Ismet Munishi

Ismet Munishi, lindi më 3 tetor 1974 në Gjilan të Kosovës, ai është futbollist shqiptar, i njohur edhe në stadiumet ndërkombëtare.
Aktualisht ndodhet në Kosovë. Ka luajtur edhe për ekipin e superligës shqiptare KF Partizani. Momentalisht Ismet Munishi kryen detyrën e Trajnerit në Suharek tek Ballkani.

Biografia

Që në moshë të re filloi aktivizohet me KF Prishtina në ekipin e pionerëve. Më pas u aktivizua si profesionist në ekipet e futbollit në Kosovë. Në atë kohë sporti i futbollit në Kosovë përballej me shumë probleme si pasojë e pavarësimit të tij nga futbolli i atëhershëm jugosllav. Ismet Munishi arriti rezultate të larta dhe përparoi në karrierën e tij në klubet KF Flamurtari dhe KF Prishtina, dhe më pas kaloi në Slloveni, në vitin 1997, dhe bëhet kampion i Sllovenisë me ekipin Maribor Branik, ku edhe pati shansin që të luaj në fazat kualifikuese të Ligës së Kampionëve të UEFA-s.

Pas arritjeve që pati në Slloveni ai u aktivizua në futbollin turk, në klubin që në atë kohë renditej në Ligën e parë turke, Shekerspor të Ankarasë, ku luajti për një vit e gjysëm. Më pas ai shkon në Izrael përkatësisht në Klubin Maccabi Herzliya. Qëndrimi i tij në Izrael zgjati vetëm gjashtë muaj. U rikthye përsëri në kampionatin slloven në klubin Olimpija të Lubjanës, dhe më vonë u aktivizua në kampionatin bullgar.

Ai u rikthye në Kosovë pas luftës dhe u aktivizua me disa klube të Ligës së Parë si KF Flamurtari, KF Kosova. Më vonë ai u aktivizua edhe me klube shqiptare të Ligës së Parë si KS Laçi të Laçit dhe KF Besa të Kavajës për tu transferuar përsëri në Ukrainë në ekipin e Ligës së Parë Vorskla të Poltavës së bashku me bashkëkombasit e tij Armend Dallku dhe Debatik Curri.

Pas qendrimit të tij 15 mujor në Ligën Elite të Ukrainës kthehet në Shqipëri për tu inkuadruar në Kampionatin Shqiptar me ekipin KS Besa të Kavajës, ku aty përfundoi sezonin 2005/2006. Ne sezonin 2006/2007 ishte pjesë e ekipit kosovar në Superligë, KF Trepca. Por në këtë Klub qëndroj vetëm 6 muaj, dhe më në fund në mars 2007 është bërë pjesë në ekipin tjetër të Superligës Kosovare, KF Vllaznimi. Ndërsa aktivitetin e tij si menaxher i futbollistve e vazhdon edhe më tutje.

Trivia

• Datëlindja: 3 tetor 1974
• Vendlindja: Gjilan (Kosovë)
• Gjatësia: 1.79 m
• Pesha: 80 kg
• Pozicioni: Mesfushor i majtë

Shih edhe

• Lista e futbollistve shqiptarë në diasporë

Vite aktiv	Klubi	Vendi
1995-1996	KF Flamurtari	Prishtinë/Kosovë
1996-1997	NK Maribor Pivovarna Lasko	Maribor/Slloveni
1997-1997	NK Maribor Titanik	Maribor/Slloveni
1997-1998	Sekerspor	Ankara/Turqi
1998-1999	Maccabi Hrzliya	Tel Aviv/Izrael
1999-2000	Mura Murska Sobota	Slloveni
2000-2001	NK Olimpjia Ljubljana	Lublanë/Slloveni
2001-2001	Korotan Prevalje	Slloveni
2001-2003	Kocaelispor	Turqi
2003-2003	NK Era Smartno	Slloveni
2003-2004	KF Flamurtari	Prishtinë/Kosovë
2004-2004	KF Kosova(Pr)	Prishtinë/Kosovë
2004-2004	KS Laçi	Laç/Shqipëri
2004-2005	Vorskla Naftogaz	Poltavë/Ukrainë
2005-2006	KS Besa	Kavajë/Shqipëri
2006-2006	KF Partizani	Tiranë/Shqipëri
2006-2007	KF Trepça	Mitrovicë/Kosovë
2007-2008	KF Vllaznimi	Gjakovë/Kosovë
2008-???	KF Trepça	Mitrovicë/Kosovë