Lista e dekoratave në Shqipëri

Dekorata është medalje, urdhër etj., që i jepet dikujt nga shteti si shenjë nderimi për shërbime të larta ose për merita të veçanta.^[1]

Lista e dekoratave, titujve të nderit, medaljve dhe titujve vendorë të nderit (2013–sot)

Lista e dekoratave dhe titujve të nderit

Dekoratat dhe titujt e nderit në Republikën e Shqipërisë jepen vetëm nga Presidenti i Republikës, ndërsa, sipas rëndësisë, ato janë:

Emri	Fotografia	Shënime
"Dekorata e flamurit kombëtar"		U jepet personaliteteve shqiptare dhe të huaja për merita të jashtëzakonshme për lartësimin e shtetit dhe të kombit shqiptar.
Dekorata "Gjergj Kastrioti Skënderbeu"		U jepet personaliteteve shqiptare dhe të huaja për ndihmesë të qenësishme ose kontribut madhor në mbrojtjen, forcimin apo përparimin e faktorit shqiptar kudo në botë.
Dekorata "Nderi i kombit"		U jepet personaliteteve shqiptare që, me veprat dhe emrin e tyre, nderojnë kombin shqiptar brenda dhe jashtë vendit.
Dekorata "Nënë Tereza"		U jepet personaliteteve shqiptare dhe të huaja për akte të shquara humanizmi ndaj kombit shqiptar dhe njerëzimit.
"Dekorata e artë e shqiponjës"		U jepet personaliteteve shqiptare dhe të huaja për trimëri në luftën e armatosur dhe për veprimtari ose akte të guximit qytetar në kohë paqeje.
Dekorata "Pishtar i demokracisë"		U jepet personaliteteve shqiptare dhe të huaja për shërbime të shquara dhe sakrifica të kryera për kombin shqiptar dhe demokracinë.
Titulli "Kalorës i urdhrit të Skënderbeut"		U jepet personaliteteve shqiptare dhe të huaja për akte të veçanta heroike në mbrojtjen, forcimin dhe përparimin e Republikës së Shqipërisë.
Titulli "Kalorës i urdhrit të flamurit"		U jepet personaliteteve shqiptare dhe të huaja për veprimtarinë e tyre në dobi të shtetit dhe kombit shqiptar.
Titulli "Martir i demokracisë"		U jepet personaliteteve shqiptare dhe të huaja, që janë martirizuar për veprimtarinë e tyre të shquar për lirinë, demokracinë dhe përparimin shoqëror të Republikës së Shqipërisë dhe të kombit shqiptar.
Titulli "Mjeshtër i madh"		U jepet punonjësve të fushave të ndryshme të shkencës, artit, sportit, drejtimit, prodhimit dhe biznesit për punë të shquara dhe kontribut thelbësor në zhvillimin e sektorit.
Titulli "Naim Frashëri"		U jepet personaliteteve shqiptare dhe të huaja, punonjësve të shkencës, artit, kulturës dhe arsimit për veprimtari të çmuara dhe lartësimin e Republikës së Shqipërisë në fushën përkatëse.
Titulli "Për merita të veçanta civile"		U jepet personaliteteve shqiptare dhe të huaja për merita të veçanta civile në Republikën e Shqipërisë.

Lista e medaljeve

Që jepen nga Kuvendi i Republikës:

Emri	Fotografia	Shënime
Medalja "Qytetar nderi i Republikës së Shqipërisë"		U jepet personaliteteve shqiptare ose të huaja, për vepra me efekte të spikatura në historinë dhe kulturën e kombit shqiptar, të cilat njihen si arritje madhore.

Që jepen nga që jep ministri përgjegjës (aktualisht Ministria e Mbrojtjes) për Forcat e Armatosura të Republikës:

Emri	Fotografia	Shënime
“Medalja e nderit”		U jepet ushtarakëve aktivë dhe në rezervë të Forcave të Armatosura për trimëri, guxim dhe kontribut të spikatur, duke rrezikuar jetën mbi dhe përtej asaj çfarë kërkon detyra.
“Medalja e mirënjohjes”		U jepet ushtarakëve aktivë, në rezervë, në lirim ose në pension, personelit civil dhe ushtarakëve të reparteve të Forcave të Armatosura brenda dhe jashtë vendit. Kjo medalje u jepet edhe ushtarakëve të huaj, të cilët kanë dhënë një kontribut të veçantë në shërbim të Forcave të Armatosura të Republikës së Shqipërisë.
Medalja “Në shërbim të atdheut”		U jepet të gjithë ushtarakëve aktivë ose në rezervë dhe personelit civil të Forcave të Armatosura, që shërben në kohë lufte për mbrojtjen e atdheut.
Medalja “Për shërbime të shquara”		U jepet ushtarakëve aktivë dhe personelit civil të Forcave të Armatosura, që janë dalluar, në kohë paqeje, për shërbime të merituara në detyrat me përgjegjësi të lartë.
Medalja “Për shërbime të larta”		I jepet personelit civil të Forcave të Armatosura për arritje të veçanta në kryerjen e detyrave të tyre për një periudhë jo më pak se 5 vjet.

Që jepen nga që jep ministri përgjegjës (aktualisht Ministria e Punëve të Brendshme) për rendin dhe sigurinë publike:

Emri	Fotografia	Shënime
“Medalja e nderit”		U jepet punonjësve të Policisë së Shtetit, Gardës së Republikës, Policisë së Mbrojtjes nga Zjarri dhe për Shpëtimin dhe Shërbimit të Kontrollit të Brendshëm, punonjësve të shërbimeve mbështetëse, si dhe punonjësve të huaj të policisë, të atashuar në vendin tonë, të cilët shquhen për merita dhe shërbime të veçanta në luftën ndaj krimit, sigurimit të rendit e të qetësisë publike, në ruajtjen dhe administrimin e pronës dhe në ushtrimin e përgjegjësive të tjera të parashikuara nga ligji për Policinë e Shtetit, si dhe në mbështetjen e Policisë së Shtetit.
Medalja “Për trimëri”		U jepet punonjësve të Policisë së Shtetit, Gardës së Republikës, Policisë së Mbrojtjes nga Zjarri dhe për Shpëtimin dhe Shërbimit të Kontrollit të Brendshëm, të cilët tregojnë cilësi të veçanta, kurajë e guxim në realizimin e detyrave, misioneve dhe zgjidhjen e situatave të jashtëzakonshme.
Medalja “Për shpëtim jete”		U jepet punonjësve të Policisë së Shtetit, Gardës së Republikës, Policisë së Mbrojtjes nga Zjarri dhe për Shpëtimin dhe Shërbimit të Kontrollit të Brendshëm, të cilët kryejnë akte ose veprime heroike në një konflikt, operacion a situatë të jashtëzakonshme për shpëtimin e jetës së personaliteteve, kolegëve, duke vënë në rrezik jetën e tyre.

Që jepen nga Kryeministri i Republikës dhe nga ministrat e tjerë:

Emri	Klasa^[2]	Shënime
Medalja “Mirënjohje publike”	Kordoni i Madh me Yll i Mirënjohjes Publike	U jepet personaliteteve të shquara ose personaliteteve shqiptare dhe të huaja me kontribut të veçantë në fushën e veprimtarisë brenda përgjegjësisë së tyre.
	Ylli i Madh i Mirënjohjes Publike
	Ylli i Mirënjohjes Publike
Medalja “Vlerësim profesional”	E artë	U jepet personaliteteve të shquara, në veprimtarinë profesionale, në fushën e veprimtarisë brenda përgjegjësisë së tyre.
	E argjendtë
	E bronztë

Lista e titujve vendorë të nderit

Që jepen nga Këshilli bashkiak:

Emri	Fotografia	Shënime
Titulli "Qytetar nderi"		U jepet personaliteteve shqiptare ose të huaj për veprimtari të shquar në dobi të bashkisë përkatëse ose për veprimtari për mbrojtjen dhe promovimin e interesave të saj.

Që jepen nga Këshilli i qarkut:

Emri	Fotografia	Shënime
Titulli "Nderi i qarkut"		U jepet personaliteteve shqiptare ose të huaj për veprimtari të shquar në dobi të qarkut përkatës apo për veprimtari për mbrojtjen dhe promovimin e interesave të tij.

Dekorata RPPSH (1945-1992)

Hero i Punës Socialiste
Hero i Popullit
Për veprimtari patriotike
Urdhri i Lirisë (I, II, III)
Ylli Partizan (I, II, III)
Urdhri i Flamurit
Medalja e Kujtimit
Nëne Heroinë
Urdhri i Skënderbeut (I, II, III)
Për veprimtari patriotike (I, II, III)
Për mbrojtjen e Atdheut Socialist (I, II, III)
Flamuri i Kuq Punës (I, II, III)
Për punë të squar në ekonomi bujqësore (I, II, III)
Lavdi Nënës (I, II, III)
Mësues i Popullit
Mësues i merituar
Artist i Popullit
Artist i merituar
Punonjës i shquar i skencëva dhe i teknikës
Për punë të shquar në miniera dhe gjeologji
Urdhri i Trimërise
Medalja e Trimërisë
Medalja e Punës
Urdhri i Punës (I, II, III)
Urdhri Për punë të shquar në minier dhe gjeologji (I, II, III)
Urdhri Për punë të shquar në ekonomi dhe bujqësore (I, II, III)
Urdhri Për shërbime të shuara në fushën e mbrojtjes (I, II, III)
Medalja Ylli i Kuq
Urdhri Për shërbime të shuara shtetërore dhe shoqërore (I, II, III)
Medalja Naim Frashëri
Medalja e Shërbimit ushtarak
Urdhri Naim Frashëri (I, II, III)
Urdhri i Shërbimit ushtarak (I, II, III)
Urdheri Ylli i Kuq (I, II, III)
Urdheri Për vepra trimërise
Urdhri Për mbrojtjen e kufirit shtetëror të RPSSH
Urdhri Për ruajtjen e rendit shoqëror
Medalja Për vepra trimërie
Medalja për mbrojtjen e kufirit shtetëror të RPSSH
Medalja Për ruajtjen e rendit shoqëror
Urdhri për trimëri civile
Medalja për trimëri civile
Medalja për shërbim të mirë popullit
Urdhri për shërnim të mirë popullit
Medalja e Titullit Mjeshtër i shquar në profession
Medalja Për shërbim shumëvjecar në forcat e armatosura
Medalja e çlimrimit
Medalja e Artë

Lista

Në listën e mëposhtme janë të rradhitura dekoratat të cilat ndahen në Shqipëri të cilat kanë të bëjnë me lloje të ndryshme të veprimtarive dhe cilësive të individëve dhe grupeve.

Shih edhe

Dekorata

Artikulli kryesor: Lista e dekoratave në Kosovë

Artikulli kryesor: Lista e dekoratave ndërkombëtare

Burimi i të dhënave

^ Fjalor i Gjuhës së Sotme Shqipe - Tiranë, 1980
^ "PËR PËRCAKTIMIN E SPECIFIKIMEVE TË MEDALJEVE TË MIRËNJOHJES PUBLIKE DHE TË VLERËSIMIT PROFESIONAL QË JEPEN NGA KRYEMINISTRI". Fletorja Zyrtare. Viti 2019 – Numri 80: 6013. 3 qershor 2019 – nëpërmjet Fletorja Zyrtare.

[1] Fjalor i Gjuhës së Sotme Shqipe - Tiranë, 1980

[2] "PËR PËRCAKTIMIN E SPECIFIKIMEVE TË MEDALJEVE TË MIRËNJOHJES PUBLIKE DHE TË VLERËSIMIT PROFESIONAL QË JEPEN NGA KRYEMINISTRI". Fletorja Zyrtare. Viti 2019 – Numri 80: 6013. 3 qershor 2019 – nëpërmjet Fletorja Zyrtare.

[1]

[2]