Wikipedia

Domenico Berardi

futbollistë italian

Domenico Berardi (lindur më 1 gusht 1994) është një futbollist profesionist italian i cili luan si sulmues për klubin italian Sassuolo dhe kombëtaren italiane.

Domenico Berardi
Të dhënat vetjake
Datëlindja1 gusht 1994 (30 vjeç)
VendlindjaCariati, Itali
Gjatësia1.83 m (6 ft 0 in)[1]
PozicioniSulmues
Të dhënat e klubit
Klubi aktual
Sassuolo
Numri10
Karriera me të rinjtë
2008–2010Cosenza
2010–2012Sassuolo
Karriera me klube*
VitetKlubiNdeshje(Golat)
2012–Sassuolo347(133)
Karriera ndërkombëtare‡
2012–2013Italia U193(1)
2014–2017Italia U2123(4)
2018–Italia27(8)
*Ndeshjet dhe golat me klubet llogariten vetëm për ligën vendase – redaktuar më 17 dhjetor 2023
‡ Ndeshjet dhe golat me ekipin kombëtar të redaktuar më 17 tetor 2023

Karriera me klube

Redakto

Vitet e para

Redakto

Berari ka lindur në Cariati dhe e nisi karrierën e tij si futbollist në moshën 13 vjeçare duke u bërë pjesë e akademisë së Cosenza. Tre vite më pas, ai u bashkua me akademinë e Sassuolos.[2][3] Para se të kalonte te Sassuolo, Berardi refuzoi të bëhej pjesë e akademisë së Juventusit për shkak se ishte tifoz i Interit.[4]

Sassuolo

Redakto

2010–2015: Debutimi me ekipin e parë dhe rekordet e golave në Serie A

Redakto

Berardi u bë pjesë e ekipit të parë të Sassuolon në sezonin 2012–13, duke debutuar si profesionist më 27 gusht 2012 në moshën 18 vjeç në një ndeshje të fituar 3—0 kundër Cesenës.[5] Ai shënoi golin e parë si profesionist vetëm pesë ditë më pas, në një fitore 2–1 ndaj Crotones.[6] Në përfundim të sezonit, Berardi u shpall lojtari më i mirë i Serie B në ceremoninë vjetore të çmimeve Gran Galà del calcio.[7] Ai kontriboi në ngjitjen e Sassuolos në Serie A për herë të parë në histori. Në qershor 2013, ai u përshkrua si "ylli i padiskutueshëm i Sassuolos.[8]

Më 2 shtator 2013, Juventus konfirmoi në uebfaqen e saj zyrtare internet se Berardi ishte blerë nga klubi në formën e bashkpronësisë. Si pjesë e marrëveshjes, Luca Marrone u bë pjesë e Sassuolos kurse Berardi u huazua për sezonin 2013–14. Juventusi gjithsej pagoi 4.5 milion €. Berardi u huazua për të gjithë sezonin 2013–14 te Sassuolo.[9] Ai bëri debutimin e tij në Serie A në moshën 19 vjeç më 25 shtator 2013 në barazimin 1–1 në transfertë ndaj Napolit.[10] Goli i tij i parë në elitë erdhi më 6 tetor 2013 me penallti në një humbje 3–1 kundër Parma.[11] Dy javë më pas, Berari shënoi me penallti në fitoren 2–1 kundër Bolonjës duke i dhënë Sassuolos fitoren e parë në Serie A.[12] Më 3 nëntor, Berardi shënoi një tregolësh, përfshirë dy me penallti, në fitoren 4–3 në transfertë kundër Sampdorias.[13]

Më 12 janar 2014, Berardi shënoi katër gola në fitoren 4–3 në shtëpi kundër Milanit. Duke bërë këtë, ai u bë lojtari i dytë më i ri që shënon katër gola në të njëjtën ndeshje – lojtari më i ri ishte 18 vjeçari Silvio Piola në vitin 1931 – dhe gjithashtu lojtari i parë që i shënon katër gola Milanit në një ndeshje në kampionat.[14][15][16] Më 6 maj, Berardi shënoi tregolëshin e tretë sezonal, duke reaziluar tre herë në pjesën e parë në fitoren 4–3 kundër Fiorentinës.[17][18] Ai e mbylli sezonin me 16 gola në 29 ndeshje me Sassuolon e cila siguroi qëndrimin në Serie A për sezonin e ardhshëm.

Në korrik 2014, u konfirmua se Berardi do të qëndroj në huazim te Sassuolo edhe për sezonin 2014–15.[19] Gjithashtu të dy klubet rinovuan marrëveshjen e tyre të bashkpronësisë për lojtarin.[19] Më 17 maj 2015, Berardi shënoi një tregolësh në fitoren 3–2 kundër Milanit në Mapei Stadium.[20] Ai e përfundoi kampionatin me 15 gola dhe 10 asiste, duke qënë një nga asistuesit më të mirë.[21] Ai arriti 30 gola në kampionat në 59 ndeshje, që u vu re nga UEFA se ishte më i shpejtë se 70 ndeshjet e luajtur nga Lionel Messi për të arritur të njëjtin numër golash;[22] në moshën 20 vjeç, Berardi u bë lojtari më i ri që shënon 30 gola në Serie A që nga viti 1958.[23]

Më 25 qershor 2015, u njoftua përmes një deklarate zyrtare se marrëveshja e bashkpronësisë ishte zgjidhur në favor të Sassuolos për 10 milion €.[24][25][26] U raportua se kjo ishte pjesë e marrëveshjes së transferimit të sulmuesit Simone Zaza te Juventusi, i cili gjithashtu ruajti të drejtën e riblerjes së Berardit në vitin 2016.[27]

2015–2018: Debutimi në Evropë dhe golashënuesi më i mirë i Sassuolos

Redakto

Berardi e nisi sezonin 2015–16 duke u emëruar lojtari më i mirë i fitores 2–1 kundër Napolit. Gjatë ndeshjes ai asistoi golin e Floro Flores[28] por pësoi edhe një dëmtim që e mbajti jashtë për një muaj e gjysëm.[29] Ai u rikthye nga dëmtimi më 20 shtator duke u aktivizuar si zëvëndësues në barazimin 2–2 kundër Romës në Stadio Olimpico.[30] Më 18 tetor, ai shënoi me penallti në fitoren 2–1 kundër Lazios, duke regjistruar golin e parë të sezonit.[31] Sassuolo e mbylli kampionatin në vendin e 6të, duke u kualifikuar në UEFA Ligën e Evropës për sezonin e ardhshëm.[32]

Më 28 korrik 2016, Berardi bëri debutimin e tij në kompeticionet evropiane në ndeshjen e parë të raundit të tretë kualifikues të Ligës së Evropës kundër FC Luzern, duke shënuar golin e parë evropian në historinë e Sassuolos në një barazim 1–1.[33] Një javë më pas, ai shënoi sërisht në ndeshjen e kthimit që u mbyll me fitoren 3–0 të Sassuolos, e cila u kualifikua në fazën play-off të kompeticionit.[34] Më 18 gusht, Berardi shënoi dhe asistoi dy nga tre golat e fitores kundër Yllit të Kuq të Beogradit në ndeshjen e parë të fazës play-off.[35]

Tre ditë më pas, Berardi i dha fitoren ekipit në ndeshjen hapëse të Serie A kundër Palermos në transfertë, duke shënuar golin e vetëm me penallti.[36] Në ndeshjen e kthimit kundër Yllit të Kuq të Beogradit, Berardi vazhdoi me formën e tij fantastike, duke shënuar golin e vetëm të ekipit të tij në një barazim 1–1, një rezultat i mjaftueshëm për të kualifikuar Sassuolon në fazën e grupeve.[37] Më 28 gusht, pasi shënoi në fitoren 2–1 kundër Pescara, Berardi u bë italiani më i ri që nga viti 1994 që shënon 40 gola në Serie A, si dhe lojtari i ri i dytë mbrapa brazilianit Alexandre Pato, në moshën 22 vjeç e 27 ditë.[38] Gjatë kësaj ndeshje, ai pësoi edhe një dëmtim në ligamentin e gjurit,[39] duke bërë që të humbiste pjesën e mbetur të vitit 2016.[40]

Pas katër muajsh e gjysëm jashë fushave, Berardi u rikthye më 8 janar 2017 në barazimin pa gola kundër Torinos, duke luajtur si zëvëndësues në pjesën e dytë.[41] Ai e mbylli sezonin me 25 ndeshje dhe 10 gola në kampionat dhe Ligën e Evropës. Më 24 gusht, Berardi firmosi një kontratë të re pesë-vjeçare me klubin, duke zgjatur qëndrimin e tij në Mapei Stadium.[42] Gjatë sezonit 2017–18, Berardi zhvilloi një sezon poshtë pritshmërive, duke shënuar vetëm katër gola, e ndikuar edhe nga largimi i trajnerit Eusebio Di Francesco.

2018–vazhdon: Rikthimi në nivele të larta dhe rekorde të tjera

Redakto

Sezoni 2018–19 pa emërimin e Roberto De Zerbit si trajneri i ri i ekipit; më 19 gusht, Berardi shënoi golin e vetëm në ndeshjen kundër Interit në javën e parë të Serie A.[43] Më 7 tetor, ai luajti ndeshjen e tij të 200të në të gjitha kompeticionet me klubin në humbjen 2–0 kundër Napolit.[44]

Më 1 shtator 2019, në ndeshjen e dytë të sezonit 2019–20, Berardi shënoi një tregolësh në fitoren 4–1 kundër Sampdorias.[45] Në ndeshjen e javës së tretë, ai shënoi dy gola të tjerë në fitoren 4–2 kundër Romës.[46]

Karriera ndërkombëtare

Redakto

Berardi ka luajur tre ndeshje me ekipin kombëtar nën-19 dhe ka shënuar një gol. Ai bëri debutimin e tij me kombëtaren nën-21 më 4 qershor 2014 në miqësoren e fituar 4–0 kundër Malit të Zi. Ai luajti edhe në një tjetër miqësore më 13 gusht kundër Rumanisë, e cila u mbyll me një humbje 2–1.

Statistikat e karrierës

Redakto

Klube

Redakto
Redaktuar më 17 gusht 2014[47][48]
Klubi Sezoni Liga Kupa Tjetër Total
Ndeshje Gola Ndeshje Gola Ndeshje Gola Ndeshje Gola
Sassuolo 2012–13 37 11 2 0 0 0 39 11
2013–14 29 16 1 0 0 0 30 16
2014–15 0 0 0 0 0 0 0 0
Total 66 27 3 0 0 0 69 27
Juventus 2013–14 0 0 0 0 0 0 0 0
Total 0 0 0 0 0 0 0 0
Career total 66 27 3 0 0 0 69 27

Referime

Redakto
  1. ^ "Statistiche Giocatori" [Statistikat e lojtarit]. sassuolocalcio.it (në italisht). U.S. Sassuolo Calcio. Arkivuar nga origjinali më 4 tetor 2014. Marrë më 2 tetor 2016.
  2. ^ Marco Giordano (14 maj 2013). "La Meglio Gioventu' – Domenico Berardi". calcioweb.eu (në italisht). Marrë më 8 shtator 2013.
  3. ^ Paolo Camedda (3 gusht 2013). "Generazione di Fenomeni - Domenico Berardi, il 'Van Persie della Sila' che piace a Juventus, Napoli, Inter... e Manchester Utd" [Gjeneratat e Fenomenëve - Domenico Berardi, 'Van Persie i Silës' i pëlqyer nga Juventus, Napoli, Inter ... dhe Manchester Utd] (në italisht). Goal.com. Marrë më 8 shtator 2013.
  4. ^ "Berardi refuzoi Juven që 13 vjeç, sepse është interist". Panorama Sport. 15 janar 2014. Marrë më 15 janar 2014.
  5. ^ "Cesena vs. Sassuolo 0 – 3" (në anglisht). Soccerway. 27 gusht 2012. Marrë më 1 gusht 2015.
  6. ^ "Sassuolo vs. Crotone 2 – 1" (në anglisht). Soccerway. 1 shtator 2012. Marrë më 1 gusht 2015.
  7. ^ "Grand Gala del calcio 2013 winners" [Fituesit e Grand Gala del calcio 2013] (në anglisht). Forza Italian Football. Marrë më 2 shtator 2013.
  8. ^ Scott Johnson (16 qershor 2013). "Sassuolo become smallest town to reach Serie A" [Sassuolo bëhet qyteti më i vogël që arrin Serie A] (në anglisht). When Saturday Comes. Arkivuar nga origjinali më 13 janar 2014. Marrë më 2 shtator 2013.
  9. ^ "Juventus complete double transfer deal with Sassuolo" [Juventus mbyll marrëveshjen e transferimit të dyfishtë me Sassuolon]. juventus.com (në anglisht). Juventus F.C. 2 shtator 2013. Marrë më 2 shtator 2013.
  10. ^ "Napoli vs. Sassuolo 1 – 1" (në anglisht). Soccerway. 25 shtator 2013. Marrë më 1 gusht 2015.
  11. ^ "Parma - Sassuolo (3 - 1)" (në anglisht). Eurosport. 6 tetor 2013. Marrë më 1 gusht 2015.
  12. ^ "Sassuolo-Bologna 2-1, primo storico successo per i neroverdi" [Sassuolo-Bologna 2-1, suksesi i parë historik për jeshilzinjtë] (në italisht). Repubblica.it. 20 tetor 2013. Marrë më 16 korrik 2020.
  13. ^ "Berardi treble boosts Sassuolo" [Tripleta e Berardit shtyn Sassuolon] (në anglisht). Sky Sports. 3 nëntor 2013. Marrë më 30 maj 2014.
  14. ^ "Seria A, uragani Berardi fundos Milanin me 4 gola për 32 minuta". Shqiptarja.com. 12 janar 2014. Marrë më 16 korrik 2020.
  15. ^ Paolo Bandini (13 janar 2014). "Domenico Berardi's awesome foursome sinks Milan ... and Massimiliano Allegri" [Katër golat e mrekullueshëm të Domenico Berardit fundosin Milanin... dhe Massimiliano Allegrin] (në anglisht). The Guardian. Marrë më 28 maj 2014.
  16. ^ Lear Maçi (13 janar 2014). "Milani i turpshëm, Sasuolo i jep leksion". Panorama Sport. Marrë më 13 janar 2014.
  17. ^ "Berardi hits treble in Sassuolo win" [Berardi shënon tripletë në fitoren e Sassuolos] (në anglisht). ESPN FC. 6 maj 2014. Marrë më 6 maj 2014.
  18. ^ Shaun Best (6 maj 2014). "Fiorentina vs Sassuolo, final score 3-4: Berardi treble boosts Sassuolo's survival hopes" [Fiorentina vs Sassuolo, rezultati final 3-4: Tripleta e Sassuolos shtyn shpresat e mbijetesës të Sassuolos] (në anglisht). SB National. Marrë më 6 maj 2014.
  19. ^ a b "Juventus huazon sulmuesin Berardi". Panorama Sport. 21 qershor 2014. Marrë më 21 qershor 2014.
  20. ^ "Sassuolo beat Milan amid Domenico Berardi ghost goal controversy" (në anglisht). ESPN FC. 17 maj 2015. Marrë më 18 maj 2015.
  21. ^ "Serie A 2014-15 Statistics: Assists" (në anglisht). ESPN FC. Marrë më 1 qershor 2015.
  22. ^ Gabim referencash: Etiketë <ref> e pavlefshme; asnjë tekst nuk u dha për refs e quajtura sweden
  23. ^ Gabim referencash: Etiketë <ref> e pavlefshme; asnjë tekst nuk u dha për refs e quajtura Europe's next generation of stars: Berardi, Sanches, Dembele, Gabigol
  24. ^ "Calciomercato: Domenico Berardi resta in neroverde" (në italisht). Sassuolocalcio.it. Arkivuar nga origjinali më 24 shtator 2015. Marrë më 2 tetor 2016.
  25. ^ "Sassuolo sign Juventus forward outright" (në anglisht). Forza Italian Football. 25 qershor 2015. Marrë më 2 tetor 2016.
  26. ^ "Sharing agreement termination of the player Domenico Berardi" (PDF) (në anglisht). Juventus F.C. 25 qershor 2015. Arkivuar nga origjinali (PDF) më 26 qershor 2015. Marrë më 25 qershor 2015.
  27. ^ "Il Sassuolo "lascia" Zaza e "fa suo" Berardi. La Juve può ricomprarlo nel 2016" (në italisht). Tuttosport. 23 qershor 2015. Marrë më 7 korrik 2015.
  28. ^ Mimmo Malfitano (23 gusht 2015). "Sassuolo-Napoli 2-1. Hamsik illude, poi segnano Floro Flores e Sansone" (në italisht). La Gazzetta dello Sport. Marrë më 24 gusht 2015.
  29. ^ "Sassuolo, Berardi fuori per 45 giorni. Inter in ansia per Icardi" (në italisht). La Gazzetta dello Sport. 24 gusht 2015. Marrë më 24 gusht 2015.
  30. ^ Stefano Silvestri (20 shtator 2015). "Le pagelle di Roma-Sassuolo 2-2" (në italisht). Eurosport. Marrë më 21 shtator 2015.
  31. ^ Stefano Cieri (18 tetor 2015). "Sassuolo-Lazio 2-1. Decidono Berardi e Missiroli, non basta Felipe Anderson" (në italisht). La Gazzetta dello Sport. Marrë më 18 tetor 2015.
  32. ^ "Sassuolo: 'Italian success story'" (në anglisht). Football Italia. 22 maj 2016. Marrë më 6 qershor 2016.
  33. ^ "Sassuolo, esordio positivo in Europa". UEFA.com (në italisht). 28 korrik 2016. Marrë më 29 korrik 2016.
  34. ^ Ivan Palumbo (4 gusht 2016). "Sassuolo-Lucerna 3-0, Berardi fa 2 gol, conquistato il playoff di Europa League" (në italisht). La Gazzetta dello Sport. Marrë më 4 gusht 2016.
  35. ^ "Berardi: 'Great first leg'" (në anglisht). Football Italia. 18 gusht 2016. Marrë më 18 gusht 2016.
  36. ^ "Palermo 0-1 Sassuolo" (në anglisht). ESPN FC. 21 gusht 2016. Marrë më 22 gusht 2016.
  37. ^ Pietro Razzini (25 gusht 2016). "Europa League, Stella Rossa-Sassuolo 1-1, Berardi segna ancora" (në italisht). La Gazzetta dello Sport. Marrë më 26 gusht 2016.
  38. ^ "Serie A: Sassuolo-Pescara 2-1, Berardi segna sempre" (në italisht). Mediaset. 28 gusht 2016. Marrë më 29 gusht 2016.
  39. ^ "Sassuolo: Berardi injury not serious" (në anglisht). Football Italia. 29 gusht 2016. Marrë më 29 gusht 2016.
  40. ^ "Berardi back in training" (në anglisht). Football Italia. 2 janar 2017. Marrë më 8 janar 2017.
  41. ^ Andrea Elefante (8 janar 2017). "Sassuolo-Torino 0-0. Berardi torna in campo dopo 4 mesi e mezzo" (në italisht). La Gazzetta dello Sport. Marrë më 8 janar 2017.
  42. ^ "Domenico Berardi rinnova fino a Giugno 2022" (në italisht). U.S. Sassuolo Calcio. 24 gusht 2017. Arkivuar nga origjinali më 11 qershor 2019. Marrë më 30 gusht 2017.
  43. ^ "Sassuolo 1-0 Inter Milan" (në anglisht). BBC Sport. 19 gusht 2018. Marrë më 26 gusht 2018.
  44. ^ "Napoli beat Sassuolo with goals from Adam Ounas and Lorenzo Insigne" (në anglisht). ESPN FC. 7 tetor 2018. Marrë më 24 dhjetor 2023.
  45. ^ "Sassuolo 4–1 Sampdoria". Lega Serie A (në italisht). 1 shtator 2019. Arkivuar nga origjinali më 16 qershor 2021. Marrë më 24 maj 2021.
  46. ^ "Mkhitaryan scores first Roma goal in Sassuolo rout" (në anglisht). ESPN FC. 15 shtator 2019. Marrë më 25 dhjetor 2023.
  47. ^ "Domenico Berardi" (në anglisht). World Football. Marrë më 16 korrik 2020.
  48. ^ "Domenico Berardi" (në anglisht). Soccerway. Marrë më 16 korrik 2020.

Lidhje të jashtme

Redakto
Marrë nga "https://sq.wikipedia.org/w/index.php?title=Domenico_Berardi&oldid=2632122"