Berisha (Malishevë)

Berisha është një vendbanim në komunën e Malishevës, Kosovë. Shtrihet në shpatet e maleve të Berishës, në pjesën perëndimore të territorit të komunës së Malishevës, 15 kilometra larg qendrës dhe gjendet në anën e djathtë të rrugës rajonale Malishevë-Prishtinë. Është fshat tipik malor, me kushte të përshtatshme për zhvillimin e blegtorisë, turizmit dhe gjuetisë.

Berisha
Fshat
Shteti	Kosova
Komuna	Malishevë
Rajoni	Prizren
Sipërfaqja
• Gjithsej	1,8 km2 (7 sq mi)
Lartësia mbidetare	1.020 m (3,350 ft)
Popullsia
• Gjithsej	205 banorë
Targat	04

Fshati ka shkollën fillore nëntëvjeçare, të përbashkët me fshatin Zogaj (Novosellë) dhe me një paralele të ndarë në fshatin Altar (Kleçkë), një dyqan dhe muzeun "Radio Kosova e Lirë".

Historia

Afër fshatit Berishë ka gjurmë të vendbanimeve të moçme ilire. Vetë fshati Berishë është një ngulmim i hershëm autokton. Për këtë flasin edhe gjurmët materiale të ndërtimeve të lashta dardane.

Fshati i sotëm berishë është rithemeluar në shekullin e 17-të. Familja e Berishajve ishin vendosur në malet e Tropojës, pasi u vendos Dinastia e Nemanjidëve. Pas vdekjes së Skënderbeut, kjo familje u kthye në vendbanimet e mëhershme. në fillim, si duket, kjo familje u vendos afër Deçanit. Prej aty, ajo u vendos në Tërpezë të Malishevës. Pas vitit 1912, ushtria serbe është vendosur në Berishë, e cila, atë herë i kishte 3 kulla të njohura. Ata nuk mund të qëndronin gjatë aty. Edhe ushtria bullgare që erdhi aty, pësoi humbje të mëdha.

Mikrotoponimet

Mikrotoponimet më karakteristike në Berishë janë: Bregu i Kërqelëve, Ahishta, Kodra e Mullamahmutit, Ara e Korubës, Gropishta, Bleshmarku, Roga e Vogël, Roga e Timarit, Ara e Madhe, Zguruluqi, Livadhet e Mëdha, Vrella e Mutune, Mrizet, Ara e Odës, Kroni Shpisë, Bunari në Arat mi Kru, Sumullari, Pajata e Sallahi, Rrahi, Kroni Maxhupit, Zabeli Vorreve, Vorret, Arat e Vorreve, Lluburi, Kroni Sylës, Bregi i Hollë, Livadhet e Lugit të Arushës, Ara Ledinë, Ara n'Skaj, Ara e Vjosës, Kranaja, Bungaja e Madhe, Ballishta, etj..

Demografia

Popullsia sipas viteve

Viti i regjistrimit	Numri i popullsisë	Numri i shtëpive
1921	68	6
1935	-	12
1948	102	14
1953	111	15
1961	107	14
1971	322	34
1981	337	34
1999	205	21

Koha e Luftës së Kosovës

Gjatë kohës së operacioneve ushtarake të UÇK-së, Berisha ishte qendër e njohur. Ajo granatohej përherë. Në këtë fshat, themelohet radiostacioni "Radio Kosova e Lirë" dhe agjencia e lajmeve "KosovaPress". Aty ishte edhe kazerma e Shtabit të Batalionit 121. Fshati është bombarduar disa herë. Nga pasojat e granatimeve është vrarë një nxënës. Janë granatuar dhe dëmtuar 5 shtëpi.

Lidhje të jashtme

• vendndodhja

Komuna e Malishevës

Qyteza: Malisheva dhe fshatrat:

Astrazupi | Balinca | Banja | Bellanica | Berisha | Bubaveci | Bubli | Carrallugë | Carravrana | Damaneku | Dragobili | Gajraku | Garaçeva | Golluboci | Guriqi | Jançishti | Joviqi | Kërvasari | Kijeva | Lubizhda | Lladroci | Lladroviqi | Llapçeva | Llashkadrenoci | Llazica | Magjera | Millanoviqi | Maralia | Mirusha | Mleçani | Ngucati | Pagarusha | Panorca | Pllaçica | Qypeva | Ruda | Seniku | Shkarashniku | Temeçina | Tërpeza | Tërpeza e Poshtme | Turjaka | Vërmica