Rexhep Meidani

Rexhep Qemal Meidani ose Mejdani lindi më 17 gusht të vitit 1944 në Tirane, është politikan shqiptar, ish president i Shqipërisë.

Rexhep Qemal Meidani
President i Shqipërisë
Në detyrë 24 korrik 1997 – 24 korrik 2002
Paraprirë nga	Sali Berisha
Pasuar nga	Alfred Moisiu
Të dhëna vetjake
U lind më	17 gusht 1944 Tiranë, Republika Popullore e Shqipërisë
Nënshtetësia	shqiptar
Partia politike	PS
Bashkëshortja/et	Lidra Karagjozi
Fëmijët	2 (Adea, Denion)
Nënshkrimi

Edukimi

Diplomoi në Universitetin e Tiranës (1966), Fakulteti i Shkencave të Natyrës (FSHN), dega fizikë, si dhe përfundoi me sukses studimet pasuniversitare në Universitetin e Kanës (Francë) (1974). Në fushën profesionale zoti Meidani punoi fillimisht si pedagog, si shef katedre dhe më pas si dekan i FSHN (1966-1996). Gjatë kësaj periudhe zoti Meidani botoi një numër të madh studimesh, librash dhe artikujsh brenda e jashtë vendit. Zoti Meidani mban titullin shkencor “Profesor, Doktor”.

Kariera

Rexhep Meidani në Mynhen 2001

Kariera politike e zotit Meidani nisi pas viteve ’90. Ai ishte kryetar i KQZ-së në zgjedhjet e para shumëpartiake më 1991 dhe anëtar i Këshillit Presidencial (1991). Gjatë viteve 1992-96 u angazhua në shoqërinë civile duke qenë edhe kryetar i bordit të Qendrës Shqiptare për të Drejtat e Njeriut (1994-96). Më 1996 aderoi në Partinë Socialiste duke u zgjedhur Sekretar i Përgjithshëm i saj (1996-1997).

Në zgjedhjet e parakohshme parlamentare të qershorit 1997 zoti Meidani u zgjodh deputet në Kuvendin e Shqipërisë. Pas zgjedhjeve, të cilat u fituan nga koalicioni i majtë i drejtuar nga Partia Socialiste, më 24 korrik 1997 me propozim të PS-së, Kuvendi i Shqipërisë e zgjodhi zotin Meidani President të Republikës, detyre te cilen e ushtroi deri me date 24 korrik 2002 kur u zevendesua nga pasardhesi i tij Alfred Moisiu

Veprat

• A është deterministe teoria kuantike
• Kurthet e shtetit - komb
• Të vërtetat dhe të fshehtat e entropisë
• Mbi hapësirë-kohën
• Politika, morali dhe shteti

Shiko edhe

• Lista e Presidentëve të Shqipërisë
• Shqipëria

Lidhje të jashtme

• Rexhep Meidani - Amëza Zyrtare Presidenciale