ai ndoqi shkollën e mesme në Manastir dhe studjoi mjekësi për dy vjet në Stamboll. Përpara se t'i mbaronte studimet, miqtë e lajmërojnë se kërkohet nga forcat e rendit si Turk i Ri. Ikën jashtë shteti dhe nga idetë nacionaliste që kishte, u shkëput prej Turqve të Rinj.

VeprimtariaRedakto

Punoi si ndihmësmësues në Rumani, Belgjikë dhe Zvicër, ku në Gjenevë u njoh me Leninin[1].

Ishte atdhetar e publicist i Rilindjes Kombëtare, organizator i Kongresit të Bukureshtit, pjesëmarrës në Kongresin e Napolit, më 1908 botues i gazetës "Shqiptari" në Stamboll me Eqrem bej Vlorën dhe Hilë Mosin; e më pas "Albania" në Zvicër.

Dervish Hima ishte një kundërshtar ekstrem i sundimit Osman në Shqipëri dhe autor i një numri të madh të thirrjeve manifestuese radikale për një luftë të mbarëkombëtare kundër Perandorisë Osmane. Si i tillë, lëvizjet e tij janë vërejtur me kujdes nga autoritetet Osmane, dhe për këtë u burgos disa herë. Si një njeri i njohur i Letërsisë Shqipe, ai u kthye nga Shkodra pas një mungese të gjatë në Europë dhe u arrestua për fjalimet e tija për shpresat e Shqipërisë dhe u burgos. [2] Në Bukuresht, ai redaktoi dhe botoi një gazetë jetë-shkurtër Pavarësia e Shqipërisë , e cila u shfaq në 1898 në Shqip, Frëngjisht dhe Rumunisht. Në muajin tetor të vitit të ardhshëm, ai ishte i detyruar të largohet nga Rumania për në Romë, ku bashkëpunoi me Mehmed bej Frashërin në Revistën dyjavore “Zën'i Shqipënisë”, e cila publikohej në Frëngjisht dhe Shqip.

Në vitin 1903, Dervish Hima botoi revisten dyjavore L'Albanie në Gjenevë, të cilën gjatë viteve 1905-1906 në Bruksel , ai vazhdoi ta botojë një herë në muaj. Në vitin 1909, ai ishte në Stamboll, ku drejtonte të përjavshmen “Shqipëtari-Arnavud” me Hilë Mosi, një revistë në Shqipe dhe Turke , e subvencionuar nga Austro-Hungaria. [1] Kjo revistë u botua derisa ajo u ndalua në fund të vitit 1910. [1] Hima ishte një nga nënshkruesit e Deklaratës së Pavarësisë së Shqipërisë. Në 1912-n mori pjesë në Kuvendin Kombëtar të Vlorës dhe u zgjodh anëtar i Pleqësisë, ndërkohë shkroi e botoi këto libra: "Varri i liridashësve", "Pasqyra e krimeve të Sulltanit", "Një zë nga burgu në kohën e lirë", etj.

Jeta e mëvonshmeRedakto

Dervish Hima qe ndër përfaqësuesit të Ohrit dhe Strugës në shpalljen e pavarësisë së Shqipërisë në Vlorë, ku dhe firmosi dokumentin e Shpalljes. Në vjeshtë të vitit 1917 u emërua inspektor shkolle për rrethin e Tiranës nga autoritetet Austro-Hungareze.

Në kohën e presidencës së Ahmet Zogut, Hima pranoi emërimin si shef i shtypit nga presidenti. Sipas Eqrem bej Vlorës, në dijeni të një komploti të organizuar nga Jusuf agë Doshishti kundër Zogut, Hima vë në dijeni Zogun. Ndërroi jetë në Tiranë më 13 prill 1928[1].

LiteraturëRedakto

ReferencaRedakto

  1. ^ a b Vlora, Eqrem bej (2008). Kujtime 1885-1925. Tiranë: IDK. p. 230. ISBN 99927-780-6-7. 
  1. Robert Elsie. "Historical dictionary of Albania". Retrieved 30 July 2012.
  2. Jump up^ Miranda Vickers. The Albanians: A Modern History. Retrieved 30 July 2012.
  3. Jump up^ "History of Albanian People" Albanian Academy of Science.ISBN 99927-1-623-1

http://dualibra.com/wp-content/uploads/2011/10/Historical_Dictionary_of_Albania__Second_Edition.pdf