Llazica

Llazica është një vendbanim në komunën e Malishevës, Kosovë. Pas vitit 1999, fshati është i njohur edhe me emrin Bujan. Gjendet rreth 18 kilometra në veri të Malishevës dhe është vendbanim kodrinoro-malor, i ndarë në lagje: disa të tipit të dendur e disa të shpërndara.

Llazica Bujan
Fshat
Shteti	Kosova
Komuna	Malishevë
Rajoni	Rajoni i Prizrenit
Sipërfaqja
• Gjithsej	8,8 km2 (34 sq mi)
Lartësia mbidetare	628 m (2,060 ft)
Popullsia
• Gjithsej	1.207 banorë
Targat	04

Fshati ka shkollën fillore nëntëvjeçare, punktin shëndetësor, disa dyqane mallrash ushqimore dhe të tjera, si dhe disa biznese private prodhuese.

Historia

Në lokalitetin që quhet Bujan, që gjendet midis lagjes së Buzhalëve, Foniqëve, dhe Javorëve thuhet se ka ekzistuar një vendbanim dhe se deri vonë aty kanë qenë gurët e varreve. Edhe në lagjen e Dobrunëve ka ekzistuar kisha, ku janë gjetur gurët e saj dhe është ruajtur toponimi Te Kisha; Në vendin Kryefushë janë gjetur tulla të forta, të shpuara me vrima, kulla e farkatarit, etj.; Në lokalitetin Trollishtë flitet se kanë ekzistuar troje të moçme.

Në dokumentet e shkruara, gjendet si vendbanim në një hartë austriake të vitit 1689. Më vonë përmendet në regjistrin e Manastirit të Deviçit në vitin 1761 dhe 1778. Popullata më vonë e ka pranuar fenë islame.

Sipas një dokumenti arkivor, ky fshat, në vitin 1913 kishte 50 shtëpi, të cilat okuoatori serb i dogji të gjitha dhe vrau 14 banorë të fshatit. Sot, në popull është ruajtur mikrotoponimi Vorret e Batarës. Në lokaliteti Bunari i Balës, në drejtim të fshatit Mleqan janë vendosur më shumë se 20 shtëpi të kolonëve serbë e malazezë. Ata, në vitin 1941 janë larguar dhe nuk janë kthyer më. Nga ky vendbanim janë shpërngulur disa banorë në Klinë, Pejë, Prishtinë e Drenas.

Në luftën e vitit 1998-99 janë dëmtuar 286 shtëpi nga pushtuesi serb. Përveç tyre, janë shkatërruar edhe shkolla me dokumentacion, biblioteka, ambulanta dhe një përmendore. janë vrarë 7 burra, 3 gra, 1 fëmijë, 1 luftëtar i UÇK-së si dhe një person është i zhdukur. Popullata ishte larguar nga fshati përkohësisht dhe më 29 mars 1999 dëbohet përfundimisht.

Lagjet dhe mikrotoponimet

Lagjet kryesore janë: Buzhala, Foniqi, Javori, Zogaj (Gjinolli), Dobruna (Plakaj dhe Maketaj), Bytyçi, Thaçi, dhe Tirana, kurse mikrotoponimet më karakteristike janë: Bunari i Balës, Rrasat, Kodra e Vogël, Kodra e Frashnit, Lugu i Kopilit, Lugu i Gatë, Rrafshina, Kryefusha, Silevica, Qifllaku, Roga, Kovaçica, Udha e Bujanëve, Vorret e Bujanëve, Lugu i Bujanit, Arat e Bujanit, Shpati i Vorreve, Lugu i Plakiqit, Shpati i Plakiqit, Zabeli i Makiqit, Lugu i Maketës, Shpati i Maketës, Hani i Tiranës, Udha Karvane, Vorret e Batarës, Trollishta, Te Kisha, etj.

Demografia

Viti i regjistrimit	Numri i popullsisë	Numri i shtëpive
1905	-	20
1913	285	-
1918	303	35
1921	274	41
1948	521	63
1953	548	85
1961	650	91
1971	916	95
1981	1207	220
1999	-	417

Shiko edhe

• Lista e ardhacakëve - Malishevë

Lidhje të jashtme

• vendndodhja

Komuna e Malishevës

Qyteza: Malisheva dhe fshatrat:

Astrazupi | Balinca | Banja | Bellanica | Berisha | Bubaveci | Bubli | Carrallugë | Carravrana | Damaneku | Dragobili | Gajraku | Garaçeva | Golluboci | Guriqi | Jançishti | Joviqi | Kërvasari | Kijeva | Lubizhda | Lladroci | Lladroviqi | Llapçeva | Llashkadrenoci | Llazica | Magjera | Millanoviqi | Maralia | Mirusha | Mleçani | Ngucati | Pagarusha | Panorca | Pllaçica | Qypeva | Ruda | Seniku | Shkarashniku | Temeçina | Tërpeza | Tërpeza e Poshtme | Turjaka | Vërmica