Vasileva (Drenas)
Vasileva është një fshat në komunën e Drenasit në Kosovë. Shtrihet rreth 4 km në lindje të qendrës komunale të Drenasit, është vendbanim kodrinoro-malor, ka një sipërfaqe 965 ha, 28 ari, 51m2.[1] Pas vitit 1999 fshati është i njohur edhe me emrin Malisht.
Vasileva
Malisht | |
---|---|
Fshat | |
Shteti | Kosova |
Rajoni | Prishtinë |
Komuna | Drenas |
Lartësia mbidetare | 660 m (2,170 ft) |
Popullsia | |
• Gjithsej | 634 banorë |
Emri i banorëve | Vasilevas |
Targat | 01 |
Fshati ka shkollën nëntëvjeçare “Fazli Greiçevci” për nder të mësuesit që kishte punuar në shkollë dhe që ka rënë dëshmor dhe xhaminë e fshatit. Në fshat gjendet kanali Ibër-Lepenc, liqeni i fshatit Liqeni i Vasilevës.
Prejardhja e emrit Redakto
Emri i fshatit Vasilevë rrjedh nga emri Vasil, i pari i fshatit. Vasilj-evo me prapashtesën sllave -evo.
Historia Redakto
Fshati Vasilevë së pari është përmendur më 1455 me 7 shtëpi me emra si Stankë, Jakov dhe Stojan, fshati ka pasur edhe kishën që tani quhet “Lugu i Kishës” ka mbetur toponimi, që e dëshmon se fshati dikur i përkiste ritit ortodoks (nga emrat ortodoks dhe kisha). Pasi fshati ishte i braktisur shkaku i murtajës, tri shtëpi nga fshati Dritan, dy vëllezërit Haziri dhe Neziri dhe kushëriri i tyre Syla (para fshatit Dritan kanë qenë në fshatin Luzhnicë përkohësisht ku kanë mbetur toponimi Varret e Berishanëve por me origjinë janë nga fshati Babaj Bokës, Gjakovë, nga aty në fund të shekullit të 18-të për shkak të mbipopullimit kanë lëvizur në Luzhnicë, Therandë por nga aty për shkak të një konflikti janë ndarë në Poturovc, Lipjan dhe Dritan. Më 1915 kanë ardh në Dritan ku janë konvertuar në Islam ku më pas pasardhësit e tyre disa ndahen në Vasilevë e disa qëndrojnë në Dritan.
Në vitin 1850 një familje vjen nga fshati Berishë dhe hyn në lagjen Haziri, por më pas një familje tjetër (sot lagjja Maloku) vjen me ftesë të djalit të Sylës pasi në atë kohë fisi Berishë-Elshan kishin armiqësi dhe ia kishin vrarë babën Hasanit (Sylën). Më pas në fshat vjen një familje muhaxhire më mbiemrin Behluli, fis Sop të cilët kishin qëndruar rreth 60 vite dhe shpërngulën pastaj në fshatin Miradi të komunës së Fushë Kosovës. Në fshat vjen lagjja Rubovci pasi djali i Sylës, Fetahu e kishte lëshuar gruan, e cila ishte nga Rubovci (mendohet se mund të kishin pasur edhe konflikt në Rubovc) pastaj në fshat vjen edhe lagjja Bresilla nga lagjja Rruku, Paklek (fshati fqinj) mbiemrin Bresilla e kanë marrë nga liqeni Bresillë i Çikatovës së Vjetër. Sot ekzistojnë 5 lagje, lagjja Haziri, Qorri (kanë marrë emrat nga dy banorët e lagjës më t’përmendur Haziri, dhe Qorri, Hasan Qorri i cili ishte qorruar përderisa ishte zënë nga armiqtë dhe dëshira e tij e fundit ishte ta shihte të birin e tij të vogël, ku duke u afruar qorrohet në telin që e kishte afër, ai pastaj vritet me helm në kafe) pastaj janë dhe lagjja Maloku, Rubovci, Bresilla. Në fshat janë ; 1) varret e Murtajës/Gllogocit 2) varre t’maxhupëve 3) varreza e fshatit 4) varret e lagjes Maloku 5) varret e lagjes Rubovci 6) varret e lagjës Rubovci-Bresilla 7) dhe 8) si dhe dy varreza të ndara pas luftës.
Familjet dhe mikrotoponimet Redakto
Familjet në Vasilevë janë: Berisha (Haziri, Qorri, Maloku), Rubovci dhe Bresilla. Banorët e fshatit janë të gjithë fis Berishë, lagjja Rubovci është Berishë e Kuqe, ndërsa të tjerat Berishë Alshiqe. Ndër toponimet më karakteristike të fshatit janë: Agragja e Vogël, Ara e Bukës, Ara e Çeshmes, Ara e Tërshanës, Ara e Therrave, Arrnica, Bunari i Gurit, Bregu i Çeshmes, Dushkaja, Bunari i Katunit, Gurina, Hija e Madhe, Hija e Vogël, Hurdha, Kroni i Bardhe, Kroni i Etheve,Lisi Binak, Livadhi i Murrizit, Livadhi i Spahise, Lug i Dushkut, Lugu i Kajushave, Lluburja, Mali i Blinit, Megja e Thanave, Mrizi i Thatë, Lugu i Kishes, Perpjetza e Madhe, Shkoza e Madhe, Rrezet e Vojsave, Shpati i Ahishtave, Shpati i Lejthijave, Shpati i Dhive, Udha e Rrases, Varret e Mortajes, Ura e Elezit Udha e Fshatit.
Pozita gjeografike Redakto
Fshati Vasilevë ndodhet në perëndim të Drenasit, fshat i Drenicës së Pashës, kufizohet me Dritanin në veri, në lindje me Grabocin e Ulët, në jug me Korroticën e Epërme dhe atë të Ulët, në përendim me Paklekun ndërsa në verilindje me Çikatovën e Vjetër.[2]
Afërsia me aeroportet Redakto
Aeroporti më i afërt është ai i Prishtinës, gjendet 10.4 km në jug lindje të Vasilevës. Pastaj aeroporti më i afërt është ai i Shkupit-93.4 km në jug-lindje, INI - i Nishit 108.4 km veri-lindje, TGD -i Podgoricës 141.7 km në perëndim, OHD -i Ohrit 162.0 km në jug.
Ujërat Redakto
Fshati së pari ka pusin e fshatit ku së pari kur u gjet ai burim dy vëllezërit Haziri, Neziri vendosën që të ndaheshin nga vëllezërit (sot lagjja Shehu) së bashku dhe kushëriri Syla (sot lagjja Fejza) të dyja në Dritan. Gjendet gjithashtu dhe kroi i fshatit, kanali Ibër-Lepenc dhe liqeni i fshatit Vasilevë.
Demografia Redakto
Viti i regjistrimit | Numri i popullsisë |
---|---|
1455 | 10 |
1914 | 104 |
1921 | 75 |
1948 | 165 |
2011 | 634 |
Koha e luftës së UÇK-së Redakto
Gjatë luftës ranë 3 dëshmorë: Nuhi Berisha, Agron Berisha, Sinan Berisha, janë dy të zhdukur Ahmet Berisha dhe Fidai Berisha. Gjatë luftës u vra dhe Hasa Berisha, 98 vjeçe, e cila mendohet se është personi më i vjetër i vrarë në Kosovë, të gjithë këta ishin nga nga lagjja Qorri. Në fshatin Vasilevë u vra edhe Hysen Gorani nga forcat serbe me snajper, por edhe Agron Berisha, Bejtë dhe Hajzer Rexhepi, Fazli Qerkini, Mehdi Hoxha dhe Naim Tiku, të cilët u vranë rrugës për liqen të Vasilevës ku ishin zënë nga serbët më 14 prill 1999, ndërsa Sinani dhe Agroni më 4-5 maj 1999. Sot në fshatin Vasilevë janë dy përmendore për të nderuar dëshmorët.
Referime Redakto
- ^ Osmani, Jusuf (2005). Vendbanimet e Kosovës - Drenica. Vëll. 15. Prishtinë: Shkrola.
- ^ Vendbanimet Rurale të Kosovës. Vëll. II. Shkup: Akademia e Shkencave dhe e Arteve e Kosovës. 2019. ISBN 978-9951-26-004-6.
Lidhje të jashtme Redakto
Abria e Epërme | Arllati | Baica | Çikatova e Re | Çikatova e Vjetër | Damaneku | Dritani | Fushtica e Epërme | Fushtica e Poshtme | Gllabari | Gllanasella | Godanca | Gradica | Gjergjaj | Kishnareka | Komorani | Korrotica e Epërme | Korrotica e Poshtme | Krojkova | Likashani | Llapushniku | Negroci | Nekoci | Pakleku | Polluzha | Sankoci | Shtrubullova | Shtutica | Tërdeci | Tërsteniku | Vasileva | Vërboci | Vuçaku | Zabeli i Epërm | Zabeli i Poshtëm