Njësia administrative Maqellarë

Njësia administrative Maqellarë
Njësia administrative Maqellarë
{{{postal_code_type}}}	8302

Njësia Administrative Maqellarë është një komunë në Shqipëri.

Gjeografia

Njësia Administrative Maqellarë ndodhet ne Luginën e Drini i Zi dhe ka në përbërje të saj 22 fshatra. Ndodhet në një lartësi rreth 700 metra mbi nivelin e detit.Ndodhet në jug të Rrethit Dibër.Kuizohet në Veri me Komunën Melan,në Lindje me Republikën e Maqedonisë Komuna e Rostushë-Mavrovës ,në Jug me Dibrën e Madhe,në Perëndim me Komunat Shupenzë dhe Gjoricë.Në pjesën perendimore në të gjithë gjatësinë e saj e përshkon lumi Drin ku pika më e ulët është në Gradec 440 m mbi nivelin e detit,ndërsa në pjesë lindore nga vargmali i Deshatit me dy maja të larta si Mali i Velivarit 2371 m dhe Mali i Kërçinit 2343 m. Është një komunë që është prekur shumë nga kjo fazë tranzicioni që po kalon vendi. Të ardhurat kryesore vijnë nga emigracioni dhe fermat private.

Historia

Njësia Administrative Maqellarë ka një histori të vjetër. Për arsye të pozitës gjeografike, kjo zonë ka qenë shesh betejash dhe luftërash. Njësia Administrative Maqellarë ndodhet në Luginën e Drinit dhe ka një sipërfaqe të konsiderueshme toke të punueshme. Rrënojat e një prej kalave të kohës së Skënderbeut ndodhen në fshatin Grazhdan. Njësia Administrative Maqellarë nuk i ka shpëtuar pushtimeve të huaja si ato turke, serbe, italiane dhe gjermane. Banorët e kësaj treve patriotike i kanë dal zot vendit të tyre dhe nuk u janë gjunjëzuar pushtuesve dhe për pasojë mjaft prej tyre kanë dhënë heroikisht jetën. Pushtuesit serbë në vitin 1913 dogjen shtëpi dhe terrorizuan popullatën duke vrarë të rinj dhe të moshuar në sy të fëmijëve dhe grave të tyre. Mjaft të rinj u rreshtuan në luftë kundër pushtuesve italianë dhe gjermanë nga e cila humbën jetën si heronj mjaft të rinj dhe të reja.

Demografia

Fshatrat e Njësia Administrative Maqellarë janë të vendosura në të gjithë territorin e kësaj Komune.Fshatrat me popullsi më të madhe janë Maqellara,Pocesti,Kllobçishti,Burimi,Kçrçishti i Poshtëm.Popullsia është afër 100% myslymane.Para vitit 1990 popullsia ka qenë 16.000 banorë,por pas ardhjes së demokracisë, po shikohet një lëvizje e ngadaltë e një shtrese të popullsisë drejt qyteteve të Tiranës dhe Durrësit.Por kemi edhe lëvizje të popullsisë edhe drejt Italisë dhe vendeve të tjera europiane,dhe mëpak edhe Greqisë etj. Gjatë periudhës komuniste në fshatrat Kërçisht i Sipërm, dhe Herbel kane punuar dhe jetuar një pakicë ortodokse-maqedonase të cilët gëzonin të drejta dhe përfitime më të mira se popullsia vendase shqiptare. Kësaj pakice i jepej gjithmone prioritet. Si pasojë e ndryshimeve politike të 15 viteve të fundit, një pjesë e madhe e kësaj popullsie po lënë vendin me destinacion Maqedoninë ose në qytetet e mëdha të [[Shqipëria|Shqipërisë.Raporti meshkuj/femra është pak më i madh numri i meshkujve.

Ekonomia

Mënyra e jetesës ka ndryshuar pasi pjesa më e madhe e rinisë lokale i'u nënshtrua që në fillim emigrimit në vendet fqinje. Të ardhurat nga emigracioni janë të jashtëzakonshme dhe të një rëndësie jetike për banorët e zonës. Të ardhurat nga bujqësia janë te pamjaftueshme dhe shumica e familjeve po mbijetojnë dhe ka shumë nga këto që janë bërë të rregullt në listën e huas në dyqanet e fshatit. Ndihma e qeverisë është e papërfillshme.

Politika

Është e modës që njerëzit t'i kushtojnë një kohë të madhe problemeve të politikës së vendit. Lajmet e ditës ndiqen me interes të veçantë nëpërmjet ekranit si dhe shtypit të përditshëm. Një pjesë e mirë të kohës e zë ndjekja e punimeve në parlament sidomos debatet e ashpra. Pastaj vazhdohet me debate nëpër lokale dhe kafe të mbushura në çdo kohë të ditës.

Kultura

Vendbanimet

Komuna Maqellarë

Burimet

Shih dhe këtë

Ky artikull me tematikë në lidhje me gjeografinë e Shqipërisë është një faqe cung. Ju mund të ndihmoni Wikipedia-n duke e përmirësuar atë.