Kjo faqe këtu është vetëm për diskutim mbi përdoruesin Fukingusername. Wikipedia nxit diskutimin mes vullnetarëve të saj dhe nuk do të censurojë komente bazuar në pikëpamjet ideologjike ose politike. Wikipedia nuk do t’i ndryshojë komentet. Ato ose do të publikohen, ose do të fshihen nëse nuk i binden rregullave kryesore.
Shtyp këtu për të filluar një temë të re diskutimi.
Ju lutemi nënshkruani me: – ~~~~

Të gjitha komentet u nënshtrohen këtyre rregullave:

  • Përmbajuni temës!
  • Nuk lejohen: sharje, fyerje, fjalor i papërshtatshëm, gjuhë që përmban urrejtje, sulme personale, thirrje për dhunë ose çdo qëndrim tjetër jo i rregullt.
Përshëndetje Fukingusername, mirëserdhe në Wikipedian në shqip !
Gtk-dialog-info.svg

Kjo është faqja juaj e diskutimit, në të cilën do të merrni mesazhe nga përdoruesit e tjerë. Në qoftë se ke pyetje mund të adresohesh pa ngurrim tek Oda e fillestarëve, ku një përdorues me eksperiencë do të ketë mirësinë të të përgjigjet sa më shpejt.

Përpara se të redaktoni një faqe në Wikipedia ne do t’iu rekomandonim të lexonit se si redaktohet dhe formatohet një faqe. Gjithashtu është e këshillueshme që të përdorni livadhin tonë për të eksperimentuar përpara se të redaktoni një artikull në Wikipedia. Në qoftë se dëshironi të krijoni një artikull të ri ndiqni Kujdestarin e artikujve, i cili do t’iu ofrojë ndihmë hap pas hapi. Kujdes, ju nuk duhet të kopjoni tekst nga faqet e tjera në internet dhe ta vendosni në Wikipedia! Gjithashtu gjatë katër ditëve të para të krijimit të llogarisë nuk do të mund të zhvendosni faqe nën një titull të ri alternativ.

Për t’iu përgjigjur një mesazhi nga një përdorues tjetër, duhet të shkoni në faqen e tij të diskutimit dhe të shtypni komandën “Shto një temë (të re diskutimi)”. Mos harro që diskutimet e tua duhet ti nënshkruash me (~~~~) ose thjesht shtyp butonin Insert-signature.png në fund të mesazhit tënd.

faqen tuaj të përdoruesit ju mund të shkruani shkurtimisht rreth vetes tuaj në mënyrë që wikipedianët e tjerë të të njohim më lehtë. E këshillueshme do të qe përdorimi si stampës {{Babel}}. Në qoftë se dëshiron ti mund të vendosësh edhe vendbanimin tënd aktual në hartën e wikipedianëve.

Mos harroni të ndryshoni preferencat tuaja.

Wikipedianët të urojnë punë të mbarë! Olsi (diskutimet) 14 dhjetor 2017 22:18 (CET)

Në ndihmën tënde janë faqet:


Not Albanian? sq-0? Click here!


Mireseerdhe ne wikipediaRedakto

A jeni një përdorues i ri, apo keni edituar me nofkë tjetër përpara? Nëse keni pasur nofka të tjera, ju lutem m'i thoni, nëpërmjet kësaj faqeje, apo një emaili që mund të më dërgoni personalisht. Kini parasysh se sqwiki ka rregulla të rrepta për Përdorues të shumëfishtë. --1l2l3k (diskutimet) 14 dhjetor 2017 23:53 (CET)

Përshëndetje, kam redaktuar edhe me nofkë tjetër më përpara, thjesht rregullova dy porosi që m'i kërkuan miqësisht t'i bëja sepse ka kohë që e kam lënë. --Fukingusername (diskutimet) 15 dhjetor 2017 00:35 (CET)
Nëse je Hatake, të lutem mos e përdor me këtë llogari, pasi do më detyrosh të marr një checkuser dhe nuk do jetë mirë për asnjeri. Gjithashtu, edhe nëse je njeri tjetër, që bën porosira për të tjerë, nuk lejohet. Shqip nuk e kemi të përkthyer, po kjo hyn në praktikat kundur "kukullave te mishit", të cilat nuk lejohen. E fundit, ky username ka probleme, pasi është fjalë e pisët anglisht, pra e palejueshme. Nga të gjitha anët kjo llogari ka probleme. --1l2l3k (diskutimet) 15 dhjetor 2017 15:57 (CET)
Nuk ka as dyshimin më të vogël që Përdoruesi:Hatake fshihet pas kësaj nofke, i nderuar @1l2l3k,. Ndërmerr ose mos ndërmerr ti ç'të duash, unë s'do e humb më kohën time me spahinj e bejlerë, as të bardhë as të kuq. Futma bllok edhe mua sa, aq më bën. S'ka më kënaqësi redaktimi në Wikipedia.--ish-përdoruesi Udha (diskutimet) 17 dhjetor 2017 00:11 (CET)
Nuk më vjen keq të diskutohet këtu për kush jam unë nga dikush që nuk e di kush është vetë, por të nderuar, spahinj, bejlerë, kuqomorraxhinj apo të verbërit që nga mëmëdhembja ngatërrojnë vatanin me Enverin, janë të gjithë pjesë të historisë. Kështu që bëj thirrje për pajisje me të dhëna, burime dhe ndershmëri intelektuale shtetarët tanë të cilitdo regjim qofshin - kjo për hatër të historisë së shtetit dhe institucioneve, jo për tifozllëqe si mendt pas kuvendit. Ty @Udha, të uroj sërish mbarësi, patjetër që redaktimi në Wiki s'ka kënaqësi kur nuk do t'u dalë edhe kuqomorraxhinjve içi në pah. Ju përshëndes me Çajupin, "Ku kemi lerë". --Ku-kemi-lerë-o-Çajup (diskutimet) 17 dhjetor 2017 00:28 (CET)
Plus që do të shtoj, @Udha,: me aq artikuj në pikë të hallit sa ç'ka wiki, më habit zelli nopran përmes të cilit merresh me wikihound dhe ke zero kontribut në fushën për të cilën bën tifozllëk. Ke plot artikuj të cilët mund t'i pasurosh, pasurime të cilat patjetër mëtoj të bëhen sipas këndvështrimit neutral siç e do natyra enciklopedike e informacionit. Ama, pamundësia për të të ndihmuar me çështjen vërtetë reale që të trazon, të paktën po të bëzaj t'i përqëndrosh energjite e tua në mënyrë konstruktive dhe jo me ankesa grarishte. Me tumirë --Ku-kemi-lerë-o-Çajup (diskutimet) 17 dhjetor 2017 00:41 (CET)
Hatake, kontributi në Wikipedia nga çdokush është i mirëpritur, nga të gjallë dhe të vdekur, por duhet t'i mirëpresësh edhe kritikat dhe të kesh qasje autokritike. Megjithatë, isha duke përgatitur një replikë me thumba, por sapo e lexova me vëmendje autobiografinë tënde që e gjeta në web e lashë. Tani kam mirëkuptim edhe për qasjen tënde agresive dhe ti bëj hallall deri në një shkallë fyerjet që mi ke bërë. Ndjesë për fyerjet e mia nuk kërkoj dot (sy për sy e dhëmb për dhëmb) por nuk do të të fyej më në të ardhmen, për aq kohë sa nuk më fyen mua. Edhe një gjë, lëre Enverin të qetë aty ku është e mos e merr emrin e tij nëpër gojë kot se bën mëkat. Helmin dhe vrerin drejtoje kah organizata terroriste Sigurimi, i bashkëthemeluar nga fort i panderuemi Kasëm Trebeshina i Koçi Xoxes--Udha (diskutimet) 17 dhjetor 2017 01:46 (CET)
Nuk të jap më përgjigje nëse më drejtohesh Hatake pas kësaj. Kritikat janë dobiprurëse nëse priren nga mendësi konstruktive dhe dije të gjithëmbarshme mbi çështjet në fjalë, jo nga zelli që pasqyron boshllëk të brendshëm. Në linjë historie nuk kam tagre gjykuese mbi personazhet historike, ama në linjë personale familjarisht jemi të mendimit të faktuar nga përvoja ndërbreznore (jo nga përvoja kallpe të huajtura në sajë të mëmëdhembjes) se Enveri, Koçi dhe Ismaili janë degëzime të të njëjtit tumor që amësinë e kishte në agjenturën anglo-jugosllavo-sovietike. E gjithë çështja për Kasëmin është se dosjet nuk i janë fshirë (dhe e gjithë burrëria e tij është se as ai nuk iu fsheh të kaluarës së vet, sepse ashtu ishte i prerë). Biografitë e njerëzve duan qasje mbipalëshe dhe me pasione mënjanë, vetëdijen se historia nuk nis më 1944 dhe se shqiptarët nuk i bëri komb Enveri. Është interesante dhe pa thumba të konstatohet se psikoza sociale e sajuar nga propaganda e sëmurë, në Shqipërinë londineze nuk e krijoi atë gjendje që u krijua në Ferizaj ku ende ka njerëz që zëjnë bé për kokë të Enverit... Mjerimi mendor kësi çudirash ka, s'ka brina. --Ku-kemi-lerë-o-Çajup (diskutimet) 17 dhjetor 2017 02:03 (CET)
Mos ke merak se me idhujtarinë tënde ndaj Kasëmit nuk po u lë gjë mangu enveristëve të Ferizajit. Kasëmi nuk e di të ketë përmendur në ndonjë shkrim se ka qenë themelues i Sigurimit. Përkundrazi, ai e sulmonte në mënyrë të ndyrë Kadarenë se gjoja paska qenë sigurims duke u bazuar në "zotëri" Zylyftar Ramizin, por siç doli në shesh më vonë, vetë paskësh qenë edhe më keq, themelues i organizatës terroriste në fjalë. E ka vënë në dukje shumë mirë Sadik Bejko tek "Disidentët e Rremë" që ta këshilloj ta lexosh, Kasëmi duket se ua ka bërë hallall gjithë xhelatëve të tij dhe të 17 shkrimtarëve që e kanë denoncuar, por i turret si i ndërkryer mu shkrimtarit që nuk ka pasur kurrë punë me të, pra Ismail Kadaresë! Aq fort e urren Kadarenë që s'i ka bërë gjë, sa sajon histori të paqena ku e implikon në gjyqet e tij. E beson ti sinqerisht që gjimnazisti 17 vjeçar nga Gjirokastra Ismail Kadare, akoma pa botuar asnjë libër, ishte anëtar i Lidhjes së Shkrimtarëve me të drejtë vote, dhe që sabotoi nga inati Trebeshinën më 1953? Këtë na thotë profeti juaj Kasëmi tek Dafinat e Thara.
Por në rastet kur Kasëmi flet për ngjarje reale, ai i ka pranuar krimet të cilat edhe ashtu herët ose vonë do të kishin dalë në shesh, ndaj për ti dalë të keqes përpara, i shkreti është ngutur të krijojë alibi duke na servirur storie absurde pa kurrfarë logjike si ajo e atij partizanit mendjemadh që e vret te këneta "për vetëmbrojtje", që është po aq bindëse sa përrallat e Nexhmijes dhe Ramizit për poliagjentin Mehmet Shehu dhe komplotistët Hazbiu, Ziçishti etj. Sternipi i Durasit kurrfarë pendese nuk ka shfaqur ndaj vrasjeve që ka bërë, përkundrazi i ka vrarë për së dyti duke sajuar përralla ku i demonizon dhe e paraqit veten si hero. Këtij njeriu i beson ti? Vërtet beson që i çoi atë promemorien e famshme Enver Hoxhës në tetor 1953, dhe shpëtoi pa iu ngulur asnjë therrë në këmbë deri në dhjetor kur e arrestuan për një gjë fare banale si kërkesa për të dalë jashtë shtetit? Vërtet beson ti që ajo promemorie ekziston kur nuk ka asnjë provë fare për të, nuk përmendet askund dhe për më tepër Kasëmi nuk u dënua në kohën kur pretendon se ia çoi Enverit?--Udha (diskutimet) 17 dhjetor 2017 02:57 (CET)
Ore, Kasëmi ka folë që në atë kohë, por ishte tepër i gërshetuar për t'u përndjekur. Kjo është çështja e dosjes së tij që nuk kishte nge Hatake të ta spjegonte sepse kokëshkëmbizmi yt enverist e irriton që mes rreshtash. Siç nuk qe as përndjekja e Frederik Reshpjes një përndjekje doktrinare, as e Petro Zhejit, ishin njerëz që i mbante dikush pa rënë në greminë. Ti nuk je i prerë për raste biografish, nuk ke taktin e duhur, nisesh me spunton e akuzatorit parafabrikat në kokë. Ishte djalë i ri në luftë, nuk ishte si Mehmeti dhe Fiqiretja që vranë dhjetëra rob të çarmatosur. Në të intereson, merru me të si i tillë, se e paske qëllim wikipedist këdo që ta konteston binomin viç të artë Enver-Ismail. --Ku-kemi-lerë-o-Çajup (diskutimet) 17 dhjetor 2017 03:28 (CET)
@Fukingusername,Binomi "Enver-Kadare" është pjellë e fantazisë së sëmurë të babait të organizatës terroriste Sigurimi, turkut Kasëm Trebeshina, që duket se ua ka përcjellë edhe dishepujve të tij jashtë Sigurimit. Adhurimi i verbër për Trebeshinën që vie me simptomën anësore të rëndë, urrejtjen patologjike ndaj Ismailit, duket se ta ka errësuar arsyen edhe ty. Unë kam mirëkuptim për terroristët e Sigurimit që e admirojnë njërin nga etërit themelues të tyre, por asesi për viktimat e sistemit që shkrihen për një figurë të errët si Kasëm efendiu. Aq më pak kur ai kishte një biografi të stërmirë ose stërkomuniste, kur mijëra të tjerë u përndoqën për shkak të "njollave" nëpër biografitë e tyre. Por sado të mirë ta ketë pasur biografinë ur-sigurimsi, Enveri dhe Nexhmija nuk të falnin po t'ua bëje një promemorie si ajo që u fabrikua pas rënies së sistemit. Pra na thuaj, kush e mbrojti Trebeshinën pas akuzave të rënda që gjoja i paska hedhur në drejtim të Enverit në Promemorie dhe pse nuk e mbrojti kur i kërkoi Enverit imtësira të tilla si dalja jashtë shtetit? Tre vjet e dënoi Enver djali profetin tënd Kasëmin për diçka fare banale si kjo e fundit, por në mënyrë çuditërisht të çuditshme dhe aspak të marksistshme-leninistshme ia fali krahasimin me Luigjin e XIV dhe mynxyrat tjera të Promemories? Këtë anë të butë të Enverit xhaxhit nuk e njihja më parë! Ore s'paskan faj "bijtë" e tij në Ferizaj që e adhurokan këtë ëngjëll!
Çajup, ti nuk je objektiv kur flet për Trebeshinën, mbase për shkak të ndonjë miqësie personale që mund ta kesh pasur me të pas rënies së sistemit, ndaj të vie rëndë të besosh se miku dhe profeti yt nuk ishte aq fisnik sa shtirej. E drejta jote të besosh ç'të duash për të: nëse të është pjekur në kokë se promemoria e rreme nuk është e tillë, atëherë besoje, s'të ndal kush, por trego sadopak dinjitet kur vie puna te viktimat e Kasëmit dhe mos ia arsyeto vrasjet që i bëri, se çuna të rinj ishin dhe ky terroristi i kuq ua mori jetën në lule të rinisë për arsye të pasqaruara.--Udha (diskutimet) 17 dhjetor 2017 11:45 (CET)
@Udha, Binomi Enver-Kadare është fare i kthjelltë për këdo që diktaturën e përjetoi nga përvoja e dorës së parë, jo si ekskursion joautentik me anë të propagandës që iu avit. Çka e rrethoi Kasëmin në nivel sulmesh dhe heshtjeje veçse e ripohon. Në rastin tënd, që i ke viça të artë Enver-Ismailin, është çrregullim i njohur psikologjik mveshja e patologjive vetjake tek të tjerët për t'iu arratisur problemit real: është obsesioni yt për Enver-Ismailin që nuk të lë të shohësh qëndrimet e të tjerëve dhe cilido që u ka cënuar kullën e fildishtë të është dukur si kult individi. Po a ka më kult individi se diktatori dhe shkrimtari për të cilin ajo diktaturë investoi pa masë? Aq sa u bë edhe shkrimtar kalibri botëror, kjo më shumë në sajë të përkthyesit të tërfisëm që e përkthente nga Burgu i Burrelit sesa prej ndonjëfarë talenti narrativ të vetë penës së tij. Se kush e mbrojti janë punë arkivistësh të zbulohen dhe nuk ia fsheh kush as atësinë e Sigurimit, siç nuk fsheh kush as që Enveri merrte urdhëra nga Miladin-Mugosha-Tempo. Kasëmi është një rast i çuditshëm, në mes të rasteve të tjera që t'i lartpërmenda, që duhen parë hap pas hapi dhe të lihet hapësirë për kthjellime të mëpasme dhe jo parashkrime që për prerje enciklopedike nuk kanë si të jenë përshkrime shterruese. Si unë, si Hatake jemi të lerë pas '90 (ndjemë për të dhënën vetjake, ndonëse të padëmshme besoj, por orientuese për tymnajën që ke për botëkuptim) - kësodore, nuk ka se si të kemi ndjeshmëri të tejzellshme partizanshmërishtshe (si ti për Enver-Ismailin) për Kasëmin. Përshtypja e përgjithshme e atij segmenti të përndjekurish, mes të cilëve edhe familjarë tanë, që ruanin veti shqiptare të mirëfillta pa marrinë kolektive të përshfaqur në Ferizaj i së cilës je zëdhënës mjerisht i denjë, dhe që kishin ndershmëri intelektuale, përcollën për Kasëmin një profil delikat - përkatësisht për rastin e tij kurioz. Kjo pa mëtimin për vetinë profetësuese, thjesht për t'i dhënë hakën. Patjetër që e gjitha kjo do të arsyetohet: Kasëmi qe pjesë e një lëvizje kokekëmbë terroriste, që kishte për kryetar shtabi Enveri që dhjamosej dhe shalohej me Miladinët në bjeshkët. Por në kundërshtim me Mehmet interbrigadistin me përvojë të Spanjës, Staraveckën xhandar dhe Enverin që s'e shkrehu kurrë një pisqollë, Kasëmi hyri me hovin rinor në lëvizjen e thënë. Ky pra dhe është parakushti që i duhet dikujt që do t'i kushtojë kohën dhe burimet e veta një biografie: aftësia për ta kontekstualizuar dhe për t'i hyrë brendisë së ngjarjeve i shpenguar nga pasionet. E paqartë për dikë që mes rreshtash betohet për kokë të Enver-Ismailit që nuk do të lejojë kënd t'i kushtojë qëndrime të kthjellta palëve tjera, dhe gjë që nuk mund ta çnxësh online --Ku-kemi-lerë-o-Çajup (diskutimet) 17 dhjetor 2017 12:22 (CET)
@Udha, Druaj se ti nuk kupton mirë gjuhën tonë dhe ke të vështirë të lexosh kuptimin e parë, kushedi ç'i bën nëntekstit: po them se për bëmat e veta patjetër që mban përgjegjësi para historisë, përderisa janë faktet. Qëndrim të cilin e bashkëndante që në të gjallë të tij: ishte i kthjellët kundrejt së kaluarës. Po të kesh durimin t'ia këndosh veprat, duket qartë, por ti je tepër i zënë (dhe nuk i kthjelltë mjaftueshëm ngaqë ta ka zënë enverismaili diellin e së vërtetës) duke e lexuar nga duar të dyta. Po them që Kasëmi ka pjesën e vet, e cila ka peshën e vet në kontekst, por është minore po prapë në kontekst me plojën enverismailase që zgjati me dekada. As ka ndjekës as obsesion, krejt e kundërta me obsesionet enverismailase, thjesht qetësia dhe mosmpleksja e tij la hapësirë për përsiatje kundrejt së kaluarës: nuk hiqet si i persekutuar duke pasë qenë nëpër maja - andaj edhe ia cënon kullën e fildishtë parizienit. Terrori i Kasëmit mbaroi kur nuk qe më pjesë e organigramës i së cilës qe vetëm vegël (po të ishte pjesë vendimmarrëse, do të qethej si i gjith klani Xoxe) dhe u mënjanua në atë mënyrë që ndjell kureshtje, as e vranë as e pritën, kurse terrori ismailas vazhdoi dhe ende vazhdon duke gënjyer gjindjen me rëniet e daulleve si vetëviktimizues i pacipë e i patënzonë.
Të këshilloj të ruash ekuilibrin kur më drejtohesh se e shoh që të rrëshqet arsyeja: na e quake shpirtvogëlsi krahasimin e enverismailëve me Kasëmin, kur enverismailët ishin autor 'in totum të periudhës më kobzezë së kombit.
Këtu nuk po mëtohet t'i jepet Kasëmit asgjë më shumë letrarisht: por t'i jepet drita e duhur historike mbarë periudhës. Me dokumente, jo me interpretime partizançe e flamurmbajtëse. Por ta mirëkuptoj tmerrin tënd se i bie që boshllëkun tënd të brendshëm e ke mbushur me diçka kalimtare të kësaj dynjaje. Isot duket kush i ka, hajt me tumirë dhe mirëushkrufshim në shkrimfshirjet tua të ardhshme dhe kontributit 0 që ke --Ku-kemi-lerë-o-Çajup (diskutimet) 17 dhjetor 2017 14:12 (CET)

Mehmet bej KonicaRedakto

Si mund ta vertetosh qe njihet me shume si "Mehmet bej Konica", e jo si "Mehmet Konica"? Titullin bej e perdorte si ambasador, edhe pse Shqiperia s'ishte me pjese e Perandorise Osmane? 1l2l3k (diskutimet) 18 dhjetor 2017 01:04 (CET)

Në skedën e senatit italian të Shefqet Vërlacit dëshmohet se më 1927 u miratua ligji që suprimonte titujt e vjetër të fisnikërisë. Kjo vlen në nivel letrash dhe ekuivalence njohjeje të titujve osman. Ama në nivel ndërkombëtar, kolokuial, diplomatik, trashëgimia titullore e osmanve nuk u sheshua nga protokolli diplomatik shqiptar - kjo e matshme në nivel dokumentacionesh, por edhe njohjesh: ditarët, kronikat e të huajve vazhdonin t'i përdornin titujt osman si shëmbëlltyrë e një hierarkie kaste me gjurmë perandorake. Si dukët, ritter (kalorësit), sir, e me radhë... --Ku-kemi-lerë-o-Çajup (diskutimet) 18 dhjetor 2017 01:15 (CET)
Të kuptohemi: nuk është se ka ndonjë dallim të madh, por për personazhet që kishin lerë kur perandoria qe ende realitet historik, e patën atë titull gjurmë forma mentis-i. Nuk jam kundër edhe sikur të vihet dytësisht: Mehmet Konica, i njohur edhe si Mehmet bej Konica....

BllokuarRedakto

Pershendetje Hatake! Ju jeni bllokuar pergjithnje nga redaktimi i Wikipedias ngaqe kjo eshte nje llogari e krijuar nga ju per t'iu shmangur bllokimit. Konfirmimi nga CheckUser: [1] Nderkohe llogaria juaj me emrin Hatake do te qendroje e bllokuar vetem per 3 muaj, sipas vendimit te adminit. --Olsi (diskutimet) 18 dhjetor 2017 22:32 (CET)