Joviqi

Joviqi është një vendbanim në Komunën e Malishevës, Kosovë. Pas vitit 1999, fshati është i njohur edhe me emrin Burim. Është vendbanim i vendosur në rrafsh me shpatina dhe lugina të vogla, i ndarë në lagje të tipit të dendur. Gjendet rreth 7 kilometra larg qendrës së qytetit të Malishevës.

Joviqi Burim
Fshat
Pamje në Joviq (Vrella e Miliqit)
Shteti	Kosova
Komuna	Malishevë
Rajoni	Rajoni i Prizrenit
Sipërfaqja
• Gjithsej	2,1 km2 (8 sq mi)
Lartësia mbidetare	560 m (1,840 ft)
Popullsia
• Gjithsej	617 banorë
Targat	04

Në shekullin e 19-të, në këtë lokalitet janë vendosur me banim të përhershëm disa familje të fshatit Astrazup dhe e kanë themeluar si vendbanim.

Historia

Përmendore te Vrella e Mhillit (Miliqit)

Në bazë të mikrotoponimeve, shihet se ky vend ishte i banuar mjaft herët me popullatë shqiptare të besimit të krishterë. Kjo dëshmohet me toponimet e ruajtura Vrella e Mhillit dhe Kërrshi i Memetkolës. Jo larg vrellës, janë gjetur gjurmët e një kishe të vjetër, themele gurësh dhe harosan. Në trevën e fshatit ka gjurmë të kalldrëmit dhe të rrugëve të karvanëve që kanë ardhur nga Drenica dhe kanë kaluar afër këtij fshati për të dalë te gurëthyesi, në rrugën për Zatriq e Dukagjin.

Për një kohë mund të mos ketë ekzistuar si vendbanim, meqë nuk është gjetur në dokumente të shkruara.

Në vitin 1999, i tërë fshati është djegur dhe janë vrarë 3 persona nga ky fshat. Gjatë kësaj kohe, popullata është deportuar në Shqipëri, ndërsa 13 familje kanë mbetur te vendi i quajtur Gropa e Arushës. Më 31 mars 1999, në vendin Vrella e Mhillit janë pushkatuar dhe masakruar 34 persona, kryesisht nga Dragobili dhe Astrazupi.

Lagjet dhe mikrotoponimet

Lagjet kryesore të Joviqit janë: Bojaj, Zymeraj, Pepiqi, dhe Robaj, kurse mikrotoponimet më karakteristike janë: Goleshi i Vogël, Goleshi i Madh, Lugu i Bunarit, Vrella e Mhillit, Bunari i Bojiqëve, Gurishta, Dardhishta, Pallanka, Gropa e Arushës, Kërshi i Memetkolës, Kroni i Hanifes, dhe Buriat.

Demografia

Popullsia sipas viteve

Viti i regjistrimit	Numri i popullsisë	Numri i shtëpive
1912	-	6
1921	67	17
1948	152	21
1953	167	28
1961	228	30
1971	284	29
1981	345	28
1999	657	67

Lidhje të jashtme

• vendndodhja

Komuna e Malishevës

Qyteza: Malisheva dhe fshatrat:

Astrazupi | Balinca | Banja | Bellanica | Berisha | Bubaveci | Bubli | Carrallugë | Carravrana | Damaneku | Dragobili | Gajraku | Garaçeva | Golluboci | Guriqi | Jançishti | Joviqi | Kërvasari | Kijeva | Lubizhda | Lladroci | Lladroviqi | Llapçeva | Llashkadrenoci | Llazica | Magjera | Millanoviqi | Maralia | Mirusha | Mleçani | Ngucati | Pagarusha | Panorca | Pllaçica | Qypeva | Ruda | Seniku | Shkarashniku | Temeçina | Tërpeza | Tërpeza e Poshtme | Turjaka | Vërmica