Stublina

**Stublinë**
Stublinë
Fshat

Stublinë është një vendbanim në komunën e Gjilanit, Kosovë.

Gjeografia

Stublina shtrihet rreth 20 km në lindje të Gjilanit. Fshat kodrinoro-malor. Në lindje kufizohet me fshatin Dobrosinqë është i banuar krejtësisht nga shqiptarët edhe që është nën administrimin e Serbisë, në perëndim me fshatin Pogragjë, në jug me fshatin Bilinicë, e në veriperëndim me Ranillugin fshat i banuar me popullatë serbe.

Stublina si vendbanim është krijuar në vitin 1878 nga refugjatët (Muhaxhirët) nga Jabllanica. Në Stublinë janë vendosur familjet Bublic nga Stublla e Jabllanicës dhe Dediqët nga Medvegja. Poashtu jetojnë edhe Dubovët te ardhur nga Medvegja si dhe Huruglica që kanë ardhur nga komuna e Leskovcit, Jabllanica.

Lagjet: Dediqi, Rakovica, Dubova, Bublica, Mollova, Huruglica. Këtu janë edhe Stubllakët dhe Bogujevcët.^[1])

Mikrotoponimet më karakteristike: Burution, Prrojet e Tamocit, Te Lugi Salihit, Lugi Mollës, te Pusat e Demës, Te Krojt e Mehmetiti, Grahecë, Prroi i dardhës, Arat e Jezerit, Arat e Demës, Xhexhemihane.^[2]

Demografia

Statistikat

Viti	Banorë	Grafiku
1948	181
1953	166
1961	234
1971	240
1981	288
1991
2007	90 (vlerësim)

^[3]

Shpërngulja e fshatareve është bere kryesisht pas luftës ku shumica janë shpërngulur në qytet (Gjilan) dhe fshatin Dobërçan. Gjatë viteve 1999 në fshatin Stublinë nuk ka pasur luftime edhe pse serbet e konsideronin si pjese territoriale të vetëm pasi që është shumë afër me kufirin serbë me Dobrosinin.

Ekonomia

Elektrifikimi i venbanimit është bërë më 24 maj 1968.^[4]

Fshati i Stublinës nuk ka ekonomi te zhvilluar. Kryesisht ne fshatin Stublinë mbillen kultura bujqësore. Bujqësia është e zhvilluar pjesërisht. Është e zhvilluar pjesërisht edhe blegtoria ku merren me rritjen e gjedheve.