Wikipedia:Projekti Mirënjohje/Shtetërore Kosovë

DEKORATAT, URDHRAT DHE TITUJT E NDERIT TË KOSOVËS QË I JEP PRESIDENTI I KOSOVËS

Urdhri “Hero i Kosovës” , u jepet figurave historike shqiptare dhe të Kosovës të kohëve moderne nga Lidhja e Prizrenit e këndej, si dhe qytetarëve të Kosovës që kanë bërë vepra trimërie për lirinë dhe pavarësinë e Kosovës. Përmban portretin e Skënderbeut. Është i punuar në ar.
“Medalja e Artë e Lirisë” , u jepet qytetarëve të Kosovës dhe të huaj, për kontribut të lartë në mbrojtjen e lirisë së Kosovës.

“Medalja e Artë e Pavarësisë”, u jepet qytetarëve të Kosovës dhe të huaj, që kanë kontribuar për Pavarësinë e Kosovës.

“Medalja e Artë e Lidhjes së Prizrenit”, u jepet qytetarëve të Kosovës dhe të huaj si dhe personaliteteve të botës shqiptare që kontribuojnë për mirëkuptim midis shqiptarëve dhe kombeve të tjera dhe për kontribut në të gjitha fushat e jetës në frymën e Lidhjes.
Dekorata “Qytetar Nderi i Kosovës” , u jepet qytetarëve të Kosovës dhe të huaj si dhe shtetasve me origjinë kosovare, që me veprat e tyre e lartësojnë dhe nderojnë kombin kosovar. Është e punuar në ar. (Kjo dekoratë u themelua nga Presidenti i Republikës së Kosovës më 27 nëntor 1996, kur i është dhënë Nënës Tereze).
Dekorata “Crystalla Dardanica”, u jepet qytetarëve të Kosovës e të huaj që kontribuojnë për Kosovën, si dekoratë që simbolizon pasuritë dhe bukuritë e Kosovës në kuptim të miqësisë. (Kjo dekoratë u themelua nga Presidenti i Republikës së Kosovës më 1996 dhe u është dhënë disa personaliteteve të huaja).
Medalja humanitare “Nëna Tereze”, u jepet qytetarëve të Kosovës e të huaj që kontribuojnë në fushën e humanizmit.
Medalja “Luftëtar i Lirisë Adem Jashari”, u jepet qytetarëve të Kosovës e të huaj që kanë treguar trimëri në luftën e fundit për liri e pavarësi, si dhe për vepra të lirisë në kohë të paqes.
Medalja e “Paqes dhe Pajtimit Anton Çetta”, u jepet qytetarëve të Kosovës dhe të huaj që kanë kontribuar dhe kontribuojnë për Paqen dhe Pajtimin midis njerëzve, si dhe për të drejta të njeriut.
Medalja “Artist i Merituar”, u jepet personaliteteve të artit, të kulturës, për kontributin që kanë dhënë dhe japin në fushat përkatëse.
Medalja “Mësues i Merituar”, u jepet personaliteteve për kontributin e dhënë dhe që po japin në fushën e arsimit në të gjitha nivelet.
Dekorata “Qytetar i Merituar i Kosovës”, u jepet qytetarëve të Kosovës, që kontribuojnë në të mirë të Kosovës dhe bëjnë vepra të mira për vendin.
Medalja Presidenciale e Meritave, u jepet qytetarëve të Kosovës e të huaj që me punë të tyre kanë kontribuar dhe kontribuojnë për Kosovën në fusha të veçanta të jetës.
Medalja Civile, u jepet qytetarëve të Kosovës e të huaj që kontribuojnë në shërbimet civile të Kosovës.
Medalja Ushtarake, u jepet ushtarakëve të Kosovës e të huaj që kontribuojnë në cilësinë e aftësive ushtarake e të mbrojtjes së vendit.
Medalja e Artë për Paqe, Demokraci dhe Humanizëm - Dr.Ibrahim Rugova u jepet qytetarëve të Kosovës dhe të huaj që punojnë në shërbim të paqës, demokracisë dhe humanizmit. Kjo dekoratë është themeluar më 21 janar 2006, nga Presidenti i Kosovës Dr. Fatmir Sejdiu në përvjetorin e vdekjes së ish-Presidentit Dr. Ibrahim Rugova.

Çmimi Presidencial “E” për Shërbim të Eksportit, u jepet qytetarëve të Kosovës e të huaj që kontribuojnë në eksportin e prodhimeve të Kosovës në tregun ndërkombëtar.
Çmimi Presidencial për Cilësi dhe Aftësi të Menaxhimit, u jepet qytetarëve të Kosovës dhe të huaj që tregojnë punë të lartë në drejtimin e ndërmarrjeve dhe të institucioneve të ndryshme të Kosovës.
Çmimi Presidencial për Inovime, Kërkime dhe Zhvillim, u jepet qytetarëve të Kosovës e të huaj që tregojnë rezultate në fusha të caktuara.
Çmimi i Presidentit për Siguri, u jepet qytetarëve të Kosovës e të huaj, që kontribuojnë në fushën e mbrojtjes të sigurisë së Kosovës dhe të qytetarëve të saj.
Çmimi Presidencial për Studiues, u jepet qytetarëve të Kosovës e të huaj që tregojnë rezultate të larta në fushën e studimeve e të shkencave humaniste e ekzakte.
Çmimi i Presidentit për Meritat e Ambientit, u jepet qytetarëve dhe institucioneve e ndërmarrjeve të Kosovës e të huaja që kontribuojnë në mbrojtjen, kultivimin dhe ruajtjen e ambientit.
Trofeu i Presidentit, u jepet qytetarëve të Kosovës e të huaj që tregojnë rezultate të larta në fushat e sporteve të ndryshme.
Çmimi Presidencial për suksese në prodhim dhe në biznes, u jepet qytetarëve të Kosovës dhe të huaj që kanë suksese të larta në prodhim dhe në afarizëm.
Titulli Ambasador Nderi, u jepet qytetarëve të huaj dhe qytetarëve me origjinë kosovare e shtetësi të huaj, që kanë kontribuar dhe kontribuojnë për interesat nacionale të Kosovës.
Titulli Ambasador i Kombit, u jepet personaliteteve të shquara të Kosovës, që kanë merita të veçanta në lartësimin e imazhit të Kosovës në botë.