Pedagogjia e përgjithshme

Pedagogjia e përgjithshme është disiplinë akademike (degë) fundamentale e shkencës së pedagogjisë e cila studion ligjshmëritë dhe problemet e përgjithshme të mësimit, mësimdhënies, arsimit dhe edukatës. Si disiplinë fundamentale e pedagogjisë ajo studion përmbajtjet, normat, ligjësitë, teoritë dhe drejtimet pedagogjike. Problemet themelore të pedagogjisë së përgjithshme janë: sinteza e mendimit pedagogjik, konstituimi i pedagogjisë si shkencë e pavarur, kategoritë dhe nocionet pedagogjike, qëllimi dhe detyrat e edukatës, mundësitë dhe kufizimet e realizimit të edukatës, dimensionet e edukatës, faktorët për zhvillimin e individit, raporti i pedagogjisë me shkencat tjera si dhe raporti i pedagogjisë me teorinë dhe praktikën pedagogjike.

Fillet e pedagogjisë së përgjithshme si disiplinë shkencore lidhen me kontributin e filozofit dhe pedagogut gjerman Johann Friedrich Herbarti dhe sidomos me veprën e tij me titull, "Pedagogjia e përgjithshme e nxjerrë nga qëllimi i edukatës" (Allgemeine Pädagogik aus dem Zweck der Erziehung abgeleitet) botuar në vitin 1806.

Disiplinat pedagogjike

• Pedagogjia e përgjithshme
• Pedagogjia digjitale
• Historia e pedagogjisë
• Metodologjia e pedagogjisë
• Pedagogjia familjare
• Pedagogjia parashkollore
• Pedagogjia shkollore
• Pedagogjia e konvikteve
• Pedagogjia speciale
• Pedagogjia sociale
• Pedagogjia e të rriturve - Andragogjia
• Pedagogjia e kohës së lirë
• Didaktika
• Metodika
• Pedagogjia futurologjike
• Gjerontogogjia

Drejtimet pedagogjike

• Pedagogjia progresive
• Pedagogjia valdorfiane
• Pedagogjia eksperimentale
• Pedagogjia funksionale
• Pedagogjia ekzistencialiste
• Pedagogjia pragmatiste
• Pedagogjia komparative
• Pedagogjia pozitiviste
• Pedagogjia individuale
• Pedagogjia shpirtërore

Shih edhe

• Arsimi
• Edukata
• Pedagogjia
• Mësimdhënia
• Pedagogjia e përgjithshme (J. F. Herbart)