Wikipedia

Raxhbari i Muraparës

Pallat në Bangladesh

Raxhbari i Muraparës është një pallat i mirënjohur në upazilën Rupganxh të distriktit të Narayanganxhit në divizionin e Dhakës, Bangladesh. Ai gjendet në katundin Murapara, rreth 25 km (16 mi) në jug-lindje të Dhakës në Rrugën Narsindgi. Ai është i lidhur me një rrugës dytësore prej 5 km (3.1 mi) të shtruar me tulla në perëndim të Rrugës kryesore Dhaka-Sylhet.[1] Banorët lokalë e quajnë Zamindar Bari i Matherghatit.

Raxhbari i Muraparës
মুড়াপাড়া রাজবাড়ি
Pamje e pallatit pranë ujëmbledhësit
Emra alternativZamindar Bari i Muraparës, Zamindar Bari i Matherghatit
Informacion i përgjithshëm
TipiRezidencë
Stili arkitekturalPërzierje e Arkitekturës Indo-Saraçene dhe Arkitekturës së Bengalit
VendndodhjaMurapara, upazila Rupganxh, distrikti i Narajanganxhit, divizioni i Dhakës,  Bangladesh
Koordinatat23°46′51″N 90°31′15″E / 23.780905°N 90.520951°E / 23.780905; 90.520951
Përfundimi1889
Technical details
Floor count2
Grounds8.3 ha (21 acres)

Historia

Redakto
 
Pamje ballore e pallatit

"Raxhbari i Muraparës" është një nga shembujt e shquara të bashkësisë së pasur të vendosur në fshatin Murapara, rreth 25 km (16 mi) në jug-lindje të Dhakës në anën perëndimore të Rrugës Dhaka-Narsingdi.[2] Zamindar Bari ose Pallati i Muraparës u ndërtua nga themeluesi i familjes Murapara Raxh të quajtur Ramratan Banerxhi. Ai u caktua financier i zotërimeve të Natores duke u ngrit në një pozicion të lartë dhe bleu prona të mëdha. Një burim thotë se ishte Ramratan Banarxhi që e ndërtoi pallatin në vitin 1889, por burime të tjera thonë se ai vendosi vetëm themelet e ndërtesës. Qe Protap Çandra Banarxhi që duke lënë rezidencën e tij të vjetër dhe mbrapa saj ndërtoi pallatin e ri në vitin 1889.

Djali i tij Bixhoj Çandra Banerxhi ndërtoi një ndërtesë dhe krijoi dy ujëmbledhës përballë pallatit në vitin 1899. Në vitin 1909, kati i parë i pallatit u plotësua nga dy djemtë e tij, Xhagadish Çandra Banerxhi dhe Ashutosh Çandra Banerxhi.[3]

 
Pamje e kompleksit

Pas ndarjes së Nënkontinentit Indian në vitin 1947, Xhagadish Çandra shkoi në Kolkata me familjen e tij. Që atëherë, rezidenca ka mbetur e braktisur. Në vitin 1948, qeveria e atëhershme e Pakistanit e mori në zotërim rezidencën dhe nisi verprimtaritë e një spitali dhe qendre korrektimi të të rinjve aty. Në vitin 1966, aty u vendos një shkollë dhe kolegj. Pas pavarësisë së Bangladeshit, në vitin 1986, Departamenti i Arkeologjisë së Bangladeshit mori përgjegjësinë e menaxhimit të rezidencës si një monument arkeologjik. Tani njihet si Kolegji Qeveritar i Muraparës.

Arkitektura

Redakto
 
Tempulli hindu brenda kompleksit, me pallatin djathtas lartë

Pallati piktoresk dy-katësh ka planimetri drejtkëndore dhe një façadë madhështore në perëndim prej rreth 200 ft (61 m) të gjatë. Përballë pallatit shtrihet një verandë 10 ft (3.0 m) e gjerë në të gjithë nivelet e pallatit, duke i paraprirë hyrjes te dhomat.

 
Pamje e mbrapme e pallatit

Rezidenca zamindare dy-katëshe ka 95 dhoma. Pranë saj ndodhen dy ujëmbledhës të afërt: ujëmbledhësi i madh përballë saj, ndërsa ujëmbledhësi tjetër pak më i vogël se ballori ndodhet në pjesën e mbrapme. Përveç kësaj, në të gjithë kompleksin ndodhen shumë salla kërcimi, stalla, tempuj, dyqane dhe ndërtesa kaçari. Për të vajtur te pallati kryesor duhet të kalosh nga një portë e madhe. Përkrahë pallatit ndodhet edhe një kopësht mangosh. Kreu i tempullit është rreth 30 ft (9.1 m) i lartë.[4] Përgjatë rrugës rrugës kryesor të kompleksit ndodhen dy manastire të vjetra.[5]

Thellësia e verandës përdoret si një mjet hijëzimi nga dielli në perëndim. Ai ka harqe gjysmë-rrethorë, sipërfaqet e të cilëve janë mbushur me dekorime prej gize me qelqe të gjelbër, të kuq dhe blu. Kjo e paraqet dyshemenë e verandës si një mozaik të modeluar plotë ngjyra duke ofruar mbrojtje nga dielli.

Shiko gjithashtu

Redakto

Referime

Redakto
  1. ^ A. B. M. Husain (2007). Architecture: A History Through Ages (në anglisht). Asiatic Society of Bangladesh. fq. 392. OCLC 845471338.
  2. ^ "A blend of details" (në anglisht). The Daily Star. 15 korrik 2003.
  3. ^ Reaz Hosain (12 mars 2016). "রূপগঞ্জের মুড়াপাড়া জমিদারবাড়ি". Alokito Bangladesh (në bengalisht).
  4. ^ Joynal Abedin Joy (3 qershor 2016). "ঢাকার পাশেই মুড়াপাড়া জমিদারবাড়ি" (në bengalisht). Arkivuar nga origjinali më 8 tetor 2016. Marrë më 29 shtator 2016.
  5. ^ "জমিদার বাড়ির স্মৃতি বুকে দাঁড়িয়ে অর্ধশতাব্দীর মুড়াপাড়া কলেজ". banglanews24.com (në bengalisht). Arkivuar nga origjinali më 12 korrik 2016. Marrë më 17 tetor 2016.
Marrë nga "https://sq.wikipedia.org/w/index.php?title=Raxhbari_i_Muraparës&oldid=2715407"