Fatmir Sejdiu (i lindur më 23 Tetor 1952) në Pakashticë, Podujevë është profesor universitar dhe politikan shqiptar nga Kosova. Ai ishte Presidenti i dytë[1] i Republikës së Kosovës, gjatë viteve 2006–2010 duke e zëvendësuar Presidentin e ndjerë Ibrahim Rugovën. Shkollimin fillor dhe të mesëm i ka mbaruar në Podujevë. Ka mbaruar Fakultetin e Drejtësisë në Universitetin e Prishtinës1974, ku ka kryer edhe studimet pasuniversitare. Po në këtë Universitet ka mbrojtur disertacionin e doktoratës.

Fatmir Sejdiu
Fatmir Sejdiu1.jpg
Presidenti i Dytë i Republikës së Kosovës
10 Shkurt 200627 Shtator 2010
Paraardhësi: Nexhat Daci
Pasardhësi: Jakup Krasniqi
Kryetar i Lidhjes Demokratike për Kosovën (LDK)
9 Dhjetor 20067 Nëntor 2010
Paraardhësi: Ibrahim Rugova
Pasardhësi: Isa Mustafa
Të dhënat personale
Lindi më: 23 Tetor 1952
Lindi në: Pakashticë, Podujevë, ish-Jugosllavi, (tani Kosovë)
Kombësia: Shqiptar
Profesioni: Politikan

Profesor i Universitetit

Fatmir Sejdiu
Nënshkrimi i Fatmir Sejdiut
Fatmir Sejdiu
Presidentët e Republikës së Kosovës

Për studime të thelluara, Prof.Fatmir Sejdiu ka qëndruar në Francë (Universiteti Paris 2) dhe në SHBA (Arizona State University), ndërsa ka pasur qëndrime më të shkurtra studimore edhe në universitete të tjera. Ka marrë pjesë në shumë simpoziume shkencore vendore dhe ndërkombëtare. Ka publikuar shumë punime shkencore nga fusha juridike – historike dhe juridike kushtetuese. Është autor librash të veçantë nga këto fusha.

Dr.Fatmir Sejdiu punoi si profesor në Fakultetin Juridik dhe atë të Shkencave Politike të Universitetit të Prishtinës.

Ai ishte pjesëmarrës i Kuvendit themelues të Lidhjes Demokratike të Kosovës (LDK) më 23 dhjetor 1989. Në Kuvendin e Parë Zgjedhor në vitin 1991 është zgjedhur anëtar i Këshillit të Përgjithshëm dhe më 1992 anëtar i Kryesisë së LDK-së, ndërsa më 1994 Sekretar i Përgjithshëm i LDK së, detyrë të cilën e kryen edhe sot.

Ka qenë anëtar i Komisionit Qendror për organizimin e Referendumit për Pavarësinë e Kosovës, mbajtur më 1991. Ka qenë ndër njerëzit kryesorë për përgatitjen dhe organizimin e zgjedhjeve parlamentare dhe presidenciale të Republikës së Kosovës, që janë mbajtur më 1992 dhe 1998.

Fatmir Sejdiu është zgjedhur deputet në Kuvendin e Republikës së Kosovës më 1992 dhe më 1998. Po kështu, më 1998 është zgjedhur Sekretar i Përgjithshëm i Kuvendit dhe kryetar i Komisionit për Çështje Kushtetuese.

2001, në zgjedhjet e para demokratike të pasluftës, është zgjedhur deputet në Kuvendin e Kosovës dhe anëtar i Kryesisë së Kuvendit. Deputet dhe anëtar i Kryesisë së Kuvendit është zgjedhur sërish më 2004. Z. Sejdiu ka qenë gjithashtu anëtar i Komisionit për Bashkëpunim Ndërkombëtar dhe Integrime Euroatlantike.

Më 10 shkurt, 2006, pas rethit të tretë të votimeve në Kuvendin e Kosovës, Fatmir Sejdiu u zgjodh kryetari i dytë i Kosovës. Pas zgjedhjeve të 17 nëntorit 2007, Dr. Fatmir Sejdiu rizgjidhet më 9 janar 2008 për një mandat të dytë pesëvjeçar. Ai kështu u bë presidenti i parë i Republikës së Kosovës së pavarur. Sejdiu dha dorëheqje nga posti i presidentit të Kosovës më 27 shtator 2010.[2]

Kryetari i KosovësRedakto

Pas marrjes së postit të kryetarit dhe më vonë, në kabinetin e tij presidenti Fatmir Sejdiu këtë ekipë: Isa Mustafa në funksion të këshilltarit për ekonomi; Vjosa Osmani nga 1 gushti i vitit 2006 në funksionin të këshilltarës për Çështje Ligjore dhe Ndërkombëtare ndërsa nga 27 gushti 2009 është zgjedhur edhe shefe e stafit të Presidentit të Republikës; Naim Jerliu nga janari i vitit 2007, në funksion të këshilltarit politik; Shqipe Mjekiqi nga 23 janari i vitit 2008, në funksinon të këshilltarës për Integrim Evropian; Korab R. Sejdiu nga 19 marsi i vitit 2008, në funksion të këshilltarit ligjor; Berim Ramosaj nga nëntori i vitit 2009 në funksion të këshilltarit për ekonomi;[3]

TitujRedakto

Burimi i të dhënaveRedakto

  1. ^ "Presidentët e Kosovës". Presidenti i Republikës së Kosovës. 22.04.2021. Marrë më 22.04.2021. |first= i mungong |last= (Ndihmë!); Mungon ose është bosh parametri |language= (Ndihmë!); Shiko vlerat e datave në: |access-date= dhe |date= (Ndihmë!)
  2. ^ Robert Elsie, Fjalori Historik i Kosovës, Skenderbeg BooksTiranë 2011. F. 276
  3. ^ Amëza zyrtare e presidentes së Kosovës

Lidhje të jashtmeRedakto


 
Stema e shtetit
Deklarata Kushtetuta Republika e Kosovës SHPK TMK
Gjykata Kuvendi Kryetari Qeveria Shërbimet
Ibrahim Rugova ·Fatmir Sejdiu ·Behgjet Pacolli ·Atifete Jahjaga
Kabinetet: